خُروج 5:1 - الكتاب المقدس بالعربي الدارجي هنا تشاد

¹ وَ بَعَدْ دَا، مُوسَى وَ هَارُونْ مَشَوْا لِفِرْعَوْن مَلِكْ مَصِرْ وَ قَالَوْا لَيَّهْ: «دَاهُو اللّٰهْ إِلٰـهْ بَنِي إِسْرَائِيلْ قَالْ: ‹خَلِّي شَعَبِي يَمُرْقُوا لِيِعَيُّدُوا بِأُسْمِي فِي الصَّحَرَاء.›»

خُروج 5:1 Referenca të Kryqëzuara

خُروج 10:9

وَ مُوسَى رَدَّ لَيَّهْ وَ قَالْ: «أَنِحْنَ نَمْشُوا بِصُبْيَانَّا وَ شِيَّابْنَا وَ أَوْلَادْنَا وَ بَنَاتْنَا وَ بَقَرْنَا وَ غَنَمْنَا أَشَانْ نِعَيُّدُوا عِيدْ لِلّٰهْ.»

أعمال الرُسُل 4:29

يَا اللّٰهْ، هَسَّعْ شِيفْ هُمَّنْ قَاعِدِينْ يِهَدُّدُونَا. أَنْطِينَا أَنِحْنَ عَبِيدَكْ قُدْرَةْ أَشَانْ نِبَلُّغُوا كَلَامَكْ بَلَا خَوْف.

1 مُلوك 21:20

وَ أَخَابْ قَالْ لِإِلِيَاسْ: «إِنْتَ جِيتْ لِقِيتْنِي وَلَّا، يَا عَدُويِ؟» وَ إِلِيَاسْ قَالْ لَيَّهْ: «أَيْوَى! أَنَا جِيتْ لِقِيتَكْ أَشَانْ إِنْتَ شِلْت نِيَّةْ تِسَوِّي الْفَسَالَةْ قِدَّامْ اللّٰهْ.

خُروج 3:18

«وَ شُيُوخْ بَنِي إِسْرَائِيلْ يَسْمَعَوْا كَلَامَكْ وَ تَمْشِي مَعَاهُمْ فِي بَكَانْ مَلِكْ مَصِرْ. وَ تُقُولُوا لَيَّهْ: ‹اللّٰهْ رَبّ الْعِبْرَانِيِّينْ بَانْ لَيْنَا. وَ هَسَّعْ دَا، خَلِّينَا نَمْشُوا مَسَافَةْ تَلَاتَةْ يَوْم فِي الصَّحَرَاء لِنِقَدُّمُوا ضَحَايَا لِلّٰهْ إِلٰـهْنَا.›

1 كُرُنْتُس 5:8

أَشَانْ دَا، خَلِّينَا نَبْقَوْا مِثِلْ النَّاسْ الْيِعَيُّدُوا عِيدْ الْفِصْحَ الْبَاكُلُوا الْخُبْزَةْ الْجَدِيدَةْ الْمَا عِنْدَهَا تَوَّارَةْ. وَ الْخُبْزَةْ الْقَدِيمَةْ الْعِنْدَهَا تَوَّارَةْ تِوَصِّفْ الْفَسَالَةْ وَ الذُّنُوبْ. وَ الْخُبْزَةْ الْجَدِيدَةْ الْمَا عِنْدَهَا تَوَّارَةْ تِوَصِّفْ النِّيَّةْ الْمُخْلِصَةْ وَ الْحَقّ.

مَتَّى 10:28

«مَا تَخَافَوْا مِنْ النَّاسْ. يَقْدَرَوْا يَكْتُلُوا جِسِمْ النَّادُمْ وَ لَاكِنْ مَا يَقْدَرَوْا يَكْتُلُوا رُوحَهْ. أَخَافَوْا مِنْ اللّٰهْ أَشَانْ هُو يَقْدَرْ يَهْلِكْ الْجِسِمْ وَ الرُّوحْ سَوَا فِي جَهَنَّمْ.

مَتَّى 10:18

وَ يِوَدُّوكُو قِدَّامْ الْحُكَّامْ وَ الْمُلُوكْ أَشَانْ إِنْتُو نَاسِي. وَ فِي الْبَكَانْ دَا، تَشْهَدَوْا لَيِّ قِدَّامْ النَّاسْ الْعِنْدُهُمْ دِينْ وَ قِدَّامْ النَّاسْ الْمَا عِنْدُهُمْ دِينْ.

حِزْقِيال 2:6

«أَسْمَعْ، يَا إِبْن آدَمْ، مَا تَخَافْ مِنْهُمْ وَ لَا تَخَافْ مِنْ كَلَامْهُمْ. أَشَانْ إِنْتَ قَاعِدْ فِي أُسْط النَّاسْ الْيَنْقُضُوا كَلَامَكْ وَ هُمَّنْ مِثِلْ شَوْك وَ عَقَارِبْ الْإِنْتَ قَاعِدْ فَوْقهُمْ. مَا تَخَافْ مِنْ كَلَامْهُمْ وَ لَا مِنْ وُجُوهُّمْ أَشَانْ هُمَّنْ شَعَبْ عَاصِيِينْ.

إشَعْيا 25:6

اللّٰهْ الْقَادِرْ يِسَوِّي عَازُومَةْ لِكُلَّ الشُّعُوبْ فِي جَبَلْ صَهْيُون. وَ يِقَدِّمْ فَوْقهَا لَحَمْ سَمِينْ وَ خَمَرْ قَدِيمْ. أَيْوَى، يِقَدِّمْ لَحَمْ سَمِينْ وَ مُخّ وَ خَمَرْ قَدِيمْ صَافِي.

زَبُور 119:46

وَ نِحَجِّي بِوَصِيَّاتَكْ قِدَّامْ الْمُلُوكْ وَ نَقْعُدْ بَلَا عَيْب.

خُروج 4:23

وَ أَنَا أَمَرْتَكْ تِخَلِّي وِلَيْدِي يَمْرُقْ مِنْ بَلَدَكْ أَشَانْ يَعَبُدْنِي. وَ كَنْ إِنْتَ أَبَيْت مَا تِخَلِّيهْ يَمْرُقْ، خَلَاصْ أَنَا نَكْتُلْ وِلَيْدَكْ الْبِكِرْ.“›»

خُروج 6:11

«أَمْشِي لِفِرْعَوْن مَلِكْ مَصِرْ وَ قُولْ لَيَّهْ: ‹خَلِّي بَنِي إِسْرَائِيلْ يَمُرْقُوا مِنْ بَلَدَكْ!›»

خُروج 6:27

وَ مُوسَى وَ هَارُونْ هُمَّنْ بَسْ الْمَشَوْا وَ حَجَّوْا لِفِرْعَوْن مَلِكْ مَصِرْ لِيِخَلِّي بَنِي إِسْرَائِيلْ يَمُرْقُوا مِنْ مَصِرْ.

خُروج 7:16

وَ قُولْ لِلْمَلِكْ: ‹اللّٰهْ رَبّ الْعِبْرَانِيِّينْ رَسَّلَانِي وَ هُو يُقُولْ لَيْك: ”خَلِّي شَعَبِي يَمُرْقُوا مِنْ بَلَدَكْ لِيَعَبُدُونِي فِي الصَّحَرَاء. لَاكِنْ دَاهُو يَا هَسَّعْ كُلَ، إِنْتَ أَبَيْت.“

خُروج 8:1

خَلَاصْ، اللّٰهْ قَالْ لِمُوسَى: «أَمْشِي لِلْمَلِكْ وَ قُولْ لَيَّهْ: ‹دَاهُو اللّٰهْ قَالْ: ”خَلِّي شَعَبِي يَمُرْقُوا مِنْ بَلَدَكْ وَ يَمْشُوا يَعَبُدُونِي.

خُروج 8:20

وَ بَعَدْ دَا، اللّٰهْ قَالْ لِمُوسَى: «أَمْبَاكِرْ قُمّ بِفَجُرْ بَدْرِي وَ أَمْشِي قَابِلْ الْمَلِكْ فِي وَكِتْ هُو مَاشِي فِي خَشُمْ الْبَحَرْ. وَ قُولْ لَيَّهْ: ‹دَاهُو اللّٰهْ قَالْ: ”خَلِّي شَعَبِي يَمُرْقُوا مِنْ بَلَدَكْ لِيَعَبُدُونِي.

خُروج 33:13

وَ كَنْ صَحِيحْ كَيْ إِنْتَ رِضِيتْ لَيِّ، عَرِّفْنِي دَرْبَكْ أَشَانْ نَعَرْفَكْ وَ إِنْتَ تَرْضَى لَيِّ دَايْماً. وَ فَكِّرْ فِي الْأُمَّةْ دِي أَشَانْ هِي شَعَبَكْ.»

خُروج 7:2

إِنْتَ تِحَجِّي لِهَارُونْ بِكُلَّ شَيّءْ الْأَنَا أَمَرْتَكْ بَيَّهْ. وَ هَارُونْ كَمَانْ يِحَجِّي لِلْمَلِكْ لِيِخَلِّي بَنِي إِسْرَائِيلْ يَمُرْقُوا مِنْ بَلَدَهْ.

خُروج 8:16

وَ بَعَدْ دَا، اللّٰهْ قَالْ لِمُوسَى: «قُولْ لِهَارُونْ يِمِدّ الْعَصَاةْ وَ يَضْرُبْ التُّرَابْ وَ الْعَجَاجْ يُقُمّ وَ يَبْقَى أَمْ بَاعُوضَةْ فِي كُلَّ بَلَدْ مَصِرْ.»

خُروج 8:17

وَ سَوَّوْا مِثِلْ دَا. هَارُونْ مَدَّ إِيدَهْ الْعِنْدَهَا الْعَصَاةْ وَ ضَرَبْ التُّرَابْ. وَ الْعَجَاجْ قَمَّ وَ بِقِي أَمْ بَاعُوضَةْ وَ قَمَّتْ تَاكُلْ فِي النَّاسْ وَ فِي الْبَهَايِمْ. وَ كُلَّ الْعَجَاجْ هَنَا التُّرَابْ بِقِي أَمْ بَاعُوضَةْ فِي كُلَّ بَلَدْ مَصِرْ.

خُروج 8:27

وَاجِبْ نَمْشُوا مَسَافَةْ تَلَاتَةْ يَوْم فِي الصَّحَرَاء حَتَّى نِقَدُّمُوا لِلّٰهْ إِلٰـهْنَا ضَحَايَا مِثِلْ هُو أَمَرَانَا بَيَّهْ.»

خُروج 9:1

وَ بَعَدْ دَا، اللّٰهْ قَالْ لِمُوسَى: «أَمْشِي لِلْمَلِكْ وَ قُولْ لَيَّهْ: ‹دَاهُو اللّٰهْ رَبّ الْعِبْرَانِيِّينْ قَالْ: ”خَلِّي شَعَبِي يَمُرْقُوا وَ يَمْشُوا لِيَعَبُدُونِي.

خُروج 9:2

وَ كَنْ إِنْتَ أَبَيْت مَا تِخَلِّيهُمْ يَمُرْقُوا،

خُروج 10:3

وَ خَلَاصْ، مُوسَى وَ هَارُونْ مَشَوْا لِلْمَلِكْ وَ قَالَوْا لَيَّهْ: «دَاهُو اللّٰهْ رَبّ الْعِبْرَانِيِّينْ قَالْ: ‹لَحَدِّي مَتَى إِنْتَ تَابَى مَا تِدَنْقِرْ قِدَّامِي؟ خَلِّي شَعَبِي يَمُرْقُوا وَ يَمْشُوا لِيَعَبُدُونِي!

خُروج 10:4

وَ كَنْ أَبَيْت مَا تِخَلِّي شَعَبِي يَمُرْقُوا، خَلَاصْ أَمْبَاكِرْ أَنَا نِرَسِّلْ جَرَادْ فِي بَلَدَكْ.