خُروج 4:12 - الكتاب المقدس بالعربي الدارجي هنا تشاد

¹² خَلَاصْ أَمْشِي. أَنَا نُكُونْ مَعَاكْ وَكِتْ تِحَجِّي وَ نِأَوْرِيكْ الْكَلَامْ التُّقُولَهْ.»

خُروج 4:12 Referenca të Kryqëzuara

إرْمِيا 1:9

وَ خَلَاصْ، اللّٰهْ مَدَّ إِيدَهْ وَ قَالْ لَيِّ: «دَاهُو أَنَا نُخُطّ كَلَامِي فِي خَشْمَكْ.

مَرْخُوس 13:11

وَ وَكِتْ يَكُرْبُوكُو وَ يِوَدُّوكُو لِلشَّرِيعَةْ، مَا تِهِمُّوا لِلْكَلَامْ التُّقُولُوهْ. فِي الْبَكَانْ دَا، قُولُوا الْكَلَامْ الْيَجِي لَيْكُو أَشَانْ الْكَلَامْ التُّقُولُوهْ يَجِي مِنْ الرُّوحْ الْقُدُّوسْ وَ مَا مِنْ نُفُوسْكُو.

إشَعْيا 50:4

اللّٰهْ الرَّبّ أَنْطَانِي لِسَانْ التَّلَامِيذ أَشَانْ بِكَلَامِي نَقْدَرْ نِسَاعِدْ الْعَيَّانْ. كُلِّ صَبَاحْ، هُو يِقَوِّمْنِي مِنْ النَّوْم وَ يُفُكّ أَدَانِي لِنَسْمَعْ مِثِلْ التَّلَامِيذ.

أفَسُس 6:19

وَ أَسْأَلَوْا اللّٰهْ لَيِّ أَنَا ذَاتِي أَشَانْ فِي أَيِّ وَكِتْ النِّدَوْر نِحَجِّي بِكَلَامْ اللّٰهْ، خَلِّي هُو يَنْطِينِي الْكَلَامْ الْوَاجِبْ لَيِّ. نِدَوْر نِحَجِّي بَلَا خَوْف وَ نِفَسِّرْ لِلنَّاسْ سِرّ اللّٰهْ الْبَيَّنَهْ فِي بِشَارَةْ الْمَسِيحْ.

يُوحَنَّا 14:26

لَاكِنْ الْمُعَاوِنْ يَجِي وَ هُو الرُّوحْ الْقُدُّوسْ. وَ أَبُويِ يِرَسِّلَهْ لَيْكُو بِأُسْمِي. وَ هُو يِعَلِّمْكُو كُلَّ شَيّءْ وَ يِفَكِّرْكُو كُلَّ الْكَلَامْ الْأَنَا قُلْتَهْ لَيْكُو.

لُوقا 11:1

وَ عِيسَى قَاعِدْ يِصَلِّي فِي بَكَانْ وَاحِدْ. وَ وَكِتْ هُو كَمَّلْ صَلَاتَهْ، وَاحِدْ مِنْ تَلَامِيذَهْ حَجَّى لَيَّهْ وَ قَالْ: «سَيِّدْنَا، عَلِّمْنَا نِصَلُّوا مِثِلْ يَحْيَى عَلَّمْ تَلَامِيذَهْ يِصَلُّوا.»

إشَعْيا 49:2

هُو سَوَّى لِسَانِي مِثِلْ سَيْف طَرِينْ وَ فِي لُبّ إِيدَهْ، لَبَّدْنِي. وَ سَوَّانِي مِثِلْ نُشَّابْ طَرِينْ وَ فِي كَلَوْتَّهْ، دَسَّانِي.

زَبُور 143:10

عَلِّمْنِي لِنِسَوِّي نِيّتَكْ أَشَانْ إِنْتَ إِلٰـهِي. خَلِّي رُوحَكْ الْعَدِيلْ يِوَدِّينِي فِي أَرْض مُسْتَوِيَةْ!

زَبُور 32:9

مَا تَبْقَى مِثِلْ الْجُوَادْ أَوْ الْبَغَلْ الْمَا يَفْهَمْ وَ مَا يَقِيفْ إِلَّا بِالصَّرِيمَةْ وَ اللِّجَامْ. وَ بَلَاهُمْ مَا يَتْبَعَكْ.»

خُروج 3:12

وَ الرَّبّ قَالْ: «أَنَا نُكُونْ مَعَاكْ وَ دِي هِي الْعَلَامَةْ التِّوَصِّفْ لَيْك كَدَرْ أَنَا بَسْ رَسَّلْتَكْ. وَ وَكِتْ إِنْتَ تَمْرُقْ بَنِي إِسْرَائِيلْ مِنْ مَصِرْ، إِنْتُو كُلُّكُو تَجُوا تَعَبُدُونِي فِي الْجَبَلْ دَا.»

خُروج 4:13

وَ مُوسَى قَالْ: «نَشْحَدَكْ، يَا رَبّ. رَسِّلْ نَادُمْ آخَرْ!»

خُروج 4:15

وَ إِنْتَ تِحَجِّي لَيَّهْ بِالشَّيّءْ الْوَاجِبْ يُقُولَهْ. وَ أَنَا ذَاتِي نُكُونْ مَعَاكْ إِنْتَ وَ مَعَ هَارُونْ. وَ نِأَوْرِيكُو بِالشَّيّءْ الْوَاجِبْ تِسَوُّوهْ.

خُروج 4:16

وَ هُو بَسْ يِحَجِّي لِلشَّعَبْ فِي بَدَلَكْ وَ يَبْقَى لَيْك خَشُمْ الْكَلَامْ. وَ كَلَامَكْ إِنْتَ يَبْقَى لَيَّهْ مِثِلْ كَلَامْ إِلٰـهَهْ.

عَدد 16:28

وَ مُوسَى قَالْ: «بِمِثِلْ دَا، تَعَرْفُوا كَدَرْ اللّٰهْ بَسْ رَسَّلَانِي أَشَانْ نِسَوِّي كُلَّ شَيّءْ بِأَمْرَهْ. وَ تَعَرْفُوا أَنَا مَا سَوَّيْت شَيّءْ بِنِيّتِي أَنَا.

تَثْنِية 18:18

أَنَا نَمْرُقْ لَيْهُمْ فِي أُسُطْهُمْ نَبِي مِثْلَكْ وَ أَنَا نَنْطِيهْ كُلَّ كَلَامِي وَ هُو يِحَجِّي لَيْهُمْ بِكُلَّ شَيّءْ النَّامُرَهْ بَيَّهْ.

زَبُور 105:26

بَعَدْ دَا، رَسَّلْ عَبْدَهْ مُوسَى وَ هَارُونْ الْهُو عَزَلَهْ.