خُروج 39:1 - الكتاب المقدس بالعربي الدارجي هنا تشاد

¹ بَصَلِيلْ وَ الصِّنَاعِيِينْ الْآخَرِينْ سَوَّوْا خُلْقَانْ لِرُجَالْ الدِّينْ لِيَخْدُمُوا فِي خَيْمَةْ الْعِبَادَةْ مِنْ قُمَاشْ هَنَا كَتَّانْ لَوْنَهْ ظَهْرِي وَ قَرَضِي وَ أَحْمَرْ. وَ بَتَّانْ سَوَّوْا خُلْقَانْ خَاصِّينْ لِهَارُونْ مِثِلْ اللّٰهْ أَمَرْ بَيَّهْ مُوسَى.

خُروج 39:1 Referenca të Kryqëzuara

خُروج 31:10

وَ الْخُلْقَانْ الْغَالِيِّينْ الْخَاصِّينْ لِهَارُونْ رَاجِلْ الدِّينْ وَ خُلْقَانْ عِيَالَهْ وَكِتْ يَخْدُمُوا مِثِلْ رُجَالْ دِينْ

خُروج 35:23

وَ أَيِّ نَادُمْ الْعِنْدَهْ قُمَاشْ ظَهْرِي أَوْ قَرَضِي أَوْ أَحْمَرْ أَوْ قُمَاشْ هَنَا كَتَّانْ أَوْ صُوفْ عِنْزَيْ أَوْ فِرَاوْ كُبَاشْ مَدْبُوغِينْ وَ مُلَوَّنِينْ بِلَوْن أَحْمَرْ أَوْ فَرْوَةْ هَنَا عِجِلْ الْبَحَرْ كُلَ جَابَهْ هَدِيَّةْ.

خُروج 35:19

وَ خُلْقَانْ لِلْخِدْمَةْ فِي الْبَكَانْ الْمُقَدَّسْ. وَ دَوْل خُلْقَانْ الْخَاصِّينْ لِهَارُونْ رَاجِلْ الدِّينْ وَ خُلْقَانْ لِأَوْلَادَهْ وَكِتْ يَخْدُمُوا مِثِلْ رُجَالْ دِينْ.»

عِبْرَانِيِّين 9:25

وَ هُو دَخَلْ لَاكِنْ مَا أَشَانْ يِقَدِّمْ نَفْسَهْ عِدَّةْ مَرَّاتْ. هُو مَا مِثِلْ كَبِيرْ رُجَالْ الدِّينْ الْيَدْخُلْ كُلِّ سَنَةْ فِي الْبَكَانْ الْمُقَدَّسْ مَرَّةْ وَاحِدْ شَايِلْ مَعَايَهْ دَمّ الْبَهَايِمْ.

عِبْرَانِيِّين 9:12

وَ خَلَاصْ، هُو دَخَلْ دَخُولْ وَاحِدْ وَ نِهَائِي فِي الْبَكَانْ الْمُقَدَّسْ. وَ الدَّمّ الْهُو شَالَهْ مَا هَنَا غَنَمْ وَ لَا هَنَا عِجِلْ لَاكِنْ شَالْ دَمَّهْ هُو ذَاتَهْ. وَ بَيْدَا، هُو جَابْ لَيْنَا الْفِدَا الدَّايِمْ.

حِزْقِيال 43:12

وَ دَاهُو قَانُونْ الْبَيْت. كُلَّ رَاسْ الْجَبَلْ دَا وَ كُلَّ حُدُودَهْ فِي كُلِّ جِيهَةْ مُقَدَّسْ مَرَّةْ وَاحِدْ. أَيْوَى، دَا قَانُونْ الْبَيْت الْمُقَدَّسْ.»

حِزْقِيال 42:14

وَ وَكِتْ رُجَالْ الدِّينْ يَمُرْقُوا مِنْ الْبَكَانْ الْمُقَدَّسْ، مَا يَمُرْقُوا طَوَّالِي عَلَيْ الْفَضَايْ الْبَرَّانِيَّةْ. وَاجِبْ هُمَّنْ يَمْشُوا فِي الْغُرَفْ دَوْل وَ يِسِلُّوا خُلْقَانْهُمْ هَنَا الْخِدْمَةْ وَ يُضُمُّوهُمْ هِنَاكْ أَشَانْ الْخُلْقَانْ دَوْل مُخَصَّصِينْ. وَ هُمَّنْ يَلْبَسَوْا خُلْقَانْ الْعَادِيِّينْ وَ بَعَدْ دَا، يَقْدَرَوْا يِقَرُّبُوا لِلْبَكَانَاتْ الْقَاعِدِينْ فَوْقهُمْ الشَّعَبْ.»

زَبُور 93:5

مُعَاهَدَتَكْ صَادْقَةْ مَرَّةْ وَاحِدْ وَ قَدَاسْتَكْ تِجَمِّلْ بَيْتَكْ إِلَى الْأَبَدْ، يَا اللّٰهْ!

خُروج 39:41

وَ الْخُلْقَانْ لِلْخِدْمَةْ فِي الْبَكَانْ الْمُقَدَّسْ وَ دَوْل خُلْقَانْ الْخَاصِّينْ لِهَارُونْ رَاجِلْ الدِّينْ وَ خُلْقَانْ لِأَوْلَادَهْ وَكِتْ يَخْدُمُوا مِثِلْ رُجَالْ الدِّينْ.

خُروج 26:1

«‹وَ سَوِّي الْخَيْمَةْ بِعَشَرَةْ قِطْعَةْ مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ. وَ خَيِّطْ فِي الْقِطَعْ دَوْل صُوَرْ مَخْلُوقِينْ سَمَاوِيِّينْ بِخِيَاطَةْ خَيَّاطِي مَعْرُوفْ.

خُروج 25:4

وَ قُمَاشْ ظَهْرِي وَ قَرَضِي وَ أَحْمَرْ وَ قُمَاشْ كَتَّانْ وَ صُوفْ عِنْزَيْ

خُروج 38:31

وَ أَسَاسْ الْفَضَايْ الْمُحَوِّقَةْ الْخَيْمَةْ وَ أَسَاسْ بَابْ الْفَضَايْ وَ كُلَّ وُتَادْ الْخَيْمَةْ وَ وُتَادْ الْفَضَايْ.

خُروج 28:5

وَ الْخُلْقَانْ دَوْل يِسَوُّوهُمْ بِقُمَاشْ هَنَا كَتَّانْ اللَّوْنَهْ ظَهْرِي وَ قَرَضِي وَ أَحْمَرْ وَ مُجَمَّلِينْ بِدَهَبْ.