خُروج 3:10 - الكتاب المقدس بالعربي الدارجي هنا تشاد

¹⁰ أَشَانْ دَا، يَا مُوسَى! نِرَسِّلَكْ هَسَّعْ لِفِرْعَوْن مَلِكْ مَصِرْ. أَمْشِي وَ أَمْرُقْ شَعَبِي بَنِي إِسْرَائِيلْ مِنْ مَصِرْ!»

خُروج 3:10 Referenca të Kryqëzuara

مِيخا 6:4

وَ دَا أَشَانْ أَنَا مَرَقْتُكُو مِنْ بَلَدْ مَصِرْ وَلَّا؟ أَشَانْ فَدَيْتكُو مِنْ الْعُبُودِيَّةْ وَلَّا؟ أَشَانْ رَسَّلْت مُوسَى وَ هَارُونْ وَ مَرْيَمْ لِيُقُودُوكُو وَلَّا؟

زَبُور 105:26

بَعَدْ دَا، رَسَّلْ عَبْدَهْ مُوسَى وَ هَارُونْ الْهُو عَزَلَهْ.

1 صَمُوِيل 12:6

وَ خَلَاصْ، صَمُوِيلْ قَالْ لِلشَّعَبْ: «أَيْوَى! اللّٰهْ هُو بَسْ الْعَزَلْ مُوسَى وَ هَارُونْ وَ مَرَقْ جُدُودْكُو مِنْ بَلَدْ مَصِرْ.

أعمال الرُسُل 7:34

أَنَا شِفْت التَّعَبْ الشَّدِيدْ هَنَا شَعَبِي الْقَاعِدِينْ فِي مَصِرْ وَ أَنَا سِمِعْت صِرَاخْهُمْ وَ نَزَلْت أَشَانْ نِنَجِّيهُمْ. وَ هَسَّعْ تَعَالْ، نِرَسِّلَكْ إِنْتَ فِي مَصِرْ.›»

زَبُور 77:20

إِنْتَ قُدْت شَعَبَكْ مِثِلْ غَنَمْ بِإِيدْ مُوسَى وَ هَارُونْ.

أعمال الرُسُل 7:36

وَ هُو مَرَقَاهُمْ مِنْ مَصِرْ. وَ فِي مُدَّةْ 40 سَنَةْ، سَوَّى عَجَايِبْ وَ عَلَامَاتْ كُبَارْ فِي بَلَدْ مَصِرْ وَ فِي الْبَحَرْ الْأَحْمَرْ وَ فِي الصَّحَرَاءْ.

هُوشَع 12:13

وَ بَعَدَيْن بِوَاسِطَةْ نَبِي، اللّٰهْ مَرَقْ بَنِي إِسْرَائِيلْ مِنْ مَصِرْ. وَ بِوَاسِطَةْ نَبِي، هُو حَفَضَاهُمْ.

أعمال الرُسُل 7:6

وَ اللّٰهْ كَلَّمْ لِإِبْرَاهِيمْ وَ قَالْ لَيَّهْ كَدَرْ ذُرِّيّتَهْ يَبْقَوْا أَجَانِبْ وَ يَسْكُنُوا فِي بَلَدْ الْمَا هِنْتُهُمْ. وَ سِيَادْ الْبَلَدْ دِي يِعَبُّدُوهُمْ وَ يِضَايُقُوهُمْ مُدَّةْ 400 سَنَةْ.

أعمال الرُسُل 7:7

وَ اللّٰهْ قَالْ: <أَنَا نِعَاقِبْ الْأُمَّةْ التِّعَبِّدْهُمْ وَ بَعَدْ دَا، ذُرِّيّتَكْ يَمُرْقُوا وَ يَعَبُدُونِي فِي الْبَكَانْ دَا.>

تكوين 15:13

وَ اللّٰهْ قَالْ لِأَبْرَامْ: «أَعَرِفْ تَمَامْ كَدَرْ بَعَدَيْن ذُرِّيّتَكْ يَبْقَوْا أَجَانِبْ وَ يَسْكُنُوا فِي بَلَدْ الْمَا هِنْتُهُمْ. وَ سِيَادْ الْبَلَدْ دِي يِعَبُّدُوهُمْ وَ يِضَايُقُوهُمْ مُدَّةْ 400 سَنَةْ.

تكوين 15:14

وَ لَاكِنْ أَنَا نِعَاقِبْ الْأُمَّةْ التِّعَبِّدْهُمْ لِذُرِّيّتَكْ. وَ بَعَدْ دَا، ذُرِّيّتَكْ يَمُرْقُوا مِنْ الْبَلَدْ دِي بِمَالْ كَتِيرْ.

خُروج 6:26

وَ هَارُونْ وَ مُوسَى هُمَّنْ بَسْ النَّاسَيْن الْاللّٰهْ قَالْ لَيْهُمْ: «أَمُرْقُوا بَنِي إِسْرَائِيلْ مِنْ مَصِرْ حَسَبْ مَجْمُوعَاتْهُمْ.»

خُروج 12:40

وَ بَنِي إِسْرَائِيلْ عَاشَوْا مُدَّةْ 430 سَنَةْ فِي مَصِرْ.

خُروج 12:41

وَ بَعَدْ 430 سَنَةْ فِي الْيَوْم الْمُحَدَّدْ، كُلَّ شَعَبْ اللّٰهْ مَرَقَوْا مِنْ بَلَدْ مَصِرْ حَسَبْ مَجْمُوعَاتْهُمْ.

خُروج 33:12

وَ مُوسَى قَالْ لِلّٰهْ: «إِنْتَ دَوَّرْت مِنِّي أَنَا نُقُودْ الشَّعَبْ دَا. وَ لَاكِنْ مَا عَرَّفْتِنِي يَاتُو التِّرَسِّلَهْ مَعَايِ. وَ بَتَّانْ إِنْتَ قُلْت لَيِّ: ‹أَنَا بَسْ عَزَلْتَكْ وَ رِضِيتْ لَيْك.›

خُروج 33:13

وَ كَنْ صَحِيحْ كَيْ إِنْتَ رِضِيتْ لَيِّ، عَرِّفْنِي دَرْبَكْ أَشَانْ نَعَرْفَكْ وَ إِنْتَ تَرْضَى لَيِّ دَايْماً. وَ فَكِّرْ فِي الْأُمَّةْ دِي أَشَانْ هِي شَعَبَكْ.»

1 صَمُوِيل 12:8

وَ وَكِتْ جُدُودْكُو عِيَالْ يَعْقُوبْ قَاعِدِينْ فِي بَلَدْ مَصِرْ، صَرَخَوْا لِلّٰهْ. وَ هُو رَسَّلْ مُوسَى وَ هَارُونْ مَرَقَوْهُمْ مِنْ بَلَدْ مَصِرْ وَ جَابَوْهُمْ هِنِي.

قُضياء 6:14

وَ خَلَاصْ، اللّٰهْ وَجَّهْ عَلَيَّهْ وَ قَالْ: «أَمْشِي بِالْقُدْرَةْ الْعِنْدَكْ وَ نَجِّي بَنِي إِسْرَائِيلْ مِنْ الْمِدْيَانِيِّينْ. أَنَا بَسْ رَسَّلْتَكْ!»