خُروج 3:6 - الكتاب المقدس بالعربي الدارجي هنا تشاد

⁶ أَنَا رَبّ أَبُوكْ وَ رَبّ جُدُودَكْ إِبْرَاهِيمْ وَ إِسْحَاقْ وَ يَعْقُوبْ.» وَ خَلَاصْ، مُوسَى سَدَّ وِجْهَهْ أَشَانْ هُو خَايِفْ مَا يَقْدَرْ يِشِيفْ الرَّبّ.

خُروج 3:6 Referenca të Kryqëzuara

لُوقا 20:37

«وَ فِي الشَّيّءْ الْبُخُصّ الْبُعَاثْ، مُوسَى ذَاتَهْ وَصَّفَاكُو كَدَرْ الْمَيْتِينْ يَبْعَثَوْا. فَكُّرُوا فِي كَلَامْ مُوسَى الْبُخُصّ الشِّدَيْرَةْ الْقَمَّتْ فَوْقهَا نَارْ وَكِتْ هُو قَالْ كَدَرْ اللّٰهْ هُو رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ.

مَتَّى 22:32

هُو قَالْ: <أَنَا اللّٰهْ رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ.> وَ بَيْدَا، هُو رَبّ الْحَيِّينْ وَ مَا رَبّ الْمَيْتِينْ.»

مَرْخُوس 12:26

وَ فِي الشَّيّءْ الْبُخُصّ بُعَاثْ الْمَيْتِينْ، هَلْ نِسِيتُوا الْكَلَامْ الْقَرَيْتُوهْ فِي كِتَابْ مُوسَى وَلَّا؟ فَكُّرُوا فِي الْكَلَامْ الْبُخُصّ الشِّدَيْرَةْ الْقَمَّتْ فَوْقهَا نَارْ. فِي الْبَكَانْ دَا، اللّٰهْ حَجَّى لَيَّهْ وَ قَالْ: <أَنَا اللّٰهْ رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ.>

خُروج 4:5

وَ اللّٰهْ قَالْ: «دَا بَسْ الشَّيّءْ التِّسَوِّيهْ لِبَنِي إِسْرَائِيلْ يِصَدُّقُوا كَدَرْ اللّٰهْ رَبّ جُدُودْهُمْ إِبْرَاهِيمْ وَ إِسْحَاقْ وَ يَعْقُوبْ بَانْ لَيْك.»

أعمال الرُسُل 7:32

وَ اللّٰهْ قَالْ: ‹أَنَا اللّٰهْ رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ.› وَ مُوسَى رَجَفْ وَ خَافْ خَوْف شَدِيدْ وَ مَا دَوَّرْ يِشِيفَهْ.

تكوين 28:13

وَ اللّٰهْ وَاقِفْ جَنْبَهْ وَ قَالْ لَيَّهْ: «أَنَا اللّٰهْ إِلٰـهْ أَبُوكْ إِبْرَاهِيمْ وَ إِلٰـهْ إِسْحَاقْ. الْأَرْض الْإِنْتَ رَاقِدْ فَوْقهَا دِي، نَنْطِيهَا لَيْك وَ لِذُرِّيّتَكْ.

رُؤية 1:17

وَ وَكِتْ أَنَا شِفْتَهْ، وَقَعْت قِدَّامَهْ مِثِلْ نَادُمْ مَيِّتْ. وَ هُو خَطَّ إِيدَهْ الزَّيْنَةْ فَوْقِي وَ قَالْ: «مَا تَخَافْ. أَنَا الْأَوَّلْ وَ الْأَخِيرْ.

1 مُلوك 18:36

وَ فِي الْوَكِتْ الْيِقَدُّمُوا فَوْقَهْ هَدَايَا الْعَشِيَّةْ، النَّبِي إِلِيَاسْ قَالْ: «يَا اللّٰهْ، إِنْتَ اللّٰهْ رَبّ جُدُودْنَا إِبْرَاهِيمْ وَ إِسْحَاقْ وَ يَعْقُوبْ. وَ الْيَوْم، وَصِّفْ لِلنَّاسْ كَدَرْ إِنْتَ بَسْ إِلٰـهْ بَنِي إِسْرَائِيلْ. وَ حَسَبْ كَلَامَكْ، أَنَا عَبْدَكْ سَوَّيْت كُلَّ الشَّيّءْ دَا.

قُضياء 13:22

وَ مَنُوحْ قَالْ لِمَرْتَهْ: «أَكِيدْ أَنِحْنَ نُمُوتُوا أَشَانْ شِفْنَا الرَّبّ!»

إرْمِيا 32:38

وَ هُمَّنْ يَبْقَوْا شَعَبِي وَ أَنَا نَبْقَى إِلٰـهُّمْ.

إرْمِيا 31:33

وَ دِي هِي الْمُعَاهَدَةْ الْجَدِيدَةْ النِّسَوِّيهَا مَعَ بَنِي إِسْرَائِيلْ بَعَدْ الْيَوْم دَا. أَنَا نُخُطّ وَصِيَّاتِي فِي فِكِرْهُمْ وَ نَكْتِبْهُمْ فِي قُلُوبْهُمْ. وَ أَنَا نَبْقَى إِلٰـهُّمْ وَ هُمَّنْ يَبْقَوْا شَعَبِي. وَ دَا كَلَامْ اللّٰهْ.

إرْمِيا 24:7

وَ نَنْطِيهُمْ فِكِرْ ثَابِتْ الْبَيَّهْ يَقْدَرَوْا يَعَرْفُونِي كَدَرْ أَنَا بَسْ اللّٰهْ. وَ هُمَّنْ يَبْقَوْا شَعَبِي وَ أَنَا نَبْقَى إِلٰـهُّمْ. وَ يِقَبُّلُوا لَيِّ بِكُلَّ قُلُوبْهُمْ.›»

زَبُور 132:2

هُو حَلَفْ لِلّٰهْ وَ سَوَّى نَذِرْ لِلْجَبَّارْ، لِإِلٰـهْ يَعْقُوبْ وَ قَالْ:

1 مُلوك 19:13

وَ وَكِتْ إِلِيَاسْ سِمِعْ الْحِسّ الْبَارِدْ دَا، غَطَّى وِجْهَهْ بِخَلَقَهْ وَ مَرَقْ وَقَفْ فِي خَشُمْ الْكَرْكُورْ. وَ سِمِعْ حِسّ بُقُولْ لَيَّهْ: «يَا إِلِيَاسْ، إِنْتَ قَاعِدْ تِسَوِّي شُنُو هِنِي؟»

خُروج 29:45

وَ نَسْكُنْ مَعَ بَنِي إِسْرَائِيلْ وَ نَبْقَى إِلٰـهُّمْ.

تكوين 32:9

وَ قَالْ: «يَا اللّٰهْ رَبّ جِدِّي إِبْرَاهِيمْ وَ أَبُويِ إِسْحَاقْ! يَا اللّٰهْ! إِنْتَ الْقُلْت لَيِّ: ‹قَبِّلْ بَلَدَكْ فِي بَكَانْ أَهَلَكْ وَ نِسَوِّي لَيْك الْخَيْر.›

تكوين 31:42

وَ اللّٰهْ رَبّ أَبُويِ إِسْحَاقْ وَ رَبّ جِدِّي إِبْرَاهِيمْ وَ هُو الرَّبّ الْإِسْحَاقْ خَايِفْ مِنَّهْ، كَانْ مَعَايِ. لَاكِنْ كَنْ هُو مَا كَانْ مَعَايِ، إِنْتَ تِخَلِّينِي نَمْشِي إِيدَيْنِي يَابْسِينْ. لَاكِنْ الرَّبّ شَافْ تَعَبِي وَ خِدْمَةْ إِيدَيْنِي وَ فِي اللَّيْلَةْ الْفَاتَتْ، هُو حَكَمْ أَمْبَيْنَاتْنَا.»

تكوين 26:24

وَ بِاللَّيْل، اللّٰهْ بَانْ لَيَّهْ وَ قَالْ: «أَنَا رَبّ أَبُوكْ إِبْرَاهِيمْ. مَا تَخَافْ، أَنَا مَعَاكْ! وَ نِبَارِكَكْ وَ نِسَوِّي ذُرِّيّتَكْ تَبْقَى كَتِيرَةْ فِي شَانْ عَبْدِي إِبْرَاهِيمْ.»

تكوين 17:3

أَبْرَامْ سَجَدْ قِدَّامْ الرَّبّ وَ هُو قَالْ لَيَّهْ:

تكوين 12:7

وَ اللّٰهْ بَانْ لِأَبْرَامْ وَ قَالْ: «الْبَلَدْ دِي نَنْطِيهَا لِذُرِّيّتَكْ.» وَ فِي الْبَكَانْ دَا، أَبْرَامْ بَنَى مَدْبَحْ لِيِقَدِّمْ فَوْقَهْ ضَحَايَا لِلّٰهْ الْبَانْ لَيَّهْ.

تكوين 12:1

وَ بَعَدْ دَا، اللّٰهْ قَالْ لِأَبْرَامْ: «أَمْرُقْ مِنْ بَلَدَكْ وَ مِنْ أَهَلَكْ وَ حَوِّلْ مِنْ بَيْت أَبُوكْ وَ أَمْشِي فِي الْبَلَدْ النِّوَصِّفْهَا لَيْك.

عِبْرَانِيِّين 12:21

أَيْوَى، الشَّيّءْ الشَّافَوْه خَوَّفَاهُمْ مَرَّةْ وَاحِدْ لَحَدِّي مُوسَى كُلَ قَالْ: «أَنَا قَاعِدْ نَرْجِفْ مِنْ الْخَوْف.»

أعمال الرُسُل 7:34

أَنَا شِفْت التَّعَبْ الشَّدِيدْ هَنَا شَعَبِي الْقَاعِدِينْ فِي مَصِرْ وَ أَنَا سِمِعْت صِرَاخْهُمْ وَ نَزَلْت أَشَانْ نِنَجِّيهُمْ. وَ هَسَّعْ تَعَالْ، نِرَسِّلَكْ إِنْتَ فِي مَصِرْ.›»

لُوقا 5:8

وَ وَكِتْ سِمْعَانْ بُطْرُسْ شَافْ الشَّيّءْ الْبِقِي دَا، هُو سَجَدْ قِدَّامْ رِجِلَيْن عِيسَى وَ قَالْ: «يَا رَبّ، كِسّ مِنِّي بَعِيدْ! أَشَانْ أَنَا نَادُمْ مُذْنِبْ.»

مَتَّى 17:6

وَ التَّلَامِيذ سِمْعَوْا الْحِسّ وَ خَافَوْا مَرَّةْ وَاحِدْ وَ وَقَعَوْا بِوُجُوهُّمْ فِي الْأَرْض.

زَكَرِيَّا 8:8

أَنَا نِجِيبْهُمْ وَ يَسْكُنُوا بَتَّانْ فِي أُسُطْ مَدِينَةْ الْقُدُسْ. هُمَّنْ يَبْقَوْا شَعَبِي وَ أَنَا نَبْقَى إِلٰـهُّمْ بِأَمَانْ وَ عَدَالَةْ.»

حِزْقِيال 11:20

أَشَانْ تِتَابُعُوا شُرُوطِي وَ تَحْفَضَوْا قَوَانِينِي وَ تِطَبُّقُوهُمْ. وَ بَيْدَا، إِنْتُو تَبْقَوْا شَعَبِي وَ أَنَا نَبْقَى إِلٰـهْكُو.

نَحَمْيا 9:9

«وَ إِنْتَ شِفْت تَعَبْ جُدُودْنَا وَكِتْ هُمَّنْ قَاعِدِينْ فِي مَصِرْ وَ سِمِعْت كُرَوْرَاكْهُمْ وَكِتْ قَاعِدِينْ يِكَوْرُكُوا فِي خَشُمْ الْبَحَرْ الْأَحْمَرْ.

أسْتِير 3:4

وَ دَايْماً قَاعِدِينْ يِحَجُّوا لَيَّهْ وَ لَاكِنْ هُو مَا يَسْمَعْ كَلَامْهُمْ. وَ خَلَاصْ، هُمَّنْ خَبَّرَوْا هَمَانْ أَشَانْ يِشِيفْ كَنْ كَلَامْ مَرْدَكَايْ دَا صَحِيحْ أَشَانْ هُو قَالْ هُو يَهُودِي.

عِبْرَانِيِّين 11:16

لَاكِنْ بِالصَّحِيحْ، هُمَّنْ يِدَوْرُوا وَطَنْ أَخَيْر مِنْ الْمَرَقَوْا مِنَّهْ وَ هُو الْوَطَنْ السَّمَاوِي. أَشَانْ دَا، اللّٰهْ أَكَّدْ كَدَرْ هُو رَبُّهُمْ وَ هُمَّنْ شَعَبَهْ وَ جَهَّزْ لَيْهُمْ مَدِينَةْ.

تكوين 24:12

وَ الْعَبِدْ سَأَلْ اللّٰهْ وَ قَالْ: «يَا اللّٰهْ رَبّ سِيدِي إِبْرَاهِيمْ، الْيَوْم لِمِّنِي مَعَ النِّدَوْرَهْ وَ سَوِّي الْخَيْر لِسِيدِي إِبْرَاهِيمْ.

خُروج 3:16

«هَسَّعْ دَا، يَا مُوسَى، أَمْشِي لِكُلَّ شُيُوخْ بَنِي إِسْرَائِيلْ وَ قُولْ لَيْهُمْ: ‹اللّٰهْ رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ بَانْ لَيِّ وَ قَالْ هُو شَافَاكُو وَ شَافْ الشَّيّءْ الْقَاعِدِينْ يِسَوُّوهْ لَيْكُو فِي مَصِرْ.

خُروج 15:2

اللّٰهْ هُو قُدُرْتِي وَ فِيَّهْ هُو، أَنَا نِغَنِّي. هُو بَسْ النَّجَّانِي وَ هُو رَبِّي الْأَنَا نِمَجِّدَهْ. هُو الرَّبّ الْأَبُويِ عَبَدَهْ. أَنَا نِعَظِّمَهْ!

تكوين 28:17

وَ خَوْف شَدِيدْ دَخَلْ لَيَّهْ وَ قَالْ: «الْبَكَانْ دَا بِخَوِّفْ! أَكِيدْ هُو دَا بَيْت الرَّبّ! وَ الْبَكَانْ دَا بَابْ السَّمَاءْ!»

خُروج 33:20

وَ لَاكِنْ مَا تَقْدَرْ تِشِيفْ وِجْهِي أَشَانْ كَنْ إِنْسَانْ شَافْ وِجْهِي، بَتَّانْ مَا يِعِيشْ.»

تَثْنِية 6:3

أَسْمَعَوْا! يَا بَنِي إِسْرَائِيلْ، أَحْفَضَوْا الشُّرُوطْ وَ الْوَصَايَا وَ طَبُّقُوهُمْ. وَ دَا أَشَانْ تَلْقَوْا الْخَيْر وَ تَبْقَوْا كَتِيرِينْ مِثِلْ قَالَهْ لَيْكُو اللّٰهْ رَبّ جُدُودْكُو فِي الْبَلَدْ الْمَلَانَةْ بِاللَّبَنْ وَ الْعَسَلْ.