خُروج 33:3 - الكتاب المقدس بالعربي الدارجي هنا تشاد

³ وَ بَعَدْ دَا، إِنْتُو تَمْشُوا لِلْبَلَدْ الْمَلَانَةْ بِاللَّبَنْ وَ الْعَسَلْ. وَ لَاكِنْ أَنَا مَا نَمْشِي مَعَاكُو أَشَانْ مَا نَكْتُلْكُو فِي الدَّرِبْ بِسَبَبْ إِنْتُو شَعَبْ رَاسْكُو قَوِي.»

خُروج 33:3 Referenca të Kryqëzuara

خُروج 3:8

أَشَانْ دَا، أَنَا جِيتْ لِنِنَجِّيهُمْ مِنْ إِيدْ الْمَصْرِيِّينْ وَ نِوَدِّيهُمْ فِي بَلَدْ آخَرَةْ وَ هِي سَمْحَةْ وَ وَسِيعَةْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ. وَ هَسَّعْ، النَّاسْ السَّاكْنِينْ فَوْقهَا هُمَّنْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

أعمال الرُسُل 7:51

وَ إِسْتِفَانْ قَالْ: «يَا النَّاسْ الْعَاصِيِينْ! قُلُوبْكُو قَوِيِّينْ وَ مَا تِدَوْرُوا تَسْمَعَوْا كَلَامْ اللّٰهْ! إِنْتُو دَايْماً تَعَصَوْا الرُّوحْ الْقُدُّوسْ. إِنْتُو تِسَوُّوا نَفْس الشَّيّءْ مِثِلْ جُدُودْكُو سَوَّوْه.

إرْمِيا 11:5

وَ خَلَاصْ بَيْدَا، أَنَا طَبَّقْت الْكَلَامْ الْحَلَفْت بَيَّهْ لِجُدُودْكُو وَ قُلْت نَنْطِيهُمْ الْبَلَدْ الْمَلَانَةْ بِاللَّبَنْ وَ الْعَسَلْ. دَاهُو إِنْتُو عَايْشِينْ فَوْقهَا الْيَوْم!›» وَ أَنَا إِرْمِيَا رَدَّيْت وَ قُلْت: «آمِينْ، يَا اللّٰهْ.»

يَشُوع 5:6

بَنِي إِسْرَائِيلْ رَاغَوْا لِمُدَّةْ 40 سَنَةْ فِي الصَّحَرَاء لَحَدِّي كُلَّ الرُّجَالْ الْمُحَارِبِينْ الْمَرَقَوْا مِنْ مَصِرْ مَاتَوْا أَشَانْ هُمَّنْ مَا سِمْعَوْا كَلَامْ اللّٰهْ. وَ فِي شَانْ عِصْيَانْهُمْ، اللّٰهْ قَرَّرْ كَدَرْ مَا يِشَوِّفْهُمْ الْبَلَدْ الْأَوَّلْ هُو حَلَفْ لِجُدُودْهُمْ وَ قَالْ يَنْطِيهَا لَيْهُمْ. وَ دِي الْبَلَدْ الْمَلَانَةْ بِاللَّبَنْ وَ الْعَسَلْ.

عَدد 16:45

«أَمُرْقُوا مِنْ أُسُطْ مُجْتَمَعْ بَنِي إِسْرَائِيلْ دَوْل أَشَانْ أَنَا نِدَمِّرْهُمْ هَسَّعْ.» فِي الْبَكَانْ دَا، مُوسَى وَ هَارُونْ وَقَعَوْا بِوُجُوهُّمْ فِي التُّرَابْ.

عَدد 16:21

«أَمُرْقُوا مِنْ أُسُطْ مُجْتَمَعْ بَنِي إِسْرَائِيلْ دَوْل أَشَانْ أَنَا نِدَمِّرْهُمْ هَسَّعْ.»

يُونُس 3:10

وَ الرَّبّ شَافْ نَاسْ نِينَوَى قَمَّوْا يِسَوُّوا مِثِلْ كَيْ وَ خَلَّوْا مِنْهُمْ عَمَلْهُمْ الْفَسِلْ. وَ خَلَاصْ، هُو كُلَ خَلَّى غَضَبَهْ الْأَوَّلْ قَرَّرْ يِنَزِّلَهْ فَوْقهُمْ.

يُونُس 3:4

وَ يُونُسْ وَصَّلْ فِي نِينَوَى وَ عِنْدَهْ يَوْم تَمَامْ رَايِغْ وَ يُقُولْ: «بَعَدْ أَرْبَعِينْ يَوْم، نِينَوَى تِدَّمَّرْ!»

زَبُور 78:8

أَشَانْ مَا يَبْقَوْا مِثِلْ جُدُودْهُمْ، ذُرِّيَّةْ حَرَامِيَّةْ وَ عَاصِيَةْ، ذُرِّيَّةْ الْقَلِبْهَا مَا ثَابِتْ وَ مَا عِنْدَهَا إِيمَانْ بِالرَّبّ.

1 صَمُوِيل 2:30

«أَشَانْ دَا، دَاهُو اللّٰهْ إِلٰـهْ بَنِي إِسْرَائِيلْ قَالْ لَيْك: ‹أَكِيدْ أَنَا أَوَّلْ قُلْت بَيْتَكْ وَ بَيْت أَبُوكْ يَقْعُدُوا فِي خِدِمْتِي دَايْماً.› لَاكِنْ هَسَّعْ دَا، دَاهُو كَلَامْ اللّٰهْ: ‹أَبَداً! بَتَّانْ مَا نِسَوِّيهْ! نِشَرِّفْ الْيِشَرُّفُونِي وَ لَاكِنْ الْيَحْقُرُونِي يَبْقَوْا مَحْقُورِينْ.

عَدد 16:13

إِنْتَ مَرَقْتِنَا مِنْ بَلَدْ الْمَلَانَةْ بِاللَّبَنْ وَ الْعَسَلْ وَ جِبْتِنَا نُمُوتُوا فِي الصَّحَرَاء دِي. دَا مَا تَمَّاكْ وَلَّا؟ وَ بَيْدَا كُلَ، بَتَّانْ تِدَوْر تَحْكِمْ فَوْقنَا؟

عَدد 14:12

أَشَانْ دَا، أَنَا نِنَزِّلْ فَوْقهُمْ وَبَاءْ وَ مَا نَنْطِيهُمْ وَرَثَتْهُمْ. وَ مِنَّكْ إِنْتَ أَنَا نَمْرُقْ أُمَّةْ كَبِيرَةْ وَ شَدِيدَةْ مِنْهُمْ.»

عَدد 14:8

كَنْ اللّٰهْ بِرِيدْنَا، يِوَدِّينَا فِي الْبَلَدْ دِي وَ يَنْطِيهَا لَيْنَا هِي الْمَلَانَةْ بِاللَّبَنْ وَ الْعَسَلْ.

عَدد 13:27

وَ هُمَّنْ قَالَوْا لِمُوسَى: «أَنِحْنَ مَشَيْنَا فِي الْبَلَدْ الْإِنْتَ رَسَّلْتِنَا لَيْهَا وَ صَحِيحْ الْبَلَدْ دِي سَمْحَةْ وَ مَلَانَةْ بِاللَّبَنْ وَ الْعَسَلْ وَ دَاهُو فَوَاكِهَّا.

لاوِيِّين 20:24

«وَ أَنَا قُلْت لَيْكُو: ‹إِنْتُو بَسْ تَوْرُثُوا أَرْضُهُمْ وَ أَنَا نَنْطِيهَا لَيْكُو مِثِلْ وَرَثَةْ. وَ دِي الْبَلَدْ الْمَلَانَةْ بِاللَّبَنْ وَ الْعَسَلْ.› «وَ أَنَا اللّٰهْ إِلٰـهْكُو الْعَزَلْتُكُو مِنْ كُلَّ الشُّعُوبْ.

خُروج 34:9

وَ قَالْ: «يَا رَبّ، كَنْ إِنْتَ رِضِيتْ لَيِّ، أَمْشِي مَعَانَا. يَا رَبّ، حَتَّى كَانْ أَنِحْنَ شَعَبَكْ رَاسْنَا قَوِي كُلَ، أَغْفِرْ لَيْنَا خَطَايَانَا وَ ذُنُوبْنَا. وَ أَجْعَلْنَا شَعَبَكْ الْحَلَالَكْ.»

خُروج 32:14

وَ خَلَاصْ، اللّٰهْ خَلَّى غَضَبَهْ الْأَوَّلْ قَرَّرْ يِنَزِّلَهْ فِي شَعَبَهْ.

خُروج 23:21

فَكُّرُوا فَوْقَهْ وَ تَابُعُوا كَلَامَهْ وَ مَا تَعَصَوْه أَشَانْ هُو مَا يِسَامِحْ عِصْيَانْكُو أَشَانْ هُو يِمَثِّلْنِي.

خُروج 13:5

اللّٰهْ حَلَفْ لِجُدُودْكُو وَ قَالْ يَنْطِيكُو بَلَدْ الْمَلَانَةْ بِاللَّبَنْ وَ الْعَسَلْ. وَ دِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْحِوِّيِّينْ وَ الْيَبُوسِيِّينْ. وَ وَكِتْ اللّٰهْ وَدَّاكُو هِنَاكْ، فِي كُلِّ سَنَةْ وَاجِبْ تِعَيُّدُوا فِي نَفْس الشَّهَرْ.

خُروج 3:17

وَ قَالْ يَمْرُقْكُو مِنْ مَصِرْ الْبَكَانْ الْقَاعِدِينْ تَتْعَبَوْا فَوْقَهْ. وَ يِوَدِّيكُو فِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ فِي الْبَلَدْ الْمَلَانَةْ بِاللَّبَنْ وَ الْعَسَلْ.›

خُروج 33:5

وَ دَا أَشَانْ اللّٰهْ قَالْ لِمُوسَى: «قُولْ لِبَنِي إِسْرَائِيلْ: ‹إِنْتُو شَعَبْ رَاسْكُو قَوِي. كَنْ أَنَا مَشَيْت مَعَاكُو لِوَكِتْ شِيَّةْ كُلَ، نَكْتُلْكُو. هَسَّعْ دَا، سِلُّوا مِنْكُو زِينِتْكُو. وَ أَنَا نِشِيفْ كِكَّيْف نِسَوِّي لَيْكُو.›»

2 مُلوك 17:14

وَ لَاكِنْ هُمَّنْ مَا سِمْعَوْا كَلَامَهْ. قَوَّوْا رُوسَيْهُمْ مِثِلْ جُدُودْهُمْ الْمَا آمَنَوْا بِاللّٰهْ إِلٰـهُّمْ.

حِزْقِيال 20:6

وَ فِي الْيَوْم دَا، أَنَا حَلَفْت لَيْهُمْ كَدَرْ نَمْرُقْهُمْ مِنْ بَلَدْ مَصِرْ وَ نِوَدِّيهُمْ عَلَيْ الْبَلَدْ الْأَنَا عَزَلْتَهَا لَيْهُمْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ وَ جَمِيلَةْ مِنْ كُلَّ الْبُلْدَانْ.

تَثْنِية 4:24

أَشَانْ غَضَبْ اللّٰهْ إِلٰـهْكُو مِثِلْ نَارْ التَّحْرِقْ. وَ هُو إِلٰـهْ غَيُّورْ يَعْنِي مَا يِدَوْر تَعَبُدُوا إِلٰـهْ آخَرْ.

إشَعْيا 48:4

أَشَانْ أَنَا نَعَرِفْ إِنْتُو رُوسَيْكُو قَوِيِّينْ وَ عَنَاقِرْكُو مِثِلْ حَدِيدْ وَ جَبْهَاتْكُو مِثِلْ نَحَاسْ.