خُروج 4:18 - الكتاب المقدس بالعربي الدارجي هنا تشاد

^18-19 وَ وَكِتْ مُوسَى قَاعِدْ فِي بَلَدْ مِدْيَانْ، اللّٰهْ قَالْ لَيَّهْ: «قَبِّلْ أَمْشِي فِي مَصِرْ أَشَانْ كُلَّ النَّاسْ الدَّوَّرَوْا يَكْتُلُوكْ مَاتَوْا.» وَ خَلَاصْ، مُوسَى قَمَّ مَشَى لِيَسْرُونْ نَسِيبَهْ وَ قَالْ لَيَّهْ: «أَنْطِينِي إِذِنْ نَمْشِي نِشِيفْ أَهَلِي فِي مَصِرْ لِنَعَرِفْ كَنْ هُمَّنْ قَاعِدِينْ حَيِّينْ.» وَ يَسْرُونْ قَالْ لِمُوسَى: «أَمْشِي بِالسَّلَامْ.»

خُروج 4:18 Referenca të Kryqëzuara

خُروج 3:1

وَ مُوسَى قَاعِدْ يَسْرَحْ بِغَنَمْ هَنَا نَسِيبَهْ يَسْرُونْ وَ هُو بَسْ رَاجِلْ الدِّينْ هَنَا بَلَدْ مِدْيَانْ. وَ يَوْم وَاحِدْ، مُوسَى سَاقْ الْغَنَمْ غَادِي لِلصَّحَرَاء وَ وِصِلْ فِي جَبَلْ اللّٰهْ الْأُسْمَهْ حُورِيبْ.

1 تِمُوتَاوُس 6:1

خَلِّي كُلَّ الْمُؤمِنِينْ الْقَاعِدِينْ فِي الْعُبُودِيَّةْ يُخُطُّوا فِي فِكِرْهُمْ كَدَرْ وَاجِبْ يِحْتَرُمُوا سِيَادْهُمْ مَرَّةْ وَاحِدْ. وَ مِثِلْ دَا، نَادُمْ مَا يُقُولْ بِسَبَبْهُمْ كَلَامْ فَسِلْ فِي أُسُمْ اللّٰهْ وَ تَعْلِيمْنَا.

أعمال الرُسُل 16:36

وَ الْحَرَسْ أَوْرَى بُولُسْ بِكَلَامْهُمْ وَ قَالْ: «الْحُكَّامْ رَسَّلَوْا كَلَامْ أَشَانْ نَطْلِقْكُو وَ خَلَاصْ، أَمُرْقُوا هَسَّعْ وَ أَمْشُوا بِالسَّلَامْ.»

أعمال الرُسُل 15:36

وَ بَعَدَيْن، بُولُسْ كَلَّمْ لِبَرْنَابَا وَ قَالْ: «خَلِّي نِقَبُّلُوا فِي الْحِلَّالْ الْبَلَّغْنَا فَوْقهُمْ بِشَارَةْ الرَّبّ. خَلِّي نِسَلُّمُوا الْأَخْوَانْ وَ نِشِيفُوا حَالْهُمْ.»

لُوقا 7:50

وَ عِيسَى حَجَّى لِلْمَرَةْ بَتَّانْ وَ قَالْ: «بِسَبَبْ إِيمَانْكِ نِجِيتِ. أَمْشِي بِسَلَامْ.»

1 صَمُوِيل 1:17

وَ عَالِي رَدَّ لَيْهَا وَ قَالْ: «أَمْشِي بِالسَّلَامَةْ. وَ خَلِّي اللّٰهْ إِلٰـهْ بَنِي إِسْرَائِيلْ يَنْطِيكِ الشَّيّءْ السَّأَلْتِيهْ مِنَّهْ.»

تكوين 45:3

وَ يُوسُفْ قَالْ لِأَخْوَانَهْ: «أَنَا بَسْ يُوسُفْ! صَحِيحْ أَبُويِ لِسَّاعْ قَاعِدْ حَيّ وَلَّا؟» لَاكِنْ أَخْوَانَهْ مِنْ الْخَوْف قِدَّامَهْ مَا قِدْرَوْا رَدَّوْا لَيَّهْ.

خُروج 2:21

وَ مُوسَى قَصَّدْ يَقْعُدْ فِي بَيْت الرَّاجِلْ دَا. وَ الرَّاجِلْ دَا جَوَّزْ بِنَيِّتَهْ صِفُّورَةْ لِمُوسَى.

2 مُلوك 5:19

وَ أَلْيَسَعْ قَالْ لَيَّهْ: «أَمْشِي بِالسَّلَامَةْ.» وَ هُو قَمَّ مَشَى بَعِيدْ مِنَّهْ.

قُضياء 18:6

وَ رَاجِلْ الدِّينْ قَالْ لَيْهُمْ: «أَمْشُوا بِالسَّلَامْ فِي مَخَطَرْكُو. اللّٰهْ مَعَاكُو.»

2 مُلوك 5:10

وَ أَلْيَسَعْ رَسَّلْ خَدَّامَهْ أَشَانْ يُقُولْ لَيَّهْ: «أَمْشِي أَلْبَرَّد سَبْعَةْ مَرَّاتْ فِي بَحَرْ الْأُرْدُنْ. وَ تَلْقَى الْعَافَيْ وَ جِسْمَكْ يَبْقَى طَاهِرْ.»