خُروج 3:7 - الكتاب المقدس بالعربي الدارجي هنا تشاد

⁷ وَ اللّٰهْ قَالْ بَتَّانْ: «أَنَا شِفْت تَمَامْ التَّعَبْ هَنَا شَعَبِي الْقَاعِدِينْ فِي مَصِرْ. وَ سِمِعْت صِرَاخْهُمْ قِدَّامْ النَّاسْ الْقَاعِدِينْ يِتَعُّبُوهُمْ. وَ حَسَّيْت بِعَذَابْهُمْ.

خُروج 3:7 Referenca të Kryqëzuara

زَبُور 145:19

هُو يِحَقِّقْ نِيَّةْ الْخَايْفِينْ مِنَّهْ وَ يَسْمَعْ صِرَاخْهُمْ وَ يِنَجِّيهُمْ.

زَبُور 106:44

هُو سِمِعْ شَكْوِتْهُمْ وَ شَافْ ضِيقِتْهُمْ.

زَبُور 34:6

وَكِتْ الْمِسْكِينْ يِنَادِي، اللّٰهْ يَسْمَعَهْ وَ يِنَجِّيهْ مِنْ كُلَّ تَعَبَهْ.

نَحَمْيا 9:9

«وَ إِنْتَ شِفْت تَعَبْ جُدُودْنَا وَكِتْ هُمَّنْ قَاعِدِينْ فِي مَصِرْ وَ سِمِعْت كُرَوْرَاكْهُمْ وَكِتْ قَاعِدِينْ يِكَوْرُكُوا فِي خَشُمْ الْبَحَرْ الْأَحْمَرْ.

خُروج 22:23

وَ كَنْ إِنْتُو ظَلَمْتُوهُمْ، أَنَا نَسْمَعْ صِرَاخْهُمْ وَكِتْ هُمَّنْ يَصْرَخَوْا لَيِّ.

إشَعْيا 63:9

اللّٰهْ شَافْ ضِيقِتْهُمْ دِي، هِنْتَهْ هُو. وَ هُو مَا رَسَّلْ مُرْسَالْ وَ لَا مَلَكْ لَاكِنْ اللّٰهْ هُو ذَاتَهْ بَسْ نَجَّاهُمْ. وَ بِمَحَبِّتَهْ وَ مَحَنِّتَهْ، هُو بَسْ فَدَاهُمْ. وَ رَفَعَاهُمْ وَ حَمَلَاهُمْ فِي مُدَّةْ كُلَّ الزَّمَنْ دَاكْ.

زَبُور 34:4

أَنَا سَأَلْت اللّٰهْ وَ هُو رَدَّ لَيِّ وَ نَجَّانِي مِنْ كُلَّ خَوْفِي.

خُروج 1:11

وَ خَلَاصْ، الْمَصْرِيِّينْ قَمَّوْا خَطَّوْا كُبَارَاتْ الْمُكَلَّفِينْ بِخِدْمَةْ الْعُبُودِيَّةْ أَشَانْ يِتَعُّبُوا بَنِي إِسْرَائِيلْ بِالْخِدْمَةْ الْقَاسِيَةْ. بِمِثِلْ دَا بَسْ، بَنِي إِسْرَائِيلْ بَنَوْا مُدُنْ فِتُومْ وَ رَعَمْسِيس أَشَانْ يَبْقَوْا مَخَازِنْ لِفِرْعَوْن مَلِكْ مَصِرْ.

تكوين 29:32

وَ لَيْئَةْ بِقَتْ غَلْبَانَةْ وَ وِلْدَتْ وِلَيْد وَ سَمَّتَهْ رَأُوبِينْ (مَعَنَاتَهْ اللّٰهْ شَافْ تَعَبِي). وَ قَالَتْ: «أَكِيدْ هَسَّعْ دَا، رَاجْلِي يِرِيدْنِي.»

زَبُور 22:24

أَشَانْ اللّٰهْ مَا أَبَى التَّعْبَانْ وَ مَا خَلَّاهْ فِي تَعَبَهْ وَ مَا لَبَّدْ وِجْهَهْ مِنَّهْ. وَ لَاكِنْ سِمِعْ حِسَّهْ وَكِتْ نَادَاهْ.

1 صَمُوِيل 9:16

«أَمْبَاكِرْ فِي نَفْس الْوَكِتْ، نِرَسِّلْ لَيْك نَادُمْ وَاحِدْ مِنْ بَلَدْ بَنْيَامِينْ. أَمْسَحَهْ وَ دَرِّجَهْ لِيَبْقَى كَبِيرْ لِشَعَبِي بَنِي إِسْرَائِيلْ وَ يِنَجِّيهُمْ مِنْ الْفِلِسْطِيِّينْ. أَشَانْ أَنَا شِفْت تَعَبْ شَعَبِي وَ صِرَاخْهُمْ وَصَّلَانِي.»

عِبْرَانِيِّين 4:15

رَاجِلْ الدِّينْ هَنَانَا دَا يَعَرِفْ ضُعُفْنَا أَشَانْ هُو كُلَ، جَرَّبَوْه بِكُلَّ التَّجْرِبَةْ مِثِلْنَا لَاكِنْ هُو أَبَداً مَا سَوَّى ذَنِبْ.

زَبُور 142:3

يَا اللّٰهْ! وَكِتْ تَغْمَرْ رُوحِي، إِنْتَ تَعَرِفْ دَرْبِي. فِي دَرْبِي النَّمْشِي فَوْقَهْ، كَجَّوْا لَيِّ شَرَكْ.

تكوين 18:21

نِدَلِّي وَ نِشِيفْ كَنْ عَمَلْهُمْ سَوَا سَوَا مَعَ الشَّكْوَةْ الْأَنَا سِمِعْتَهَا فَوْقهُمْ. وَ كَنْ الشَّكْوَةْ مَا صَحِيحْ كُلَ، نَعَرْفَهْ.»

أعمال الرُسُل 7:34

أَنَا شِفْت التَّعَبْ الشَّدِيدْ هَنَا شَعَبِي الْقَاعِدِينْ فِي مَصِرْ وَ أَنَا سِمِعْت صِرَاخْهُمْ وَ نَزَلْت أَشَانْ نِنَجِّيهُمْ. وَ هَسَّعْ تَعَالْ، نِرَسِّلَكْ إِنْتَ فِي مَصِرْ.›»

تكوين 16:11

دَاهُو إِنْتِ غَلْبَانَةْ وَ تَلْدَيْ وِلَيْد وَ تِسَمِّيهْ إِسْمَاعِيلْ (مَعَنَاتَهْ اللّٰهْ يَسْمَعْ) أَشَانْ اللّٰهْ سِمِعْ بِتَعَبْكِ.

تكوين 21:17

وَ لَاكِنْ الرَّبّ سِمِعْ بَكِي هَنَا الْوِلَيْد. وَ مِنْ السَّمَاءْ، مَلَكْ اللّٰهْ نَادَاهَا لِهَاجَرْ وَ قَالْ لَيْهَا: «مَالْكِ، يَا هَاجَرْ؟ مَا تَخَافَيْ. الرَّبّ سِمِعْ بَكِي هَنَا الْوِلَيْد فِي الْبَكَانْ الْقَاعِدْ فَوْقَهْ.

تكوين 31:12

وَ قَالْ لَيِّ: ‹أَرْفَعْ رَاسَكْ وَ شِيفْ عَدِيلْ، كُلَّ التُّيُوسْ الْقَاعِدِينْ يِعَشُّرُوا الْغَنَمْ، هُمَّنْ رُقُطْ وَ عِنْدُهُمْ دَرَاعْ وَ سِيحَانْ. أَشَانْ أَنَا شِفْت كُلَّ الشَّيّءْ اللَّابَانْ قَاعِدْ يِسَوِّي لَيْك.

تكوين 31:42

وَ اللّٰهْ رَبّ أَبُويِ إِسْحَاقْ وَ رَبّ جِدِّي إِبْرَاهِيمْ وَ هُو الرَّبّ الْإِسْحَاقْ خَايِفْ مِنَّهْ، كَانْ مَعَايِ. لَاكِنْ كَنْ هُو مَا كَانْ مَعَايِ، إِنْتَ تِخَلِّينِي نَمْشِي إِيدَيْنِي يَابْسِينْ. لَاكِنْ الرَّبّ شَافْ تَعَبِي وَ خِدْمَةْ إِيدَيْنِي وَ فِي اللَّيْلَةْ الْفَاتَتْ، هُو حَكَمْ أَمْبَيْنَاتْنَا.»

خُروج 5:6

وَ فِي نَفْس الْيَوْم، فِرْعَوْن مَلِكْ مَصِرْ أَمَرَاهُمْ لِلْمُرَاقِبِينْ الْمَصْرِيِّينْ وَ لِلْمُكَلَّفِينْ مِنْ بَنِي إِسْرَائِيلْ بِالْخِدْمَةْ دِي. وَ قَالْ لَيْهُمْ:

خُروج 5:10

وَ خَلَاصْ، الْمُرَاقِبِينْ وَ الْمُكَلَّفِينْ بِالْخِدْمَةْ دِي مَشَوْا قَالَوْا لِبَنِي إِسْرَائِيلْ: «الْمَلِكْ قَالْ كَيْ: ‹بَتَّانْ مَا نَنْطُوكُو قَشّ.

خُروج 33:13

وَ كَنْ صَحِيحْ كَيْ إِنْتَ رِضِيتْ لَيِّ، عَرِّفْنِي دَرْبَكْ أَشَانْ نَعَرْفَكْ وَ إِنْتَ تَرْضَى لَيِّ دَايْماً. وَ فَكِّرْ فِي الْأُمَّةْ دِي أَشَانْ هِي شَعَبَكْ.»

عَدد 20:16

وَ أَنِحْنَ صَرَخْنَا وَ شَحَدْنَا اللّٰهْ وَ هُو سِمِعْنَا وَ رَسَّلْ لَيْنَا مَلَكْ لِيَمْرُقْنَا مِنْ مَصِرْ. وَ دَاهُو أَنِحْنَ فِي قَادِشْ الْحِلَّةْ الْقَرِيبْ لِحُدُودْ بَلَدَكْ.

2 صَمُوِيل 22:28

وَ تِنَجِّي الْمَظْلُومِينْ وَ تِدَلِّي رَاسْ الْمُسْتَكْبِرِينْ.

2 مُلوك 13:4

وَ لَاكِنْ يَهُوحَازْ شَحَدْ اللّٰهْ وَ اللّٰهْ قِبِلْ سُؤَالَهْ أَشَانْ هُو شَافْ الظُّلُمْ الْقَاعِدْ يِسَوِّيهْ مَلِكْ أَرَامْ لِمَمْلَكَةْ إِسْرَائِيلْ.

زَبُور 35:22

وَ إِنْتَ كُلَ شِفْت، يَا اللّٰهْ. مَا تَسْكُتْ! يَا رَبِّي، مَا تِبَعِّدْ مِنِّي!

خُروج 1:8

وَ بَعَدَيْن، مَلِكْ جَدِيدْ رِكِبْ فِي مَصِرْ وَ هُو مَا عِرِفْ شَيّءْ فِي يُوسُفْ.

2 مُلوك 20:5

«قَبِّلْ أَمْشِي لِحِزْقِيَّا كَبِيرْ شَعَبِي وَ قُولْ لَيَّهْ: ‹دَاهُو اللّٰهْ إِلٰـهْ جِدَّكْ دَاوُدْ قَالْ: ”أَنَا سِمِعْت سُؤَالَكْ وَ شِفْت دُمُوعَكْ الدَّفَّقَوْا. هَسَّعْ دَا، أَنَا نَشْفِيكْ وَ فِي الْيَوْم التَّالِتْ، إِنْتَ تَقْدَرْ تَمْشِي لِبَيْت اللّٰهْ.

زَبُور 9:14

أَشَانْ نِحَجِّي بِكُلَّ شُكْرَكْ فِي بِيبَانْ صَهْيُون الْمِثِلْ بِنَيَّةْ وَ نَفْرَحْ بِسَبَبْ نَجَاتَكْ.

زَبُور 12:6

وَ كَلَامْ اللّٰهْ صَافِي مِثِلْ الْفُضَّةْ الْقَطَعَوْهَا وَ صَفَّوْهَا سَبْعَةْ مَرَّاتْ.