خُروج 39:8 - الكتاب المقدس بالعربي الدارجي هنا تشاد

⁸ وَ هُمَّنْ سَوَّوْا صِدَيْرِيَّةْ الْقَرَارْ مِثِلْ سَوَّوْا الْفَرْمَلَةْ. هِي كُلَ مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ وَ مُجَمَّلَةْ بِدَهَبْ. وَ دَا بِخِيَاطَةْ خَيَّاطِي مَعْرُوفْ.

خُروج 39:8 Referenca të Kryqëzuara

خُروج 28:4

الْخُلْقَانْ الْيِسَوُّوهُمْ هُمَّنْ الصِّدَيْرِيَّةْ وَ الْفَرْمَلَةْ وَ الْجَلَّابِيَّةْ وَ الْجَوَّانِيَّةْ وَ الْكَدْمُولْ وَ الْحِزَامْ. يِسَوُّوا خُلْقَانْ خَاصِّينْ لِهَارُونْ أَخُوكْ وَ لِعِيَالَهْ لِيَبْقَوْا لَيِّ رُجَالْ دِينْ.

أفَسُس 6:14

أَشَانْ دَا، أَقْعُدُوا ثَابْتِينْ، صُلُبْكُو مَرْبُوطْ بِالْحَقّ. خَلِّي الْحَالْ الصَّالْحَةْ تَبْقَى لَيْكُو دِرِعْ قَوِي فِي صَدُرْكُو.

إشَعْيا 59:17

هُو لِبِسْ الْعَدَالَةْ مِثِلْ دِرِعْ وَ خَطَّ طَاقِيَّةْ النَّجَاةْ فِي رَاسَهْ. هُو لِبِسْ خَلَقْ التَّارْ مِثِلْ عِبَايَةْ وَ أَنْكَسَى بِالْغِيرَةْ مِثِلْ جَلَّابِيَّةْ.

زَبُور 89:28

أَنَا نَحْفَضْ لَيَّهْ رَحْمَتِي إِلَى الْأَبَدْ وَ مُعَاهَدَتِي كُلَ تُكُونْ لَيَّهْ ثَابْتَةْ.

خُروج 25:7

وَ حَجَرْ الْأُسْمَهْ عَقِيقْ وَ حُجَارْ آخَرِينْ غَالِيِّينْ لِيِجَمُّلُوا بَيْهُمْ الْفَرْمَلَةْ وَ الصِّدَيْرِيَّةْ هَنَا كَبِيرْ رُجَالْ الدِّينْ.

خُروج 26:1

«‹وَ سَوِّي الْخَيْمَةْ بِعَشَرَةْ قِطْعَةْ مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ. وَ خَيِّطْ فِي الْقِطَعْ دَوْل صُوَرْ مَخْلُوقِينْ سَمَاوِيِّينْ بِخِيَاطَةْ خَيَّاطِي مَعْرُوفْ.

خُروج 39:9

وَ سَوَّوْا الصِّدَيْرِيَّةْ مُرَبَّعَةْ طُولْهَا شِبِرْ وَ عُرْضَهَا كُلَ شِبِرْ. وَ مَطْبُوقَةْ مَرَّتَيْن مِثِلْ جَيْب.