خُروج 3:9 - الكتاب المقدس بالعربي الدارجي هنا تشاد

⁹ وَ دَاهُو صِرَاخْ بَنِي إِسْرَائِيلْ وِصِلَانِي. وَ شِفْت الْمَصْرِيِّينْ قَاعِدِينْ يَظُلْمُوهُمْ.

خُروج 3:9 Referenca të Kryqëzuara

خُروج 2:23

وَ بَعَدْ مُدَّةْ طَوِيلَةْ، مَلِكْ مَصِرْ مَاتْ. وَ بَنِي إِسْرَائِيلْ قَاعِدِينْ يَقُنْتُوا مِنْ التَّعَبْ هَنَا الْعُبُودِيَّةْ وَ قَاعِدِينْ يَصْرَخَوْا لَحَدِّي صِرَاخْهُمْ لِحِقْ الرَّبّ.

خُروج 3:7

وَ اللّٰهْ قَالْ بَتَّانْ: «أَنَا شِفْت تَمَامْ التَّعَبْ هَنَا شَعَبِي الْقَاعِدِينْ فِي مَصِرْ. وَ سِمِعْت صِرَاخْهُمْ قِدَّامْ النَّاسْ الْقَاعِدِينْ يِتَعُّبُوهُمْ. وَ حَسَّيْت بِعَذَابْهُمْ.

خُروج 1:11

وَ خَلَاصْ، الْمَصْرِيِّينْ قَمَّوْا خَطَّوْا كُبَارَاتْ الْمُكَلَّفِينْ بِخِدْمَةْ الْعُبُودِيَّةْ أَشَانْ يِتَعُّبُوا بَنِي إِسْرَائِيلْ بِالْخِدْمَةْ الْقَاسِيَةْ. بِمِثِلْ دَا بَسْ، بَنِي إِسْرَائِيلْ بَنَوْا مُدُنْ فِتُومْ وَ رَعَمْسِيس أَشَانْ يَبْقَوْا مَخَازِنْ لِفِرْعَوْن مَلِكْ مَصِرْ.

خُروج 1:22

وَ خَلَاصْ، الْمَلِكْ قَمَّ أَنْطَى أَمُرْ لِشَعَبَهْ وَ قَالْ لَيْهُمْ: «أَزْقُلُوا فِي الْبَحَرْ أَيِّ وِلَيْد عِبْرَانِي الدَّهَابَهْ وِلْدَوْه. إِلَّا الْبَنَاتْ بَسْ خَلُّوهِنْ.»

جامِعة 5:8

وَ كَنْ إِنْتَ شِفْت فِي بَلَدْ وَاحِدَةْ يَظُلْمُوا الْمِسْكِينْ وَ يَدْحَرَوْه مِنْ الْحَقّ وَ الْعَدَالَةْ، مَا تِلْعَجَّبْ مِنْ الشَّيّءْ دَا. أَشَانْ الْمَسْؤُولْ يَحْمِي الْمَسْؤُولْ وَ فِي مَسَائِيلْ آخَرِينْ كُبَارْ مِنْهُمْ.

جامِعة 4:1

أَنَا شِفْت بَتَّانْ كُلَّ الظُّلُمْ الْقَاعِدْ يُكُونْ فِي الْأَرْض. دَاهُو أَنَا شِفْت دُمُوعْ الْمَظْلُومِينْ وَ مَا فِي الْيِصَبِّرْهُمْ. وَ الْقُدْرَةْ دَايْماً لِلظَّالِمِينْ وَ الْمَظْلُومِينْ، مَا فِي الْيِصَبِّرْهُمْ.

زَبُور 12:5

لَاكِنْ اللّٰهْ قَالْ: «هَسَّعْ نُقُمّ وَ نِجِيبْ النَّجَاةْ لِلنَّاسْ الْمَحْقُورِينْ. أَشَانْ الْمَسَاكِينْ، ظَلَمَوْهُمْ وَ الضَّعِيفِينْ يَقُنْتُوا.»

عَمُوس 4:1

أَسْمَعَنْ، يَا الْعَوِينْ الْقَاعِدَاتْ فِي جِبَالْ مَدِينَةْ السَّامِرَةْ! إِنْتَنْ مِثِلْ بَقَرْ الْيَسْرَحَوْا فِي مَرْعَى بَاشَانْ. إِنْتَنْ تَظُلْمَنْ الْمَسَاكِينْ وَ تِتَعِّبَنْ الْفَقْرَانِينْ. وَ تَامُرَنْ سِيَادْ بُيُوتْكَنْ وَ تُقُولَنْ: «جِيبْ لَيِّ نَشْرَبْ!»

تكوين 16:11

دَاهُو إِنْتِ غَلْبَانَةْ وَ تَلْدَيْ وِلَيْد وَ تِسَمِّيهْ إِسْمَاعِيلْ (مَعَنَاتَهْ اللّٰهْ يَسْمَعْ) أَشَانْ اللّٰهْ سِمِعْ بِتَعَبْكِ.

تَثْنِية 26:7

وَ أَنِحْنَ كَمَانْ سَأَلْنَا اللّٰهْ رَبّ جُدُودْنَا وَ هُو سِمِعْ حِسِّنَا وَ شَافْ مُرِّنَا وَ تَعَبْنَا وَ ضِيقِتْنَا.

1 صَمُوِيل 9:16

«أَمْبَاكِرْ فِي نَفْس الْوَكِتْ، نِرَسِّلْ لَيْك نَادُمْ وَاحِدْ مِنْ بَلَدْ بَنْيَامِينْ. أَمْسَحَهْ وَ دَرِّجَهْ لِيَبْقَى كَبِيرْ لِشَعَبِي بَنِي إِسْرَائِيلْ وَ يِنَجِّيهُمْ مِنْ الْفِلِسْطِيِّينْ. أَشَانْ أَنَا شِفْت تَعَبْ شَعَبِي وَ صِرَاخْهُمْ وَصَّلَانِي.»

2 مُلوك 13:4

وَ لَاكِنْ يَهُوحَازْ شَحَدْ اللّٰهْ وَ اللّٰهْ قِبِلْ سُؤَالَهْ أَشَانْ هُو شَافْ الظُّلُمْ الْقَاعِدْ يِسَوِّيهْ مَلِكْ أَرَامْ لِمَمْلَكَةْ إِسْرَائِيلْ.

تكوين 31:12

وَ قَالْ لَيِّ: ‹أَرْفَعْ رَاسَكْ وَ شِيفْ عَدِيلْ، كُلَّ التُّيُوسْ الْقَاعِدِينْ يِعَشُّرُوا الْغَنَمْ، هُمَّنْ رُقُطْ وَ عِنْدُهُمْ دَرَاعْ وَ سِيحَانْ. أَشَانْ أَنَا شِفْت كُلَّ الشَّيّءْ اللَّابَانْ قَاعِدْ يِسَوِّي لَيْك.

خُروج 1:8

وَ بَعَدَيْن، مَلِكْ جَدِيدْ رِكِبْ فِي مَصِرْ وَ هُو مَا عِرِفْ شَيّءْ فِي يُوسُفْ.

خُروج 2:25

وَ الرَّبّ شَافْ بَنِي إِسْرَائِيلْ وَ عِرِفْ حَالِتْهُمْ.

2 مُلوك 20:5

«قَبِّلْ أَمْشِي لِحِزْقِيَّا كَبِيرْ شَعَبِي وَ قُولْ لَيَّهْ: ‹دَاهُو اللّٰهْ إِلٰـهْ جِدَّكْ دَاوُدْ قَالْ: ”أَنَا سِمِعْت سُؤَالَكْ وَ شِفْت دُمُوعَكْ الدَّفَّقَوْا. هَسَّعْ دَا، أَنَا نَشْفِيكْ وَ فِي الْيَوْم التَّالِتْ، إِنْتَ تَقْدَرْ تَمْشِي لِبَيْت اللّٰهْ.

نَحَمْيا 9:9

«وَ إِنْتَ شِفْت تَعَبْ جُدُودْنَا وَكِتْ هُمَّنْ قَاعِدِينْ فِي مَصِرْ وَ سِمِعْت كُرَوْرَاكْهُمْ وَكِتْ قَاعِدِينْ يِكَوْرُكُوا فِي خَشُمْ الْبَحَرْ الْأَحْمَرْ.

زَبُور 9:14

أَشَانْ نِحَجِّي بِكُلَّ شُكْرَكْ فِي بِيبَانْ صَهْيُون الْمِثِلْ بِنَيَّةْ وَ نَفْرَحْ بِسَبَبْ نَجَاتَكْ.