خُروج 6:2 - الكتاب المقدس بالعربي الدارجي هنا تشاد

² وَ بَعَدْ دَا، الرَّبّ قَالْ بَتَّانْ لِمُوسَى: «أَنَا بَسْ اللّٰهْ.

خُروج 6:2 Referenca të Kryqëzuara

مَلاخِـي 3:6

«أَنَا اللّٰهْ مَا نِغَيِّرْ. وَ بَيْدَا، إِنْتُو كُلَ يَا ذُرِّيَّةْ يَعْقُوبْ، مَا تِكَمُّلُوا.

إرْمِيا 9:24

كَنْ نَادُمْ يِسْتَكْبَرْ، خَلِّي يِسْتَكْبَرْ بَيْدَا، يَبْقَى عَاقِلْ أَشَانْ يَعَرِفْ كَدَرْ أَنَا اللّٰهْ بَسْ جِبْت الْخَيْر وَ الْحَقّ وَ الْعَدَالَةْ فِي الْأَرْض. وَ دَا بَسْ الْيَعَجِبْنِي.» وَ دَا كَلَامْ اللّٰهْ.

إشَعْيا 42:8

أَنَا اللّٰهْ. وَ دَا أُسْمِي! وَ مَجْدِي، مَا نَنْطِيهْ لِلْآخَرْ وَ حَمْدِي، مَا نَنْطِيهْ لِلْأَصْنَامْ!

إشَعْيا 44:6

وَ دَاهُو كَلَامْ اللّٰهْ مَلِكْ إِسْرَائِيلْ الْفَدَاهُمْ، هُو اللّٰهْ الْقَادِرْ. هُو قَالْ: «أَنَا الْأَوَّلْ وَ أَنَا الْأَخِيرْ وَ لَا إِلٰـهْ إِلَّا أَنَا.

إشَعْيا 43:15

أَنَا اللّٰهْ إِلٰـهْكُو الْقُدُّوسْ. أَنَا بَسْ الْخَلَقْت بَنِي إِسْرَائِيلْ وَ أَنَا بَسْ مَلِكُّو.»

إشَعْيا 43:11

أَنَا! أَنَا بَسْ اللّٰهْ وَ بَلَايِ أَنَا، مَا فِي مُنَجِّي.

خُروج 20:2

«أَنَا اللّٰهْ إِلٰـهَكْ بَسْ مَرَقْتَكْ مِنْ مَصِرْ بَلَدْ الْعُبُودِيَّةْ.

خُروج 17:1

كُلَّ مُجْتَمَعْ بَنِي إِسْرَائِيلْ رَحَلَوْا مِنْ صَحَرَاء سِينْ مِثِلْ اللّٰهْ أَمَرَاهُمْ بَيَّهْ وَ زَحَفَوْا شِيَّةْ شِيَّةْ لَحَدِّي نَزَلَوْا فِي رَفِدِيمْ بَكَانْ الْمَا عِنْدَهْ أَلْمِي يَشَرْبَوْه.

خُروج 14:18

وَ وَكِتْ نِوَصِّفْهُمْ قُدُرْتِي الْمَجِيدَةْ بِمَلِكْ مَصِرْ وَ عَرَبَاتَهْ وَ سِيَادْ خَيْلَهْ، خَلَاصْ الْمَصْرِيِّينْ يَعَرْفُوا كَدَرْ أَنَا بَسْ اللّٰهْ.»

خُروج 6:8

وَ وَدَّيْتكُو فِي الْبَلَدْ الْحَلَفْت نَنْطِيهَا لِإِبْرَاهِيمْ وَ إِسْحَاقْ وَ يَعْقُوبْ وَ نَنْطِيهَا لَيْكُو إِنْتُو وَرَثَةْ. أَنَا بَسْ اللّٰهْ.›»

خُروج 6:6

فِي شَانْ دَا، قُولْ لِبَنِي إِسْرَائِيلْ: ‹أَنَا اللّٰهْ. نَمْرُقْكُو مِنْ الْعُبُودِيَّةْ وَ نِنَجِّيكُو مِنْ الْخِدْمَةْ الْقَاسِيَةْ هَنَا الْمَصْرِيِّينْ. وَ نَفْدَاكُو بِدُرَاعْ قَوِي وَ بِعِقَابْ عَجِيبْ.

تكوين 15:7

وَ قَالْ لَيَّهْ: «أَنَا اللّٰهْ الْمَرَقْتَكْ مِنْ أُورْ حِلَّةْ الْكَلْدَانِيِّينْ لِنَنْطِيكْ الْبَلَدْ دِي لِتَبْقَى لَيْك وَرَثَةْ.»

خُروج 3:14

وَ الرَّبّ قَالْ لَيَّهْ: «أَنَا بَسْ هُو، مَعَنَاتَهْ أَنَا اللّٰهْ الدَّايِمْ. مِثِلْ دَا بَسْ تُرُدّ لِبَنِي إِسْرَائِيلْ. تُقُولْ: ‹اللّٰهْ الدَّايِمْ بَسْ رَسَّلَانِي لَيْكُو.›»

خُروج 3:15

وَ الرَّبّ قَالْ لَيَّهْ بَتَّانْ: «قُولْ مِثِلْ دَا لِبَنِي إِسْرَائِيلْ: ‹اللّٰهْ رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ رَسَّلَانِي لَيْكُو.› دَا بَسْ أُسْمِي الدَّايِمْ الْيِنَادُونِي بَيَّهْ مِنْ ذُرِّيَّةْ لِذُرِّيَّةْ.

خُروج 6:29

هُو قَالْ لَيَّهْ: «أَنَا بَسْ اللّٰهْ. أَمْشِي قُولْ لِفِرْعَوْن مَلِكْ مَصِرْ كُلَّ الْكَلَامْ النُّقُولَهْ لَيْك.»

خُروج 12:12

وَ فِي اللَّيْلَةْ دِي، أَنَا نُشُقّ بَلَدْ مَصِرْ وَ نَكْتُلْ أَيِّ وَلْد بِكِرْ هَنَا النَّاسْ وَ هَنَا الْبَهَايِمْ. وَ بِمِثِلْ دَا، نِعَاقِبْ إِلٰـهَاتْ بَلَدْ مَصِرْ أَشَانْ أَنَا اللّٰهْ.

خُروج 15:3

رَبِّنَا سِيدْ الْحَرِبْ وَ هُو بَسْ أُسْمَهْ اللّٰهْ.

حِزْقِيال 20:5

وَ قُولْ لَيْهُمْ: دَاهُو اللّٰهْ الرَّبّ قَالْ: ‹فِي يَوْم أَنَا عَزَلْت بَنِي إِسْرَائِيلْ، أَنَا حَلَفْت لِذُرِّيَّةْ يَعْقُوبْ وَ عَرَّفْت نَفْسِي لَيْهُمْ فِي بَلَدْ مَصِرْ. وَ حَلَفْت لَيْهُمْ وَ قُلْت: ”أَنَا اللّٰهْ إِلٰـهْكُو.“