خُروج 28:2 - الكتاب المقدس بالعربي الدارجي هنا تشاد

² وَ عَدِّلْ لِأَخُوكْ هَارُونْ خُلْقَانْ خَاصِّينْ الْيَنْطُوهْ شَرَفْ وَ إِحْتِرَامْ.

خُروج 28:2 Referenca të Kryqëzuara

لاوِيِّين 8:30

وَ مُوسَى شَالْ دِهِنْ الْمَسَحَانْ وَ الدَّمّ الْقَاعِدْ فِي الْمَدْبَحْ وَ رَشَّ هَارُونْ وَ خُلْقَانَهْ وَ أَوْلَادَهْ وَ خُلْقَانْهُمْ. وَ بِمِثِلْ دَا، هُو خَصَّصْ هَارُونْ وَ خُلْقَانَهْ وَ أَوْلَادَهْ وَ خُلْقَانْهُمْ.

خُروج 31:10

وَ الْخُلْقَانْ الْغَالِيِّينْ الْخَاصِّينْ لِهَارُونْ رَاجِلْ الدِّينْ وَ خُلْقَانْ عِيَالَهْ وَكِتْ يَخْدُمُوا مِثِلْ رُجَالْ دِينْ

رُؤية 19:8

وَ بِإِذِنْ اللّٰهْ، هِي لِبْسَتْ خَلَقْ هَنَا كَتَّانْ أَصْلِي الْبِرَارِي.» وَ الْكَتَّانْ دَا يِمَثِّلْ حَسَنَاتْ الصَّالِحِينْ.

عِبْرَانِيِّين 7:26

وَ بَيْدَا، عِيسَى بِقِي كَبِيرْ رُجَالْ الدِّينْ الْمُوَافِقْ لَيْنَا مَرَّةْ وَاحِدْ. هُو قُدُّوسْ وَ مَا عِنْدَهْ أَيِّ عَيْب وَ هُو دَايْماً طَاهِرْ. هُو مَعْزُولْ بَعِيدْ مِنْ الْمُذْنِبِينْ وَ مَرْفُوعْ فَوْق فِي السَّمَاوَاتْ.

أيُّوب 40:10

كَنْ مِثِلْ دَا، جَمِّلْ نَفْسَكْ بِمَجْد وَ كِبْرِيَاءْ وَ أَلْبَسْ الْعَظَمَةْ وَ الشَّرَفْ.

خُروج 28:40

«‹وَ خَيِّطْ جَوَّانِيَّةْ وَ حِزَامْ وَ كَدْمُولْ لِأَيِّ وِلَيْد مِنْ أَوْلَادْ هَارُونْ لِتَنْطِيهُمْ شَرَفْ وَ إِحْتِرَامْ.

رُؤية 5:10

وَ إِنْتَ كَوَّنْتُهُمْ مَمْلَكَةْ وَ سَوَّيْتهُمْ رُجَالْ دِينْ أَشَانْ يَعَبُدُوا اللّٰهْ وَ يَحْكُمُوا فِي الْأَرْض.»

1 يُوحَنَّا 3:2

يَا الْمَحْبُوبِينْ، هَسَّعْ حَالِيّاً أَنِحْنَ عِيَالْ اللّٰهْ. وَ كِكَّيْف نُكُونُوا بَعَدَيْن دَا، اللّٰهْ لِسَّاعْ مَا بَيَّنَهْ لَيْنَا. لَاكِنْ نَعَرْفُوا كَدَرْ وَكِتْ إِبْن اللّٰهْ يِبِينْ بَتَّانْ، نِشِيفُوهْ هُو ذَاتَهْ بِنَفْسَهْ وَ أَنِحْنَ نَبْقَوْا مِثْلَهْ.

2 بُطْرُس 1:17

أَنِحْنَ مَوْجُودِينْ وَكِتْ اللّٰهْ أَبُوهْ أَنْطَاهْ شَرَفْ وَ مَجْد، وَكِتْ الْحِسّ جَاءْ لَيَّهْ مِنْ الْمَجِيدْ وَ الْعَظِيمْ وَ قَالْ: «دَا بَسْ إِبْنِي النِّحِبَّهْ. وَ أَنَا فَرْحَانْ بَيَّهْ بِلْحَيْن.»

عِبْرَانِيِّين 2:9

لَاكِنْ النِّشِيفُوهْ، هُو عِيسَى. وَ عِيسَى دَا، اللّٰهْ نَزَّلَهْ تِحِتْ مِنْ الْمَلَائِكَةْ لِمُدَّةْ قِصَيْرَةْ وَ بَعَدْ دَا، اللّٰهْ أَنْطَاهْ عَظَمَةْ وَ شَرَفْ بِسَبَبْ تَعَبَهْ وَ مَوْتَهْ. أَشَانْ بِرَحْمَةْ اللّٰهْ، عِيسَى دَاقْ الْمَوْت فِي شَانْ كُلَّ النَّاسْ.

غَلاطِية 3:27

كُلُّكُو أَشْتَرَكْتُوا مَعَ الْمَسِيحْ وَ بِالْغَطِّسِينْ، إِنْتُو أَنْرَبَطْتُوا مَعَايَهْ.

رَوْمَا 13:14

وَ فِي بَدَلْ الذُّنُوبْ دَوْل، أَرْبُطُوا صُلُبْكُو وَ خُطُّوا فِي عُقُولْكُو إِنْتُو خَدَّامِينْ لِرَبِّنَا عِيسَى الْمَسِيحْ. وَ آبَوْا مَا تِشْتَغُلُوا بِشَهْوَاتْ الْإِنْسَانْ.

رَوْمَا 3:22

اللّٰهْ يَجْعَلْ النَّاسْ صَالِحِينْ قِدَّامَهْ بِالْإِيمَانْ بِعِيسَى الْمَسِيحْ. وَ يِسَوِّي نَفْس الشَّيّءْ لِكُلَّ النَّاسْ الْيِآمُنُوا. كُلَّ النَّاسْ سَوَا سَوَا

يُوحَنَّا 1:14

وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ.

إشَعْيا 64:6

وَ كُلِّنَا بِقِينَا مَا طَاهِرِينْ وَ كُلَّ شَيّءْ النِّسَوُّوهْ عَدِيلْ بِقِي مِثِلْ خَلَقْ مُنَجَّسْ بِدَمّ الْحَيْض. وَ أَنِحْنَ كُلِّنَا يِبِسْنَا مِثِلْ وَرَقْ الشَّدَرْ الدَّفَّقْ وَ خَطَايَانَا شَالَوْنَا مِثِلْ الرِّيحْ.

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

إشَعْيا 61:3

هُو رَسَّلَانِي لِنَاسْ صَهْيُون الْقَاعِدِينْ فِي الْحِزِنْ أَشَانْ نَنْطِيهُمْ كَدْمُولْ جَمِيلْ بَدَلْ الرُّمَادْ الْفِي رَاسْهُمْ وَ دِهِنْ السُّرُورْ بَدَلْ الْحِزِنْ وَ لُبَاسْ الشُّكُرْ بَدَلْ الرُّوحْ الضَّعِيفَةْ. وَ يِسَمُّوهُمْ شَدَرْ الْعَدَالَةْ الْاللّٰهْ مَقَنَهْ لِيِوَصِّفْ مَجْدَهْ.

إشَعْيا 4:2

وَ فِي الْيَوْم دَا، بِذْرَةْ اللّٰهْ تِجِيبْ الْمَجْد وَ الشَّرَفْ لِلْفَضَّلَوْا مِنْ بَنِي إِسْرَائِيلْ. وَ إِنْتَاجْ الْأَرْض يِجِيبْ الْفَرَحْ وَ الشَّرَفْ.

زَبُور 149:4

أَشَانْ اللّٰهْ يَرْضَى بِشَعَبَهْ وَ يِجَمِّلْ الْمَسَاكِينْ بِالنَّجَاةْ.

زَبُور 132:16

نِلَبِّسْ نَاسْهَا رُجَالْ الدِّينْ بِخُلْقَانْ النَّجَاةْ وَ نَاسْهَا الصَّالِحِينْ يِغَنُّوا مِنْ فَرَحْهُمْ.

زَبُور 132:9

خَلِّي نَاسَكْ رُجَالْ الدِّينْ يَلْبَسَوْا الْعَدَالَةْ مِثِلْ يَلْبَسَوْا خُلْقَانْهُمْ. وَ خَلِّي نَاسَكْ الصَّالِحِينْ يِغَنُّوا مِنْ فَرَحْهُمْ.

زَبُور 96:6

الْمَجْد وَ الْعَظَمَةْ هِنَيْه وَ الْقُدْرَةْ وَ الْجَلَالْ فِي بَيْتَهْ الْمُقَدَّسْ.

خُروج 40:13

وَ بَعَدْ دَا، لَبِّسْ هَارُونْ الْخُلْقَانْ الْخَاصِّينْ وَ أَمْسَحَهْ وَ خَصِّصَهْ لِيَبْقَى لَيِّ رَاجِلْ دِينْ.

إشَعْيا 52:1

قُمِّي! قُمِّي فَوْق! وَ أَبْقَيْ قَوِيَّةْ، يَا مَدِينَةْ صَهْيُون! أَلْبَسَيْ خُلْقَانْكِ هَنَا الشَّرَفْ، يَا مَدِينَةْ الْقُدُسْ، الْمَدِينَةْ الْمُقَدَّسَةْ! أَشَانْ بَتَّانْ مَا يَدْخُلْ فَوْقكِ الْمَا مُطَهَّرْ وَ الْمَا طَاهِرْ.

خُروج 29:28

اللَّحَمْ دَا يَبْقَى حَقّ دَايِمْ لِهَارُونْ وَ أَوْلَادَهْ مِنْ كُلَّ ضَحَايَا السَّلَامَةْ الْيَدْبَحَوْهُمْ بَنِي إِسْرَائِيلْ وَ يِقَدُّمُوهُمْ هَدِيَّةْ لِلّٰهْ.