خُروج 3:8 - الكتاب المقدس بالعربي الدارجي هنا تشاد

⁸ أَشَانْ دَا، أَنَا جِيتْ لِنِنَجِّيهُمْ مِنْ إِيدْ الْمَصْرِيِّينْ وَ نِوَدِّيهُمْ فِي بَلَدْ آخَرَةْ وَ هِي سَمْحَةْ وَ وَسِيعَةْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ. وَ هَسَّعْ، النَّاسْ السَّاكْنِينْ فَوْقهَا هُمَّنْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

خُروج 3:8 Referenca të Kryqëzuara

تكوين 50:24

وَ يَوْم وَاحِدْ، يُوسُفْ قَالْ لِأَخْوَانَهْ: «أَنَا قَرِيبْ نُمُوتْ لَاكِنْ أَكِيدْ الرَّبّ يِفَكِّرْ فَوْقكُو وَ يَمْرُقْكُو مِنْ مَصِرْ وَ يِوَدِّيكُو فِي الْبَلَدْ الْهُو حَلَفْ وَ قَالْ يَنْطِيهَا لِإِبْرَاهِيمْ وَ إِسْحَاقْ وَ يَعْقُوبْ.»

خُروج 3:17

وَ قَالْ يَمْرُقْكُو مِنْ مَصِرْ الْبَكَانْ الْقَاعِدِينْ تَتْعَبَوْا فَوْقَهْ. وَ يِوَدِّيكُو فِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ فِي الْبَلَدْ الْمَلَانَةْ بِاللَّبَنْ وَ الْعَسَلْ.›

تَثْنِية 1:25

وَ جَابَوْا مَعَاهُمْ مِنْ فَوَاكِهْ الْبَلَدْ دِي وَ وَصَّفَوْهُمْ لَيْنَا. وَ كَلَّمَوْا لَيْنَا وَ قَالَوْا: «الْبَلَدْ الْيَنْطِيهَا لَيْنَا اللّٰهْ إِلٰـهْنَا دِي، هِي عَدِيلَةْ.»

خُروج 13:5

اللّٰهْ حَلَفْ لِجُدُودْكُو وَ قَالْ يَنْطِيكُو بَلَدْ الْمَلَانَةْ بِاللَّبَنْ وَ الْعَسَلْ. وَ دِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْحِوِّيِّينْ وَ الْيَبُوسِيِّينْ. وَ وَكِتْ اللّٰهْ وَدَّاكُو هِنَاكْ، فِي كُلِّ سَنَةْ وَاجِبْ تِعَيُّدُوا فِي نَفْس الشَّهَرْ.

إرْمِيا 11:5

وَ خَلَاصْ بَيْدَا، أَنَا طَبَّقْت الْكَلَامْ الْحَلَفْت بَيَّهْ لِجُدُودْكُو وَ قُلْت نَنْطِيهُمْ الْبَلَدْ الْمَلَانَةْ بِاللَّبَنْ وَ الْعَسَلْ. دَاهُو إِنْتُو عَايْشِينْ فَوْقهَا الْيَوْم!›» وَ أَنَا إِرْمِيَا رَدَّيْت وَ قُلْت: «آمِينْ، يَا اللّٰهْ.»

عَدد 13:27

وَ هُمَّنْ قَالَوْا لِمُوسَى: «أَنِحْنَ مَشَيْنَا فِي الْبَلَدْ الْإِنْتَ رَسَّلْتِنَا لَيْهَا وَ صَحِيحْ الْبَلَدْ دِي سَمْحَةْ وَ مَلَانَةْ بِاللَّبَنْ وَ الْعَسَلْ وَ دَاهُو فَوَاكِهَّا.

يُوحَنَّا 6:38

أَنَا نَزَلْت لَيْكُو مِنْ السَّمَاءْ أَشَانْ نِسَوِّي حَسَبْ الْيِدَوْرَهْ اللّٰهْ الرَّسَّلَانِي وَ مَا أَشَانْ نِسَوِّي حَسَبْ النِّدَوْرَهْ أَنَا.

حِزْقِيال 20:6

وَ فِي الْيَوْم دَا، أَنَا حَلَفْت لَيْهُمْ كَدَرْ نَمْرُقْهُمْ مِنْ بَلَدْ مَصِرْ وَ نِوَدِّيهُمْ عَلَيْ الْبَلَدْ الْأَنَا عَزَلْتَهَا لَيْهُمْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ وَ جَمِيلَةْ مِنْ كُلَّ الْبُلْدَانْ.

زَبُور 91:15

كَنْ هُو يِنَادِينِي، أَنَا نُرُدّ لَيَّهْ وَ نُكُونْ مَعَايَهْ فِي الضِّيقَةْ وَ نِخَلِّصَهْ وَ نِشَرِّفَهْ.

زَبُور 34:8

دُوقُوا وَ شِيفُوا اللّٰهْ رَحِيمْ. مَبْرُوكْ لِلنَّادُمْ الْهُو مَلْجَئَهْ.

خُروج 12:51

وَ فِي الْيَوْم دَا بَسْ، اللّٰهْ مَرَقْ بَنِي إِسْرَائِيلْ مِنْ مَصِرْ حَسَبْ مَجْمُوعَاتْهُمْ.

إرْمِيا 32:22

وَ أَنْطَيْتهُمْ الْبَلَدْ الْإِنْتَ حَلَفْت لِجُدُودْهُمْ وَ قُلْت تَنْطِيهَا وَ هِي الْبَلَدْ الْمَلَانَةْ بِاللَّبَنْ وَ الْعَسَلْ.

زَبُور 12:5

لَاكِنْ اللّٰهْ قَالْ: «هَسَّعْ نُقُمّ وَ نِجِيبْ النَّجَاةْ لِلنَّاسْ الْمَحْقُورِينْ. أَشَانْ الْمَسَاكِينْ، ظَلَمَوْهُمْ وَ الضَّعِيفِينْ يَقُنْتُوا.»

تَثْنِية 27:3

وَ وَكِتْ تَقْطَعَوْا لِتَدْخُلُوا فِي الْبَلَدْ الْمَلَانَةْ بِاللَّبَنْ وَ الْعَسَلْ الْيَنْطِيهَا لَيْكُو اللّٰهْ إِلٰـهْكُو، أَكْتُبُوا فِي الْحُجَارْ دَوْل كُلَّ الْوَصَايَا مِثِلْ قَالَهْ لَيْكُو اللّٰهْ رَبّ جُدُودْكُو.

تَثْنِية 7:1

وَ مُوسَى قَالْ بَتَّانْ: وَكِتْ اللّٰهْ إِلٰـهْكُو يِوَدِّيكُو فِي الْبَلَدْ التَّدْخُلُوا فَوْقهَا وَ تِشِيلُوهَا وَرَثَةْ، هُو يَطْرُدْ قِدَّامْكُو سَبْعَةْ أُمَمْ كَتِيرِينْ وَ شُدَادْ مِنْكُو وَ هُمَّنْ الْحِتِّيِّينْ وَ الْقِرْقَاشِيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

تكوين 11:5

وَ وَكِتْ النَّاسْ يِدَوْرُوا يَلْحَقَوْا السَّمَاءْ، مِنْ فَوْق اللّٰهْ شَافَاهُمْ وَ شَافْ الْمَدِينَةْ وَ الْقَصِرْ الْبَنِي آدَم قَاعِدِينْ يَبْنُوهْ.

يُوحَنَّا 3:13

مَا فِي نَادُمْ وَاحِدْ طَلَعْ فِي السَّمَاءْ إِلَّا إِبْن الْإِنْسَانْ النَّزَلْ مِنْ السَّمَاءْ.

إشَعْيا 64:1

يَا اللّٰهْ! أَفْتَحْ السَّمَاوَاتْ وَ أَنْزِلْ أَشَانْ الْجِبَالْ يِنْهَزَّوْا قِدَّامَكْ!

خُروج 34:11

خَلِّي يِطَبُّقُوا دَايْماً كَلَامِي النُّقُولَهْ لَيْك الْيَوْم. وَ بَيْدَا، أَنَا نَطْرُدْ مِنْ قِدَّامْكُو الْأَمُورِيِّينْ وَ الْكَنْعَانِيِّينْ وَ الْحِتِّيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

تكوين 18:21

نِدَلِّي وَ نِشِيفْ كَنْ عَمَلْهُمْ سَوَا سَوَا مَعَ الشَّكْوَةْ الْأَنَا سِمِعْتَهَا فَوْقهُمْ. وَ كَنْ الشَّكْوَةْ مَا صَحِيحْ كُلَ، نَعَرْفَهْ.»

تكوين 15:14

وَ لَاكِنْ أَنَا نِعَاقِبْ الْأُمَّةْ التِّعَبِّدْهُمْ لِذُرِّيّتَكْ. وَ بَعَدْ دَا، ذُرِّيّتَكْ يَمُرْقُوا مِنْ الْبَلَدْ دِي بِمَالْ كَتِيرْ.

نَحَمْيا 9:8

وَ إِنْتَ شِفْت قَلْبَهْ وَ عِرِفْت كَدَرْ هُو أَمِينْ لَيْك وَ مِثِلْ دَا، إِنْتَ سَوَّيْت مَعَايَهْ مُعَاهَدَةْ أَشَانْ تَنْطِي لِذُرِّيّتَهْ بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْيَبُوسِيِّينْ وَ الْقِرْقَاشِيِّينْ. وَ إِنْتَ حَقَّقْت وَعَدَكْ أَشَانْ إِنْتَ صَادِقْ.

تَثْنِية 28:11

وَ اللّٰهْ يِسَوِّي لَيْكُو الْخَيْر وَ يِبَارِكْ ذُرِّيِّتْكُو وَ مَالْكُو وَ إِنْتَاجْ أَرْضُكُو فِي الْبَلَدْ الْفِي شَانْهَا اللّٰهْ حَلَفْ لِجُدُودْكُو وَ قَالْ يَنْطِيهَا لَيْكُو.

تكوين 11:7

خَلِّي نِبَرْجُلُوا لُغِّتْهُمْ أَشَانْ مَا يِلْفَاهَمَوْا أَمْبَيْنَاتْهُمْ.»

إرْمِيا 2:7

«وَ اللّٰهْ قَالْ بَتَّانْ: ‹أَنَا جِبْتُكُو فِي الْبَلَدْ الْخَضْرَةْ أَشَانْ تُدُوقُوا إِنْتَاجْهَا وَ تَفْرَحَوْا بِجَمَالْهَا. وَ لَاكِنْ وَكِتْ دَخَلْتُوا فَوْقهَا، نَجَّسْتُوا بَلَدِي وَ أَرْضِي الْأَنْطَيْتهَا لَيْكُو وَرَثَةْ، حَرَّمْتُوهَا.

يَشُوع 9:1

وَ كُلَّ مُلُوكْ الْبَلَدْ سِمْعَوْا بِنَصُرْ بَنِي إِسْرَائِيلْ وَ هُمَّنْ سَاكْنِينْ غَرِبْ لِبَحَرْ الْأُرْدُنْ فِي الْجِبَالْ وَ فِي السَّهَلَةْ وَ فِي خَشُمْ الْبَحَرْ الْأَبْيَضْ لَحَدِّي لُبْنَانْ. وَ هُمَّنْ مُلُوكْ الْحِتِّيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

تَثْنِية 1:7

قُمُّوا سِيرُوا بَتَّانْ وَ أَمْشُوا لِجِبَالْ الْأَمُورِيِّينْ وَ لِكُلَّ النَّاسْ الْحَوَالَيْهُمْ فِي الْعَرَبَةْ وَ بَلَدْ الْجِبَالْ وَ السَّهَلَةْ وَ صَحَرَاء نَقَبْ وَ خَشُمْ الْبَحَرْ الْأَبْيَضْ وَ بَلَدْ الْكَنْعَانِيِّينْ وَ لُبْنَانْ وَ لَحَدِّي الْفُرَاتْ الْبَحَرْ الْكَبِيرْ.

عَدد 13:19

وَ بَتَّانْ أَكُّدُوا عَدِيلْ كَنْ الْبَلَدْ دِي زَيْنَةْ وَلَّا فَسْلَةْ وَ أَكُّدُوا مِنْ بُيُوتْهَا كَنْ خِيَمْ سَاكِتْ وَلَّا مُدُنْ قَوِيِّينْ.

تكوين 15:13

وَ اللّٰهْ قَالْ لِأَبْرَامْ: «أَعَرِفْ تَمَامْ كَدَرْ بَعَدَيْن ذُرِّيّتَكْ يَبْقَوْا أَجَانِبْ وَ يَسْكُنُوا فِي بَلَدْ الْمَا هِنْتُهُمْ. وَ سِيَادْ الْبَلَدْ دِي يِعَبُّدُوهُمْ وَ يِضَايُقُوهُمْ مُدَّةْ 400 سَنَةْ.

تكوين 46:4

أَنَا بَسْ نِوَدِّيكْ فِي مَصِرْ وَ نِقَبِّلَكْ كُلَ. وَ فِي مَوْتَكْ يُوسُفْ بَسْ يِسِدّ عُيُونَكْ.»

خُروج 5:23

مِنْ يَوْم أَنَا مَشَيْت لِلْمَلِكْ وَ حَجَّيْت لَيَّهْ بِأُسْمَكْ، الْمَلِكْ قَاعِدْ يِتَعِّبْ شَعَبَكْ وَ إِنْتَ أَبَداً مَا نَجَّيْتهُمْ!»

خُروج 12:41

وَ بَعَدْ 430 سَنَةْ فِي الْيَوْم الْمُحَدَّدْ، كُلَّ شَعَبْ اللّٰهْ مَرَقَوْا مِنْ بَلَدْ مَصِرْ حَسَبْ مَجْمُوعَاتْهُمْ.

تَثْنِية 6:3

أَسْمَعَوْا! يَا بَنِي إِسْرَائِيلْ، أَحْفَضَوْا الشُّرُوطْ وَ الْوَصَايَا وَ طَبُّقُوهُمْ. وَ دَا أَشَانْ تَلْقَوْا الْخَيْر وَ تَبْقَوْا كَتِيرِينْ مِثِلْ قَالَهْ لَيْكُو اللّٰهْ رَبّ جُدُودْكُو فِي الْبَلَدْ الْمَلَانَةْ بِاللَّبَنْ وَ الْعَسَلْ.

عَمُوس 2:10

«وَ أَنَا بَسْ الزَّمَانْ مَرَقْتُكُو مِنْ بَلَدْ مَصِرْ وَ قُدْتُكُو مُدَّةْ 40 سَنَةْ فِي الصَّحَرَاءْ لِتَقْلَعَوْا بَلَدْ الْأَمُورِيِّينْ.

تكوين 43:11

خَلَاصْ، أَبُوهُمْ إِسْرَائِيلْ قَالْ لَيْهُمْ: «هِيَا، كَنْ كَيْ دَا، أَسْمَعَوْا كَلَامِي. شِيلُوا مَعَاكُو هَدِيَّةْ وَ وَدُّوهَا لِلْحَاكِمْ. شِيلُوا فِي مَوَاعِينْكُو مِنْ أَحْسَنْ إِنْتَاجْ أَرْضِنَا مِثِلْ عَسَلْ شِيَّةْ وَ صَمُغْ هَنَا كِتِرْ وَ طَلْحَ وَ دُخَّانْ وَ عِيَالْ الشَّدَرْ السَّمْحِينْ.

لاوِيِّين 20:24

«وَ أَنَا قُلْت لَيْكُو: ‹إِنْتُو بَسْ تَوْرُثُوا أَرْضُهُمْ وَ أَنَا نَنْطِيهَا لَيْكُو مِثِلْ وَرَثَةْ. وَ دِي الْبَلَدْ الْمَلَانَةْ بِاللَّبَنْ وَ الْعَسَلْ.› «وَ أَنَا اللّٰهْ إِلٰـهْكُو الْعَزَلْتُكُو مِنْ كُلَّ الشُّعُوبْ.

عَدد 13:18

وَ شِيفُوا كِكَّيْف الْبَلَدْ دِي وَ أَكُّدُوا مِنْ نَاسْهَا كَنْ قَوِيِّينْ وَلَّا ضَعِيفِينْ وَ كَنْ كَتِيرِينْ وَلَّا شِيَّةْ.

يَشُوع 5:6

بَنِي إِسْرَائِيلْ رَاغَوْا لِمُدَّةْ 40 سَنَةْ فِي الصَّحَرَاء لَحَدِّي كُلَّ الرُّجَالْ الْمُحَارِبِينْ الْمَرَقَوْا مِنْ مَصِرْ مَاتَوْا أَشَانْ هُمَّنْ مَا سِمْعَوْا كَلَامْ اللّٰهْ. وَ فِي شَانْ عِصْيَانْهُمْ، اللّٰهْ قَرَّرْ كَدَرْ مَا يِشَوِّفْهُمْ الْبَلَدْ الْأَوَّلْ هُو حَلَفْ لِجُدُودْهُمْ وَ قَالْ يَنْطِيهَا لَيْهُمْ. وَ دِي الْبَلَدْ الْمَلَانَةْ بِاللَّبَنْ وَ الْعَسَلْ.

يَشُوع 9:7

وَ رُجَالْ بَنِي إِسْرَائِيلْ قَالَوْا لِلْحِوِّيِّينْ دَوْل: «مُمْكِنْ إِنْتُو سَاكْنِينْ فِي أُسُطْنَا! وَ بَيْدَا، مَا نَقْدَرَوْا نِسَوُّوا مَعَاكُو عَلَاقَةْ.»

1 أخبار 1:15

وَ الْحِوِّيِّينْ وَ الْعَرْقِيِّينْ وَ السِّينِيِّينْ

زَبُور 12:6

وَ كَلَامْ اللّٰهْ صَافِي مِثِلْ الْفُضَّةْ الْقَطَعَوْهَا وَ صَفَّوْهَا سَبْعَةْ مَرَّاتْ.

إشَعْيا 36:17

وَ دَا لَحَدِّي أَنَا نِقَبِّلْ وَ نِوَدِّيكُو فِي بَلَدْ مِثِلْ بَلَدْكُو. وَ الْبَلَدْ دِي عِنْدَهَا قَمَحْ وَ خَمَرْ جَدِيدْ وَ مَعَاشْ وَ عِنَبْ.