خُروج 5:4 - الكتاب المقدس بالعربي الدارجي هنا تشاد

⁴ وَ مَلِكْ مَصِرْ قَالْ لَيْهُمْ: «يَا مُوسَى وَ هَارُونْ، مَالَا تَدْحَرَوْا الشَّعَبْ مِنْ خِدْمِتْهُمْ؟ يَلَّا! أَمْشُوا لِخِدْمِتْكُو هِنْت التَّعَبْ.»

خُروج 5:4 Referenca të Kryqëzuara

خُروج 1:11

وَ خَلَاصْ، الْمَصْرِيِّينْ قَمَّوْا خَطَّوْا كُبَارَاتْ الْمُكَلَّفِينْ بِخِدْمَةْ الْعُبُودِيَّةْ أَشَانْ يِتَعُّبُوا بَنِي إِسْرَائِيلْ بِالْخِدْمَةْ الْقَاسِيَةْ. بِمِثِلْ دَا بَسْ، بَنِي إِسْرَائِيلْ بَنَوْا مُدُنْ فِتُومْ وَ رَعَمْسِيس أَشَانْ يَبْقَوْا مَخَازِنْ لِفِرْعَوْن مَلِكْ مَصِرْ.

أعمال الرُسُل 24:5

«نَعَرْفُوا الرَّاجِلْ دَا، هُو فَسِلْ مَرَّةْ وَاحِدْ. وَ هُو قَاعِدْ يِسَوِّي فِتْنَةْ فِي أُسْط الْيَهُودْ فِي كُلَّ بُلْدَانْ الدُّنْيَا. وَ هُو مِنْ كُبَارَاتْ مَجْمُوعَةْ النَّصَارَى.

لُوقا 23:2

وَ قَمَّوْا يُخُطُّوا فَوْقَهْ تُهْمَةْ. وَ قَالَوْا: «كَرَبْنَا النَّادُمْ دَا أَشَانْ هُو قَاعِدْ يِتَلِّفْ شَعَبْنَا وَ يَدْحَرْهُمْ مَا يِكَفُّوا الْمِيرِي لِسُلْطَانْ الرَّوْمَانِيِّينْ. وَ هُو سَوَّى نَفْسَهْ الْمَسِيحْ، الْمَلِكْ.»

عَمُوس 7:10

وَ فِيَّهْ رَاجِلْ دِينْ وَاحِدْ مِنْ حِلَّةْ بَيْت إِيلْ أُسْمَهْ أَمَصْيَا. وَ الرَّاجِلْ دَا رَسَّلْ لِيَرُبَعَامْ مَلِكْ مَمْلَكَةْ إِسْرَائِيلْ وَ قَالْ لَيَّهْ: «عَمُوسْ قَاعِدْ يِحَرِّشْ الشَّعَبْ أَشَانْ مَا يِتَابُعُوكْ. وَ بَنِي إِسْرَائِيلْ مَا يَقْدَرَوْا يَحْمَلَوْا كُلَّ الْكَلَامْ الْهُو قَاعِدْ يُقُولَهْ.

إرْمِيا 38:4

وَ الْكُبَارَاتْ دَوْل قَالَوْا لِلْمَلِكْ: «النَّادُمْ دَا، وَاجِبْ يُمُوتْ! أَشَانْ هُو بَسْ قَاعِدْ يِخَوِّفْ الْعَسْكَرْ الْفَضَّلَوْا فِي الْمَدِينَةْ وَ كُلَّ الشَّعَبْ بِكَلَامَهْ دَا. هُو مَا يِدَوْر الْخَيْر لِلشَّعَبْ دَا وَ لَاكِنْ يِدَوْر لَيْهُمْ الْفَسَالَةْ.»

خُروج 2:11

وَ بَعَدْ مُوسَى تَمَّ رَاجِلْ خَلَاصْ، يَوْم وَاحِدْ قَمَّ مَشَى لِأَهَلَهْ الْعِبْرَانِيِّينْ وَ شَافْ خِدْمِتْهُمْ هَنَا الْعُبُودِيَّةْ. وَ فِي الْبَكَانْ دَا، مُوسَى شَافْ مَصْرِي وَاحِدْ قَاعِدْ يُدُقّ عِبْرَانِي وَاحِدْ مِنْ أَهَلَهْ.

خُروج 6:5

وَ هَسَّعْ، أَنَا سِمِعْت قَنِيتْ بَنِي إِسْرَائِيلْ الْقَاعِدِينْ يِعَبُّدُوهُمْ الْمَصْرِيِّينْ وَ أَنَا فَكَّرْت فِي مُعَاهَدَتِي السَّوَّيْتهَا مَعَاهُمْ.