خُروج 3:2 - الكتاب المقدس بالعربي الدارجي هنا تشاد

² وَ فِي الْبَكَانْ دَا، مَلَكْ اللّٰهْ بَانْ لَيَّهْ فِي نَارْ فِي لُبّ شِدَيْرَةْ. وَ مُوسَى شَافْ وَ دَاهُو، نَارْ قَمَّتْ فَوْق الشِّدَيْرَةْ دِي لَاكِنْ هِي مَا قَاعِدَةْ تَحْرَقْ.

خُروج 3:2 Referenca të Kryqëzuara

إشَعْيا 43:2

وَكِتْ تَقْطَعْ الْأَلْمِي، أَنَا نُكُونْ مَعَاكْ وَ وَكِتْ تُشُقّ الْبُحُورْ، مَا تَغْرَقْ. وَكِتْ تُرُوغْ فِي أُسْط النَّارْ، مَا تَاكُلَكْ وَ أَمْ بَلْبَالَةْ مَا تَحْرِقَكْ.

مَرْخُوس 12:26

وَ فِي الشَّيّءْ الْبُخُصّ بُعَاثْ الْمَيْتِينْ، هَلْ نِسِيتُوا الْكَلَامْ الْقَرَيْتُوهْ فِي كِتَابْ مُوسَى وَلَّا؟ فَكُّرُوا فِي الْكَلَامْ الْبُخُصّ الشِّدَيْرَةْ الْقَمَّتْ فَوْقهَا نَارْ. فِي الْبَكَانْ دَا، اللّٰهْ حَجَّى لَيَّهْ وَ قَالْ: <أَنَا اللّٰهْ رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ.>

تَثْنِية 33:16

وَ يَرْحَمْهُمْ بِأَحْسَنْ إِنْتَاجْ الْمَلَانْ فِي الْأَرْض. اللّٰهْ الْبَانْ فِي الشِّدَيْرَةْ الْقَمَّتْ فَوْقهَا نَارْ، خَلِّي نِعْمَتَهْ تَبْقَى مِثِلْ تَاجْ فِي رَاسْ يُوسُفْ وَ فِي جَبْهَةْ الْخَصَّصَوْه وَ دَرَّجَوْه فِي أَخْوَانَهْ.

لُوقا 20:37

«وَ فِي الشَّيّءْ الْبُخُصّ الْبُعَاثْ، مُوسَى ذَاتَهْ وَصَّفَاكُو كَدَرْ الْمَيْتِينْ يَبْعَثَوْا. فَكُّرُوا فِي كَلَامْ مُوسَى الْبُخُصّ الشِّدَيْرَةْ الْقَمَّتْ فَوْقهَا نَارْ وَكِتْ هُو قَالْ كَدَرْ اللّٰهْ هُو رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ.

زَبُور 66:12

إِنْتَ خَلَّيْت نَاسْ رِكْبَوْا فِي رُوسَيْنَا وَ دَخَلْنَا مِنْ ضِيقَةْ لِضِيقَةْ. وَ لَاكِنْ إِنْتَ مَرَقْتِنَا وَ خَطَّيْتنَا فِي الرَّاحَةْ.

مَلاخِـي 3:1

وَ اللّٰهْ الْقَادِرْ قَالْ: «دَاهُو نِرَسِّلْ رَسُولِي وَ هُو يِعَدِّلْ الدَّرِبْ قِدَّامِي. وَ طَوَّالِي، الرَّبّ الْإِنْتُو قَاعِدِينْ تِفَتُّشُوا بِعَشَمْ يَدْخُلْ فِي بَيْتَهْ الْمُقَدَّسْ. دَاهُو جَايِ رَسُولْ الْمُعَاهَدَةْ الْقَاعِدِينْ تَرْجَوْه.»

إشَعْيا 63:9

اللّٰهْ شَافْ ضِيقِتْهُمْ دِي، هِنْتَهْ هُو. وَ هُو مَا رَسَّلْ مُرْسَالْ وَ لَا مَلَكْ لَاكِنْ اللّٰهْ هُو ذَاتَهْ بَسْ نَجَّاهُمْ. وَ بِمَحَبِّتَهْ وَ مَحَنِّتَهْ، هُو بَسْ فَدَاهُمْ. وَ رَفَعَاهُمْ وَ حَمَلَاهُمْ فِي مُدَّةْ كُلَّ الزَّمَنْ دَاكْ.

خُروج 3:16

«هَسَّعْ دَا، يَا مُوسَى، أَمْشِي لِكُلَّ شُيُوخْ بَنِي إِسْرَائِيلْ وَ قُولْ لَيْهُمْ: ‹اللّٰهْ رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ بَانْ لَيِّ وَ قَالْ هُو شَافَاكُو وَ شَافْ الشَّيّءْ الْقَاعِدِينْ يِسَوُّوهْ لَيْكُو فِي مَصِرْ.

دَنْيال 3:27

وَ كُلَّ الْمُوَكَّلِينْ وَ الْمُحَافِظِينْ وَ رُؤَسَاءْ الْوُلَايَاتْ وَ الْمَسَائِيلْ هَنَا الْمَلِكْ جَوْا حَوَّقَوْهُمْ وَ شَافَوْا كَدَرْ النَّارْ مَا أَكَلَتْ جِسِمْهُمْ وَ صُوفَايْ وَاحِدَةْ مِنْ رُوسَيْهُمْ كُلَ مَا حِرْقَتْ. وَ خُلْقَانْهُمْ كُلَ مَا غَيَّرَوْا وَ رِيحَةْ النَّارْ كُلَ فَوْقهُمْ مَا تِنْشَمَّ.

تكوين 48:16

يَا اللّٰهْ النَّجَّيْتنِي مِنْ كُلَّ شَيّءْ فَسِلْ! نَطْلُبْ مِنَّكْ تِبَارِكْ الْعِيَالْ دَوْل أَشَانْ بَيْهُمْ هُمَّنْ، أُسْمِي يَقْعُدْ دَايْماً مِثِلْ أُسُمْ أَبَّهَاتِي إِبْرَاهِيمْ وَ إِسْحَاقْ. وَ خَلِّي عِيَالْهُمْ يِزِيدُوا وَ يَبْقَوْا كَتِيرِينْ فِي كُلَّ الْأَرْض.»

تَثْنِية 4:20

وَ لَاكِنْ إِنْتُو بِقِيتُوا هِنَيْ اللّٰهْ، هُو الشَّالَاكُو وَ مَرَقَاكُو مِنْ بَلَدْ مَصِرْ وَ هِي بَلَدْ الْمِثِلْ جَهَنَّمْ التَّقْطَعْ الْحَدِيدْ. وَ دَا، أَشَانْ تَبْقَوْا شَعَبَهْ وَ وَرَثَتَهْ مِثِلْ إِنْتُو بِقِيتُوا لَيَّهْ الْيَوْم.

رَوْمَا 8:3

شُرُوطْ التَّوْرَاةْ أَبَداً مَا قِدْرَوْا يِنَجُّوا النَّاسْ أَشَانْ ضُعُفْ طَبِيعَةْ الْإِنْسَانْ دَحَرَاهُمْ. وَ اللّٰهْ ذَاتَهْ سَوَّى الشَّيّءْ الشُّرُوطْ التَّوْرَاةْ مَا قِدْرَوْا يِسَوُّوهْ. هُو رَسَّلْ إِبْنَهْ الْوَاحِدْ لِيَبْقَى إِنْسَانْ فِي جِسِمْ مِثِلْ جِسِمْ الْمُذْنِبْ. وَ وَكِتْ هُو فِي جِسْمَهْ الْإِنْسَانِي دَا، اللّٰهْ حَاكَمْ فِي الذَّنِبْ مَرَّةْ وَاحِدْ.

يُوحَنَّا 1:14

وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ.

زَكَرِيَّا 13:7

دَاهُو كَلَامْ اللّٰهْ الْقَادِرْ: «يَا سَيْف، قُمّ ضِدّ رَاعِيِّ. أَيْوَى، قُمّ ضِدّ قَرِيبِي! أَضْرُبْ الرَّاعِي وَ الْغَنَمْ يِشِتُّوا وَ نَضْرُبْ حَتَّى الدُّقَاقْ كُلَ.

2 تَسَلونِيكِي 1:7

وَ هُو يَنْطِي الرَّاحَةْ لَيْكُو إِنْتُو الْقَاعِدِينْ تَتْعَبَوْا وَ يَنْطِيهَا لَيْنَا أَنِحْنَ كُلَ مَعَاكُو. هُو يَنْطِيكُو الرَّاحَةْ وَكِتْ الرَّبّ عِيسَى يِبِينْ نَازِلْ مِنْ السَّمَاءْ مَعَ مَلَائِكَتَهْ الْقَادْرِينْ.

تكوين 21:17

وَ لَاكِنْ الرَّبّ سِمِعْ بَكِي هَنَا الْوِلَيْد. وَ مِنْ السَّمَاءْ، مَلَكْ اللّٰهْ نَادَاهَا لِهَاجَرْ وَ قَالْ لَيْهَا: «مَالْكِ، يَا هَاجَرْ؟ مَا تَخَافَيْ. الرَّبّ سِمِعْ بَكِي هَنَا الْوِلَيْد فِي الْبَكَانْ الْقَاعِدْ فَوْقَهْ.

تكوين 22:11

طَوَّالِي مَلَكْ اللّٰهْ نَادَاهْ لِإِبْرَاهِيمْ مِنْ السَّمَاءْ وَ قَالْ: «يَا إِبْرَاهِيمْ! يَا إِبْرَاهِيمْ!» وَ إِبْرَاهِيمْ قَالْ: «نَعَمْ.»

خُروج 19:18

وَ كُلَّ جَبَلْ سِينَاء مُغَطَّى بِدُخَّانْ أَشَانْ اللّٰهْ نَزَلْ فَوْقَهْ بِنَارْ. الدُّخَّانْ يَطْلَعْ مِنْ الْجَبَلْ مِثِلْ دُخَّانْ الْفُرُنْ وَ كُلَّ الْجَبَلْ رَجَفْ بِشِدَّةْ.

خُروج 23:20

«شِيفُوا، أَنَا نِرَسِّلْ مَلَكْ يَمْشِي قِدَّامْكُو فِي الدَّرِبْ وَ يَحْفَضْكُو. وَ يِوَدِّيكُو فِي الْبَكَانْ الْأَنَا جَهَّزْتَهْ لَيْكُو.

خُروج 24:17

وَ فِي عُيُونْ بَنِي إِسْرَائِيلْ، مَجْد اللّٰهْ أَنْشَافْ مِثِلْ النَّارْ الْقَاعِدَةْ تَاكُلْ فِي رَاسْ الْجَبَلْ.

قُضياء 13:13

وَ مَلَكْ اللّٰهْ قَالْ لِمَنُوحْ: «كُلَّ شَيّءْ الْأَنَا قُلْتَهْ لِمَرْتَكْ دِي، خَلِّي هِي تِفَكِّرْ فَوْقَهْ.