خُروج 27:9 - الكتاب المقدس بالعربي الدارجي هنا تشاد

⁹ «‹وَ سَوِّي فَضَايْ لِلْخَيْمَةْ. وَ بِالنُّصّ الْجُنُوبِي، طُولْهَا يُكُونْ 100 دُرَاعْ وَ عِنْدَهَا سَتَايِرْ مِنْ قُمَاشْ هَنَا كَتَّانْ مُخَيَّطْ عَدِيلْ.

خُروج 27:9 Referenca të Kryqëzuara

حِزْقِيال 42:3

وَ الْغُرَفْ دَوْل قَاعِدِينْ أَمْبَيْن الدَّرِبْ الطُّولَهْ 20 دُرَاعْ وَ الْحُجَارْ الْمُلُسْ الطَّلَّسَوْا بَيْهُمْ الْفَضَايْ الْبَرَّانِيَّةْ. وَ الْغُرَفْ دَوْل قَاعِدِينْ جَنْب الْقَصِرْ الْعِنْدَهْ تَلَاتَةْ دَرَجَاتْ.

حِزْقِيال 40:44

وَ فِي الْفَضَايْ الدَّخْلَانِيَّةْ جَنْب بَيْت الْمَدَخَلْ، فِيَّهْ غُرَفْ تِنَيْن هَنَا غَنَّايِينْ. غُرْفَةْ وَاحِدَةْ قَاعِدَةْ جَنْب بَيْت الْمَدَخَلْ الْمُنْشَاقِي وَ مُوَجِّهَةْ وَطِي. وَ الْغُرْفَةْ الْآخَرَةْ قَاعِدَةْ جَنْب بَيْت الْمَدَخَلْ الْوَطِيَانِي وَ مُوَجِّهَةْ مُنْشَاقْ.

حِزْقِيال 40:32

وَ الرَّاجِلْ وَدَّانِي فِي الْفَضَايْ الدَّخْلَانِيَّةْ بِالدَّرِبْ هَنَا بَيْت الْمَدَخَلْ الصَّبْحَانِي. وَ هُو كَالْ بَيْت الْمَدَخَلْ دَا وَ هُو عِنْدَهْ نَفْس الْمَقَاسْ مَعَ الْآخَرِينْ.

حِزْقِيال 40:28

وَ الرَّاجِلْ وَدَّانِي فِي الْفَضَايْ الدَّخْلَانِيَّةْ بِالدَّرِبْ هَنَا بَيْت الْمَدَخَلْ الْوَطِيَانِي. وَ هُو كَالْ بَيْت الْمَدَخَلْ دَا وَ هُو عِنْدَهْ نَفْس الْمَقَاسْ مَعَ الْآخَرِينْ.

حِزْقِيال 40:23

وَ فِيَّهْ بَيْت مَدَخَلْ الْيَفْتَحْ فِي الْفَضَايْ الدَّخْلَانِيَّةْ مُقَابِلْ بَيْت الْمَدَخَلْ الْمُنْشَاقِي وَ دَا مِثِلْ بَيْت الْمَدَخَلْ الصَّبْحَانِي. وَ الرَّاجِلْ كَالْ الْفَرَقَةْ مِنْ بَيْت الْمَدَخَلْ الْوَاحِدْ لِلْآخَرْ وَ لِقِيهَا 100 دُرَاعْ.

حِزْقِيال 40:20

وَ بَعَدْ دَا، الرَّاجِلْ مَشَى عَلَيْ بَيْت الْمَدَخَلْ الْمُنْشَاقِي. وَ هُو كَالْ الطُّولْ وَ الْعُرْض هَنَا بَيْت الْمَدَخَلْ هَنَا الْفَضَايْ الْبَرَّانِيَّةْ.

حِزْقِيال 40:14

وَ كَالْ عَمَدْ الْبَيْت وَ طُولْهُمْ فَوْق 60 دُرَاعْ. وَ الْغُرْفَةْ مُقَابِلَةْ الْفَضَايْ وَ الْفَضَايْ مُحَوِّقَيْهَا بِقِدَّامْ وَ جَايْ وَ جَايْ لَيْهَا.

زَبُور 116:19

أَيْوَى، نِحَقِّقَهْ فِي فَضَايَةْ بَيْت اللّٰهْ فِي أُسُطْكِ، يَا مَدِينَةْ الْقُدُسْ! الْحَمْدُ للّٰهْ!

زَبُور 100:4

أَدْخُلُوا الْبَابْ وَ أَشْكُرُوهْ وَ فِي لُبّ حَوْشَهْ، أَحْمُدُوهْ! عَيُّدُوا لَيَّهْ وَ أُسْمَهْ، عَظُّمُوهْ!

زَبُور 92:13

هُو مُمَقَّنْ فِي بَيْت اللّٰهْ وَ يِخَضِّرْ فِي فَضَايَةْ إِلٰـهْنَا.

زَبُور 84:10

أَشَانْ يَوْم وَاحِدْ فِي فَضَايْتَكْ أَخَيْر مِنْ أَلِفْ يَوْم بَرَّا مِنْهَا. أَنَا نِرِيدْ نَقْعُدْ فِي مَدَخَلْ بَيْتَكْ، يَا إِلٰـهِي، مِنْ نَقْعُدْ فِي فَرِيقْ النَّاسْ الْفَسْلِينْ.

2 أخبار 33:5

وَ بَتَّانْ كُلَ بَنَى مَدَابِحْ لِكُلَّ قُوَّاتْ السَّمَاءْ فِي الْفَضَايَاتْ الْإِتْنَيْن هَنَا بَيْت اللّٰهْ.

1 مُلوك 8:64

وَ فِي نَفْس الْيَوْم دَا، الْمَلِكْ خَصَّصْ أُسْط الْفَضَايْ الْقَاعِدَةْ قِدَّامْ بَيْت اللّٰهْ أَشَانْ يِقَدِّمْ فَوْقَهْ الضَّحَايَا الْمُحَرَّقِينْ وَ هَدَايَا الدَّقِيقْ وَ يِحَرِّقْ فَوْقَهْ الشَّحَمْ هَنَا ضَحَايَا السَّلَامَةْ. وَ دَا أَشَانْ الْمَدْبَحْ هَنَا النَّحَاسْ الْقَاعِدْ فِي بَيْت اللّٰهْ صَغَيَّرْ مَا يِشِيلْ كُلَّ الضَّحَايَا الْمُحَرَّقِينْ وَ هَدَايَا الدَّقِيقْ وَ الشَّحَمْ هَنَا ضَحَايَا السَّلَامَةْ.

1 مُلوك 6:36

وَ الْفَضَايْ الدَّخْلَانِيَّةْ، حَوَّقْهَا بِتَلَاتَةْ رَوْق هَنَا حَجَرْ مَنْقُوشْ. وَ فِي رَاسْ التَّلَاتَةْ رَوْق هَنَا حَجَرْ، خَطَّ رَوْق وَاحِدْ هَنَا حَطَبْ الْأَرْز.

خُروج 40:8

وَ حَوِّقْ الْفَضَايْ هَنَا خَيْمَةْ الْإِجْتِمَاعْ بِسَتَايِرْ وَ سَوِّي لَيْهَا بَابْ. وَ بَابْهَا دَا كُلَ سِدَّهْ بِسِتَارْ.

خُروج 39:40

وَ السَّتَايِرْ الْمُحَوِّقِينْ بَيْهُمْ الْفَضَايْ وَ عَمَدْهُمْ وَ أَسَاسْهُمْ وَ سِتَارْ هَنَا بَابْ الْفَضَايْ وَ حُبَالْهَا وَ وُتَادْهَا وَ كُلَّ مُعِدَّاتْ الْيِسْتَعْمَلَوْهُمْ فِي خِدْمَةْ خَيْمَةْ الْعِبَادَةْ وَ هِي خَيْمَةْ الْإِجْتِمَاعْ

خُروج 36:17

وَ سَوَّوْا 50 مَنَاخِرْ فِي نُصّ كُلِّ وَاحِدَةْ مِنْ الْمَجْمُوعْتَيْن.

خُروج 27:10

وَ عِنْدَهَا 20 عَمُودْ وَ 20 أَسَاسْ مِنْ نَحَاسْ. وَ الْمَنَاخِرْ وَ الرُّبَاطْ الْقَاعِدِينْ فِي الْعَمَدْ دَوْل مِنْ فُضَّةْ.

خُروج 35:17

وَ السَّتَايِرْ الْمُحَوِّقِينْ بَيْهُمْ الْفَضَايْ وَ عَمَدْهُمْ وَ أَسَاسْهُمْ وَ سِتَارْ هَنَا بَابْ الْفَضَايْ

خُروج 40:33

وَ مُوسَى حَوَّقْ الْفَضَايْ الْفَوْقهَا الْخَيْمَةْ بِسَتَايِرْ وَ سَدَّ بَابْهَا بِسِتَارْ. وَ بِمِثِلْ دَا، خَلَاصْ مُوسَى كَمَّلْ الْخِدْمَةْ.

عَدد 3:26

وَ السَّتَايِرْ الْمُحَوِّقِينْ بَيْهُمْ الْفَضَايْ وَ سِتَارْ بَابْ الْفَضَايْ الْمُحَوِّقَةْ خَيْمَةْ الْعِبَادَةْ وَ الْمَدْبَحْ وَ كُلَّ الْحُبَالْ. وَ قَبِيلَةْ قِرْشُونْ مَسْؤُولَة مِنْ كُلَّ الْخُمَامْ دَوْل.

عَدد 4:26

وَ بَتَّانْ يَنْقُلُوا سَتَايِرْ الْفَضَايْ الْمُحَوِّقَةْ خَيْمَةْ الْعِبَادَةْ وَ الْمَدْبَحْ وَ السِّتَارْ هَنَا خَشُمْ بَابْ الْفَضَايْ وَ الْحُبَالْ وَ كُلَّ الْمُعِدَّاتْ الْوَاجِبْ لَيْهُمْ لِيِسَوُّوا خِدْمِتْهُمْ.

عَدد 4:32

وَ الْعَمَدْ الْمُحَوِّقِينْ بَيْهُمْ الْفَضَايْ وَ الْأَسَاسْ وَ الْوُتَادْ وَ الْحُبَالْ وَ كُلَّ الْمُعِدَّاتْ الْوَاجِبْ لَيْهُمْ لِيِسَوُّوا خِدْمِتْهُمْ. أَيِّ وَاحِدْ يِنَادُوهْ بِأُسْمَهْ وَ يِكَلُّفُوهْ بِالْمُعِدَّاتْ الْيَحْفَضْهُمْ وَ الْيَنْقُلْهُمْ.

2 أخبار 4:9

وَ سَوَّوْا فَضَايْ لِرُجَالْ الدِّينْ. وَ بَتَّانْ سَوَّوْا فَضَايْ آخَرَةْ كَبِيرَةْ وَ بِيبَانْهَا مَسَحَوْهُمْ بِنَحَاسْ.

حِزْقِيال 40:17

وَ الرَّاجِلْ دَا وَدَّانِي فِي الْفَضَايْ الْبَرَّانِيَّةْ هَنَا الْبَيْت الْمُقَدَّسْ. الْفَضَايْ دِي عِنْدَهَا 30 غُرَفْ مُحَوِّقِينْهَا وَ هِي مَطْلُوسَةْ بِحُجَارْ مُلُسْ مِنْ كُلِّ جِيهَةْ.