خُروج 24:7 - الكتاب المقدس بالعربي الدارجي هنا تشاد

⁷ وَ شَالْ كِتَابْ الْمُعَاهَدَةْ الْهُو كَتَبَهْ وَ قَرَاهْ لِلشَّعَبْ. وَ هُمَّنْ قَالَوْا: «أَنِحْنَ نِسَوُّوا كُلَّ شَيّءْ حَسَبْ كَلَامْ اللّٰهْ وَ نِطِيعُوهْ.»

خُروج 24:7 Referenca të Kryqëzuara

1 تَسَلونِيكِي 5:27

بِأُسُمْ الرَّبّ، نَامُرْكُو أَشَانْ تَقْرُوا الْجَوَابْ دَا لِكُلَّ الْأَخْوَانْ.

كُلُوسِي 4:16

وَ وَكِتْ قَرَوْا لَيْكُو الْجَوَابْ دَا خَلَاصْ، خَلِّي يَقْرُوهْ لِجَمَاعَةْ الْمُؤمِنِينْ الْفِي لَاوْدِكِيَّةْ كُلَ. وَ الْجَوَابْ الرَّسَّلْتَهْ لِلَاوْدِكِيَّةْ، خَلِّي يَقْرُوهْ لَيْكُو كُلَ.

أعمال الرُسُل 13:15

وَ بَعَدْ قَرَوْا مِنْ التَّوْرَاةْ وَ مِنْ كِتَابْ الْأَنْبِيَاء، مَسَائِيلْ هَنَا بَيْت الصَّلَاةْ رَسَّلَوْا لَيْهُمْ وَ قَالَوْا: «يَا الْأَخْوَانْ، كَنْ عِنْدُكُو كَلَامْ التِّشَجُّعُوا بَيَّهْ النَّاسْ، خَلَاصْ حَجُّوهْ.»

خُروج 19:8

فِي الْبَكَانْ دَا، كُلَّ الشَّعَبْ رَايْهُمْ بِقِي وَاحِدْ وَ قَالَوْا: «كُلَّ الْكَلَامْ الْقَالَهْ اللّٰهْ، أَنِحْنَ نِطَبُّقُوهْ!» وَ مُوسَى شَالْ رَدُّهُمْ لِيِوَدِّيهْ لِلّٰهْ.

يَشُوع 24:24

وَ الشَّعَبْ قَالَوْا لِيَشُوعْ: «أَنِحْنَ نَعَبُدُوا اللّٰهْ إِلٰـهْنَا بَسْ وَ نَسْمَعَوْا كَلَامَهْ.»

1 مُلوك 8:9

وَ الصَّنْدُوقْ دَا مَا عِنْدَهْ شَيّءْ دَاخَلْ إِلَّا اللِّيحَانْ الْإِتْنَيْن هَنَا الْحَجَرْ الْمُوسَى خَطَّاهُمْ فِي لُبَّهْ وَكِتْ هُو قَاعِدْ فِي جَبَلْ حُورِيبْ. وَ دَا، وَكِتْ اللّٰهْ سَوَّى مُعَاهَدَةْ مَعَ بَنِي إِسْرَائِيلْ بَعَدْ مَرِقِينْهُمْ مِنْ بَلَدْ مَصِرْ.

زَبُور 50:5

وَ قَالْ: «لِمُّوا الْمُؤمِنِينْ! هُمَّنْ السَّوَّوْا مَعَايِ مُعَاهَدَةْ بِالضَّحِيَّةْ!»

زَبُور 78:36

وَ لَاكِنْ بِخُشُومْهُمْ، يُغُشُّوهْ وَ بِلِسْنَيْهُمْ، يَكْدُبُوا لَيَّهْ.

إرْمِيا 34:13

«دَاهُو اللّٰهْ إِلٰـهْ بَنِي إِسْرَائِيلْ قَالْ: ‹أَنَا بَسْ سَوَّيْت مُعَاهَدَةْ مَعَ جُدُودْكُو فِي يَوْم مَرَقْتُهُمْ مِنْ مَصِرْ بَلَدْ الْعُبُودِيَّةْ.

إرْمِيا 42:6

الْكَلَامْ دَا كَنْ خَيْر أَوْ شَرّ كُلَ أَنِحْنَ نِتَابُعُوهْ أَشَانْ دَا كَلَامْ اللّٰهْ إِلٰـهْنَا الْأَنِحْنَ كَلَّفْنَاكْ تَمْشِي تَسْأَلَهْ. وَ وَكِتْ نَسْمَعَوْا كَلَامْ اللّٰهْ إِلٰـهْنَا، دَا يَبْقَى لَيْنَا عَدِيلْ.»

حِزْقِيال 16:8

وَ بَعَدْ دَا، أَنَا فَايِتْ جَنْبِكِ بَتَّانْ وَ دَاهُو شِفْت إِنْتِ تَمَّيْتِ، أَيْوَى، تَمَّيْتِ لِلْأَخِيدَةْ. وَ أَنَا مَطَّيْت دَايِرْ خَلَقِي فَوْقكِ وَ غَطَّيْت عِرَيْكِ. وَ أَنَا حَلَفْت لَيْكِ وَ كَرَبْت رَاسْكِ وَ سَوَّيْت مَعَاكِ مُعَاهَدَةْ وَ قُلْت إِنْتِ هِنْتِي. وَ دَا كَلَامْ اللّٰهْ الرَّبّ.

مَلاخِـي 2:10

أَنِحْنَ كُلِّنَا، أَبُونَا مَا وَاحِدْ وَلَّا؟ وَ إِلٰـهْ وَاحِدْ بَسْ مَا خَلَقَانَا وَلَّا؟ وَ مَالَا الْوَاحِدْ يُخُونْ الْآخَرْ وَ مَا نِحْتَرُمُوا مُعَاهَدَةْ اللّٰهْ مَعَ أَبَّهَاتْنَا؟

2 أخبار 15:14

وَ هُمَّنْ سَوَّوْا الْمُعَاهَدَةْ دِي بِحَلِيفَةْ. حَلَفَوْا بِاللّٰهْ بِزَغْرَاطْ وَ حِسّ الْبُرُنْجِي وَ ضَرِبِينْ الْبُوقْ.