خُروج 3:4 - الكتاب المقدس بالعربي الدارجي هنا تشاد

⁴ وَكِتْ اللّٰهْ شَافْ مُوسَى قَاعِدْ يِحَوِّقْ لِيِشِيفْ الشَّيّءْ دَا، خَلَاصْ هُو نَادَى مُوسَى مِنْ لُبّ الشِّدَيْرَةْ وَ قَالْ لَيَّهْ: «يَا مُوسَى، يَا مُوسَى!» وَ مُوسَى قَالْ: «نَعَمْ.»

خُروج 3:4 Referenca të Kryqëzuara

تَثْنِية 33:16

وَ يَرْحَمْهُمْ بِأَحْسَنْ إِنْتَاجْ الْمَلَانْ فِي الْأَرْض. اللّٰهْ الْبَانْ فِي الشِّدَيْرَةْ الْقَمَّتْ فَوْقهَا نَارْ، خَلِّي نِعْمَتَهْ تَبْقَى مِثِلْ تَاجْ فِي رَاسْ يُوسُفْ وَ فِي جَبْهَةْ الْخَصَّصَوْه وَ دَرَّجَوْه فِي أَخْوَانَهْ.

أعمال الرُسُل 9:4

وَ شَاوُولْ وَقَعْ فِي التُّرَابْ وَ سِمِعْ حِسّ نَادُمْ قَاعِدْ يِكَلِّمْ لَيَّهْ وَ يُقُولْ: «يَا شَاوُولْ، يَا شَاوُولْ! مَالَكْ تِتَعِّبْنِي؟»

1 صَمُوِيل 3:8

وَ اللّٰهْ نَادَاهْ لِصَمُوِيلْ لِتَالِتْ مَرَّةْ. وَ صَمُوِيلْ قَمَّ جَرَى مَشَى لِعَالِي وَ قَالْ: «دَاهُونِي. إِنْتَ نَادَيْتنِي وَ أَنَا جِيتْ!» وَ خَلَاصْ فِي الْبَكَانْ دَا، عَالِي عِرِفْ كَدَرْ اللّٰهْ قَاعِدْ يِنَادِي الْوِلَيْد.

1 صَمُوِيل 3:6

وَ بَتَّانْ اللّٰهْ نَادَاهْ لِصَمُوِيلْ. وَ صَمُوِيلْ قَمَّ جَرَى لِعَالِي وَ قَالْ: «دَاهُونِي. إِنْتَ نَادَيْتنِي وَ أَنَا جِيتْ!» وَ عَالِي قَالْ لَيَّهْ: «لَا! أَنَا مَا نَادَيْتَكْ، يَا وِلَيْدِي. قَبِّلْ نُومْ!»

1 صَمُوِيل 3:4

وَ اللّٰهْ نَادَى صَمُوِيلْ وَ صَمُوِيلْ قَالْ: «نَعَمْ!»

تكوين 46:2

وَ بِاللَّيْل الرَّبّ حَجَّى لِإِسْرَائِيلْ، الْمَعْرُوفْ بِيَعْقُوبْ، فِي رُؤْيَةْ وَ قَالْ: «يَعْقُوبْ، يَعْقُوبْ!» وَ يَعْقُوبْ قَالْ: «نَعَمْ.»

تكوين 22:11

طَوَّالِي مَلَكْ اللّٰهْ نَادَاهْ لِإِبْرَاهِيمْ مِنْ السَّمَاءْ وَ قَالْ: «يَا إِبْرَاهِيمْ! يَا إِبْرَاهِيمْ!» وَ إِبْرَاهِيمْ قَالْ: «نَعَمْ.»

تكوين 22:1

وَ بَعَدْ دَا، اللّٰهْ نَادَاهْ لِإِبْرَاهِيمْ لِيِجَرِّبَهْ وَ قَالْ لَيَّهْ: «يَا إِبْرَاهِيمْ!» وَ إِبْرَاهِيمْ قَالْ: «نَعَمْ.»

زَبُور 62:11

الرَّبّ قَالْ شَيّءْ وَاحِدْ وَ أَنَا سِمِعْتَهْ مَرَّتَيْن، كَدَرْ الْقُدْرَةْ لِلرَّبّ وِحَيْدَهْ.

أعمال الرُسُل 10:13

وَ بُطْرُسْ سِمِعْ حِسّ قَاعِدْ يِنَادِيهْ وَ يُقُولْ: «يَا بُطْرُسْ، قُمّ! أَدْبَحْ وَ آكُلْ!»

أعمال الرُسُل 10:3

وَ يَوْم وَاحِدْ مِثِلْ السَّاعَةْ تَلَاتَةْ بَعَدْ الضُّهُرْ، رُؤْيَةْ جَاتْ لِكَرْنِيلِي. وَ فِي الرُّؤْيَةْ دِي، هُو شَافْ وَاحِدْ مِنْ مَلَائِكَةْ اللّٰهْ جَايِ لَيَّهْ فِي بَيْتَهْ. وَ الْمَلَكْ كَلَّمْ لَيَّهْ وَ قَالْ: «يَا كَرْنِيلِي!»

1 صَمُوِيل 3:10

وَ اللّٰهْ جَاءْ وَ نَادَاهْ لِصَمُوِيلْ مِثِلْ أَوَّلْ: «يَا صَمُوِيلْ! يَا صَمُوِيلْ!» وَ صَمُوِيلْ قَالْ: «كَلِّمْ، أَنَا عَبْدَكْ قَاعِدْ نَسْمَعَكْ!»

تكوين 28:16

وَ يَعْقُوبْ قَمَّ مِنْ نَوْمَهْ وَ قَالْ: «أَكِيدْ! اللّٰهْ قَاعِدْ فِي الْبَكَانْ دَا وَ أَنَا مَا عِرِفْتَهْ.»

خُروج 3:2

وَ فِي الْبَكَانْ دَا، مَلَكْ اللّٰهْ بَانْ لَيَّهْ فِي نَارْ فِي لُبّ شِدَيْرَةْ. وَ مُوسَى شَافْ وَ دَاهُو، نَارْ قَمَّتْ فَوْق الشِّدَيْرَةْ دِي لَاكِنْ هِي مَا قَاعِدَةْ تَحْرَقْ.

خُروج 4:5

وَ اللّٰهْ قَالْ: «دَا بَسْ الشَّيّءْ التِّسَوِّيهْ لِبَنِي إِسْرَائِيلْ يِصَدُّقُوا كَدَرْ اللّٰهْ رَبّ جُدُودْهُمْ إِبْرَاهِيمْ وَ إِسْحَاقْ وَ يَعْقُوبْ بَانْ لَيْك.»

خُروج 19:3

وَ فِي الْبَكَانْ دَا، مُوسَى طَلَعْ فِي الْجَبَلْ لِيِقَابِلْ الرَّبّ. وَ هُو نَادَاهْ مِنْ رَاسْ الْجَبَلْ وَ قَالْ لَيَّهْ: «قُولْ الْكَلَامْ دَا لِذُرِّيَّةْ يَعْقُوبْ. خَبِّرْ بَنِي إِسْرَائِيلْ وَ قُولْ لَيْهُمْ:

خُروج 33:12

وَ مُوسَى قَالْ لِلّٰهْ: «إِنْتَ دَوَّرْت مِنِّي أَنَا نُقُودْ الشَّعَبْ دَا. وَ لَاكِنْ مَا عَرَّفْتِنِي يَاتُو التِّرَسِّلَهْ مَعَايِ. وَ بَتَّانْ إِنْتَ قُلْت لَيِّ: ‹أَنَا بَسْ عَزَلْتَكْ وَ رِضِيتْ لَيْك.›

لاوِيِّين 1:1

وَ اللّٰهْ نَادَى مُوسَى مِنْ خَيْمَةْ الْإِجْتِمَاعْ وَ قَالْ لَيَّهْ: