خُروج 30:8 - الكتاب المقدس بالعربي الدارجي هنا تشاد

⁸ وَ بَتَّانْ يِحَرِّقَهْ عَشِيَّةْ وَكِتْ يَجِي يِقَبِّضْ الْفَانُوسْ. الْبَخُورْ يِحَرُّقُوهْ دَايْماً فَجُرْ وَ عَشِيَّةْ قِدَّامْ اللّٰهْ مِنْ ذُرِّيَّةْ لِذُرِّيَّةْ.

خُروج 30:8 Referenca të Kryqëzuara

عِبْرَانِيِّين 9:24

وَ الْبَكَانْ الْمُقَدَّسْ الْعِيسَى الْمَسِيحْ دَخَلْ فَوْقَهْ، دَا مَا الْبَكَانْ الْبَنَاهْ الْإِنْسَانْ. الْبَكَانْ دَا صُورَةْ بَسْ هَنَا الْبَكَانْ الصَّحِيحْ. لَاكِنْ هُو دَخَلْ فِي السَّمَاءْ ذَاتَهْ أَشَانْ يَحْضَرْ قِدَّامْ اللّٰهْ فِي شَانَّا فِي الزَّمَنْ الْحَالِي.

عِبْرَانِيِّين 7:25

بِالسَّبَبْ دَا، هُو دَايْماً يَقْدَرْ يِنَجِّي النَّاسْ الْيِقَرُّبُوا لِلّٰهْ بَيَّهْ هُو أَشَانْ هُو حَيّ دَايْماً وَ قَاعِدْ يَسْأَلْ لَيْهُمْ اللّٰهْ دَايْماً.

1 تَسَلونِيكِي 5:17

وَ مَا تَكْسَلَوْا مِنْ الصَّلَاةْ

رَوْمَا 8:34

يَاتُو الْيِعَاقِبْهُمْ؟ مَا فِي! الْمَسِيحْ عِيسَى مَا يِعَاقِبْهُمْ. بِالْعَكْس، هُو بَسْ الْمَاتْ فِي شَانَّا. وَ زِيَادَةْ مِنْ دَا، هُو بَعَثْ وَ قَاعِدْ جَنْب اللّٰهْ فِي نُصَّهْ الزَّيْنَايْ وَ بِقِي لَيْنَا وَسِيطْ.

خُروج 12:6

«وَ تِخَلُّوهْ يَقْعُدْ لَحَدِّي يَوْم 14 هَنَا الشَّهَرْ. وَ كُلَّ مُجْتَمَعْ بَنِي إِسْرَائِيلْ يَدْبَحَوْا حُمْلَانْهُمْ بِمَغْرِبْ.

خُروج 27:21

هَارُونْ وَ عِيَالَهْ يَحْفَضَوْه مُوَلِّعْ قِدَّامْ اللّٰهْ فِي خَيْمَةْ الْإِجْتِمَاعْ قِدَّامْ السِّتَارْ الْيِدَارِقْ الصَّنْدُوقْ الْفَوْقَهْ لِيحَانْ الْمُعَاهَدَةْ. وَ ضَيّ الْفَانُوسْ يُكُونْ مُوَلِّعْ مِنْ مَغْرِبْ لَحَدِّي فَجُرْ. وَ دَا يَبْقَى شَرْط دَايِمْ لِبَنِي إِسْرَائِيلْ مِنْ ذُرِّيَّةْ لِذُرِّيَّةْ.

خُروج 30:7

«‹هَارُونْ يِحَرِّقْ الْبَخُورْ الْمُعَطَّرْ دَا كُلِّ فَجُرْ وَكِتْ يَجِي يِنَضِّفْ الْفَانُوسْ.

خُروج 30:9

مَا تِحَرِّقْ فِي الْمُخْبَرْ دَا بَخُورْ الْاللّٰهْ مَا أَذَنْ بَيَّهْ وَ لَا ضَحِيَّةْ مُحَرَّقَةْ وَ لَا هَدِيَّةْ هَنَا دَقِيقْ. وَ مَا تُصُبُّوا فَوْقَهْ هَدِيَّةْ شَرَابْ.

1 صَمُوِيل 2:28

وَ أَنَا عَزَلْتُهُمْ مِنْ كُلَّ قَبَايِلْ بَنِي إِسْرَائِيلْ أَشَانْ يَبْقَوْا رُجَالْ الدِّينْ. وَ يِحَرُّقُوا الْبَخُورْ فِي مَدْبَحِي وَ يَلْبَسَوْا قِدَّامِي خَلَقْ هَنَا رُجَالْ الدِّينْ. وَ بَتَّانْ أَنَا أَنْطَيْتهُمْ عَايِلَةْ هَارُونْ قِسِمْ مِنْ كُلَّ الضَّحَايَا مُحَرَّقِينْ الْيِحَرُّقُوهُمْ بَنِي إِسْرَائِيلْ.

2 أخبار 26:18

وَ هُمَّنْ قَمَّوْا ضِدّ الْمَلِكْ عُزِّيَّا وَ قَالَوْا لَيَّهْ: «يَا عُزِّيَّا، مَا عِنْدَكْ حَقّ تَحْرِقْ الْبَخُورْ فِي بَيْت اللّٰهْ. دِي خِدْمَةْ رُجَالْ الدِّينْ مِنْ ذُرِّيَّةْ هَارُونْ الْخَصَّصَوْهُمْ لِيِحَرُّقُوا الْبَخُورْ. يَلَّا أَمْرُقْ مِنْ الْبَيْت الْمُقَدَّسْ دَا أَشَانْ إِنْتَ عِصِيتْ اللّٰهْ! وَ خِدِمْتَكْ دِي مَا تِجِيبْ لَيْك شَرَفْ قِدَّامْ اللّٰهْ الرَّبّ.»

زَبُور 141:2

خَلِّي صَلَاتِي تَبْقَى مِثِلْ بَخُورْ الْيِقَدُّمُوهْ لَيْك وَ إِيدَيْنِي الْمَرْفُوعِينْ لَيْك يَبْقَوْا مِثِلْ هَدِيَّةْ الْعَشِيَّةْ.

خُروج 25:37

وَ سَوِّي سَبْعَةْ طِيَيْسَاتْ لِلنَّارْ وَ خُطُّهُمْ فِي الْفَانُوسْ دَا أَشَانْ وَكِتْ يِوَلُّعُوهُمْ، نِيرَانْهُمْ يِضَوُّوا كُلَّ الْبَكَانْ الْقِدَّامْهُمْ.