خُروج 24:8 - الكتاب المقدس بالعربي الدارجي هنا تشاد

⁸ وَ مُوسَى شَالْ الْفَضَّلْ مِنْ الدَّمّ وَ رَشَّ بَيَّهْ الشَّعَبْ وَ قَالْ: «دَاهُو دَمّ الْمُعَاهَدَةْ الْاللّٰهْ سَوَّاهَا مَعَاكُو حَسَبْ كُلَّ كَلَامَهْ الْقَالَهْ لَيْكُو.»

خُروج 24:8 Referenca të Kryqëzuara

خُروج 24:6

وَ مُوسَى صَبَّ نُصّ الدَّمّ فِي مَوَاعِينْ. وَ نُصَّهْ الْآخَرْ كَمَانْ، رَشَّ بَيَّهْ الْمَدْبَحْ.

حِزْقِيال 36:25

وَ أَنَا نُرُشُّكُو بِأَلْمِي طَاهِرْ وَ تَبْقَوْا طَاهِرِينْ وَ نِطَهِّرْكُو مِنْ كُلَّ نَجَاسِتْكُو وَ مِنْ كُلَّ أَصْنَامْكُو.

مَتَّى 26:28

دَا دَمِّي هَنَا الْمُعَاهَدَةْ الْجَدِيدَةْ الْيِدَفِّقْ فِي شَانْ نَاسْ كَتِيرِينْ أَشَانْ اللّٰهْ يَغْفِرْ لَيْهُمْ ذُنُوبْهُمْ.

عِبْرَانِيِّين 13:20

وَ خَلَاصْ، اللّٰهْ رَبّ السَّلَامْ بَعَثْ مِنْ أُسْط الْمَيْتِينْ رَبِّنَا عِيسَى الْبِقِي رَاعِي كَبِيرْ هَنَا غَنَمْ اللّٰهْ بِسَبَبْ دَمّ الْمُعَاهَدَةْ الْأَبَدِيَّةْ.

1 كُرُنْتُس 11:25

وَ بَعَدْ الْعَشَاءْ، هُو سَوَّى نَفْس الشَّيّءْ بِالْكَاسْ. هُو شَالَهْ وَ قَالْ: «الْكَاسْ دَا يِوَصِّفْ الْمُعَاهَدَةْ الْجَدِيدَةْ النِّسَوِّيهَا مَعَاكُو بِدَمِّي. أَيِّ وَكِتْ التَّشَرْبَوْا مِنَّهْ، سَوُّوا مِثِلْ دَا لِتِذَكُّرُونِي بَيَّهْ.»

مَرْخُوس 14:24

وَ عِيسَى قَالْ لَيْهُمْ: «دَا دَمِّي هَنَا الْمُعَاهَدَةْ الْجَدِيدَةْ الْيِدَفِّقْ فِي شَانْ نَاسْ كَتِيرِينْ.

1 بُطْرُس 1:2

اللّٰهْ أَبُوكُو عَزَلَاكُو حَسَبْ النِّظَامْ الْعِنْدَهْ مِنْ زَمَانْ. وَ إِنْتُو بِقِيتُوا النَّاسْ الْخَاصِّيْن لَيَّهْ بِقُدْرَةْ الرُّوحْ الْقُدُّوسْ. وَ دَا، لِتِتَابُعُوا عِيسَى الْمَسِيحْ وَ تَبْقَوْا طَاهِرِينْ بِدَمَّهْ الدَّفَّقْ فِي شَانْكُو. عَلَيْكُمْ السَّلَامْ وَ الرَّحْمَةْ بِكَتَرَةْ.

لُوقا 22:20

وَ بَعَدْ الْعَشَاءْ، هُو سَوَّى نَفْس الشَّيّءْ بِالْكَاسْ. هُو شَالَهْ وَ قَالْ: «الْكَاسْ دَا يِوَصِّفْ الْمُعَاهَدَةْ الْجَدِيدَةْ النِّسَوِّيهَا مَعَاكُو بِدَمِّي الْيِدَفِّقْ فِي شَانْكُو.

زَكَرِيَّا 9:11

وَ اللّٰهْ قَالْ: «بِسَبَبْ مُعَاهَدَتِي السَّوَّيْتهَا مَعَاكُو بِدَمّ الضَّحَايَا، أَنَا نَمْرُقْ مَسَاجِينْكُو مِنْ السِّجِنْ الْبِقِي لَيْهُمْ مِثِلْ نُقْرَةْ بَلَا أَلْمِي.

أفَسُس 1:7

إِبْنَهْ فَدَانَا بِدَمَّهْ وَ بَيَّهْ هُو، اللّٰهْ غَفَرْ لَيْنَا خَطَايَانَا. دِي بَسْ نِعْمَتَهْ الْعَظِيمَةْ

إشَعْيا 52:15

وَ لَاكِنْ هَسَّعْ، أُمَمْ كَتِيرِينْ يِلْعَجَّبَوْا مِنَّهْ وَ مُلُوكْ يَسْكُتُوا. أَشَانْ يِشِيفُوا الْمَا حَجَّوْهُمْ بَيَّهْ وَ يَنْظُرُوا الْمَا سِمْعَوْا بَيَّهْ.»

لاوِيِّين 8:30

وَ مُوسَى شَالْ دِهِنْ الْمَسَحَانْ وَ الدَّمّ الْقَاعِدْ فِي الْمَدْبَحْ وَ رَشَّ هَارُونْ وَ خُلْقَانَهْ وَ أَوْلَادَهْ وَ خُلْقَانْهُمْ. وَ بِمِثِلْ دَا، هُو خَصَّصْ هَارُونْ وَ خُلْقَانَهْ وَ أَوْلَادَهْ وَ خُلْقَانْهُمْ.

عِبْرَانِيِّين 10:29

هَايْ! فَكُّرُوا فِي الْعِقَابْ الْوَاجِبْ لِلنَّادُمْ الْخَلَّى دَرِبْ الْمَسِيحْ! هُو حَقَرْ إِبْن اللّٰهْ حُقْرَةْ شَدِيدَةْ. دَمّ الْمُعَاهَدَةْ الْبَيَّهْ هُو بِقِي خَاصّ لِلّٰهْ، هُو جَعَلَهْ مَا عِنْدَهْ قِيمَةْ. وَ عَيَّرْ الرُّوحْ الْأَنْطَاهْ الرَّحْمَةْ.

يَشُوع 24:25

وَ خَلَاصْ فِي الْيَوْم دَا فِي شَكِيمْ، يَشُوعْ سَوَّى مُعَاهَدَةْ بَيْن الشَّعَبْ وَ اللّٰهْ وَ سَوَّى لَيْهُمْ قَوَانِينْ وَ شُرُوطْ.

1 مُلوك 8:9

وَ الصَّنْدُوقْ دَا مَا عِنْدَهْ شَيّءْ دَاخَلْ إِلَّا اللِّيحَانْ الْإِتْنَيْن هَنَا الْحَجَرْ الْمُوسَى خَطَّاهُمْ فِي لُبَّهْ وَكِتْ هُو قَاعِدْ فِي جَبَلْ حُورِيبْ. وَ دَا، وَكِتْ اللّٰهْ سَوَّى مُعَاهَدَةْ مَعَ بَنِي إِسْرَائِيلْ بَعَدْ مَرِقِينْهُمْ مِنْ بَلَدْ مَصِرْ.

زَبُور 78:36

وَ لَاكِنْ بِخُشُومْهُمْ، يُغُشُّوهْ وَ بِلِسْنَيْهُمْ، يَكْدُبُوا لَيَّهْ.

حِزْقِيال 16:8

وَ بَعَدْ دَا، أَنَا فَايِتْ جَنْبِكِ بَتَّانْ وَ دَاهُو شِفْت إِنْتِ تَمَّيْتِ، أَيْوَى، تَمَّيْتِ لِلْأَخِيدَةْ. وَ أَنَا مَطَّيْت دَايِرْ خَلَقِي فَوْقكِ وَ غَطَّيْت عِرَيْكِ. وَ أَنَا حَلَفْت لَيْكِ وَ كَرَبْت رَاسْكِ وَ سَوَّيْت مَعَاكِ مُعَاهَدَةْ وَ قُلْت إِنْتِ هِنْتِي. وَ دَا كَلَامْ اللّٰهْ الرَّبّ.

تَثْنِية 5:2

اللّٰهْ إِلٰـهْنَا سَوَّى مَعَانَا مُعَاهَدَةْ فِي حُورِيبْ.

1 مُلوك 8:21

وَ عَدَّلْت بَكَانْ لِلصَّنْدُوقْ الْعِنْدَهْ اللِّيحَانْ الْفَوْقهُمْ الْمُعَاهَدَةْ السَّوَّاهَا اللّٰهْ مَعَ جُدُودْنَا وَكِتْ هُو مَرَقَاهُمْ مِنْ بَلَدْ مَصِرْ.»

إرْمِيا 31:32

وَ الْمُعَاهَدَةْ دِي مَا تَبْقَى مِثِلْ الْمُعَاهَدَةْ الْأَنَا سَوَّيْتهَا مَعَ جُدُودْهُمْ وَكِتْ قُدْتُهُمْ وَ مَرَقْتُهُمْ مِنْ بَلَدْ مَصِرْ. هُمَّنْ قَطَعَوْا الْمُعَاهَدَةْ دِي، حَتَّى كَنْ أَنَا سِيدْهُمْ كُلَ. وَ دَا كَلَامْ اللّٰهْ.

حَقَّاي 2:5

وَ حَسَبْ الْوَعَدْ الْوَاعَدْتُكُو بَيَّهْ وَكِتْ مَرَقْتُوا مِنْ بَلَدْ مَصِرْ، رُوحِي قَاعِدَةْ فِي أُسُطْكُو. مَا تَخَافَوْا مِنْ شَيّءْ!›»