خُروج 24:11 - الكتاب المقدس بالعربي الدارجي هنا تشاد

¹¹ وَ لَاكِنْ الرَّبّ مَا مَدَّ إِيدَهْ لِيَهْلِكْ كُبَارَاتْ بَنِي إِسْرَائِيلْ. هُمَّنْ شَافَوْا الرَّبّ وَ بَعَدْ دَا، أَكَلَوْا وَ شِرْبَوْا قِدَّامَهْ.

خُروج 24:11 Referenca të Kryqëzuara

خُروج 18:12

خَلَاصْ، يَسْرُونْ نَسِيبْ مُوسَى قَدَّمْ ضَحِيَّةْ مُحَرَّقَةْ وَ ضَحَايَا آخَرِينْ لِلرَّبّ. وَ هَارُونْ وَ كُلَّ شُيُوخْ بَنِي إِسْرَائِيلْ جَوْا لِيَاكُلُوا مَعَ نَسِيبْ مُوسَى قِدَّامْ الرَّبّ.

خُروج 19:21

وَ اللّٰهْ قَالْ لِمُوسَى: «أَنْزِلْ وَ حَذِّرْ الشَّعَبْ أَشَانْ مَا يُفُوتُوا الْحُدُودْ لِيَجُوا يِشِيفُونِي. كَنْ هُمَّنْ فَاتَوْا الْحُدُودْ، كَتِيرْ مِنْهُمْ يُمُوتُوا.

تكوين 31:54

وَ خَلَاصْ، دَبَحْ ضَحِيَّةْ لِلرَّبّ فِي رَاسْ الْجَبَلْ. وَ عَزَمْ أَخْوَانَهْ لِلْعَشَاءْ وَ هُمَّنْ أَكَلَوْا سَوَا وَ نَامَوْا فِي رَاسْ الْجَبَلْ.

تكوين 16:13

وَ هَاجَرْ قَالَتْ فِي نَفِسْهَا: «عَجَبْ! صَحِيحْ كَيْ! أَنَا شِفْت اللّٰهْ الْقَاعِدْ يِشِيفْنِي وَ لِسَّاعْنِي قَاعِدَةْ حَيَّةْ وَلَّا؟» وَ هِي سَمَّتْ اللّٰهْ الْحَجَّى لَيْهَا بِالْأُسُمْ إِنْتَ الْإِلٰـهْ الْقَاعِدْ تِشِيفْنِي.

إرْمِيا 14:3

وَ الْكُبَارَاتْ يِرَسُّلُوا خَدَّامِينْهُمْ لِيِجِيبُوا أَلْمِي وَ لَاكِنْ وَكِتْ يَجُوا لِلْخَزَّانْ، مَا يَلْقَوْا شَيّءْ. وَ هُمَّنْ يِقَبُّلُوا مَوَاعِينْهُمْ يَابْسِينْ وَ عَشَمْهُمْ يِنْقَطِعْ وَ يَبْقَى لَيْهُمْ قَاسِي وَ يِدَنْقُرُوا رُوسَيْهُمْ.

جامِعة 9:7

وَ بَيْدَا، آكُلْ وَ أَشْرَبْ خَمَرَكْ بِفَرَحْ. أَشَانْ دَا بَسْ الْعَمَلْ الْيَرْضَى بَيَّهْ الرَّبّ.

نَحَمْيا 2:16

وَ كُبَارَاتْ الشَّعَبْ مَا عِرْفَوْا أَنَا مَشَيْت وَيْن وَ سَوَّيْت شُنُو أَشَانْ فِي الْوَكِتْ دَا، لِسَّاعْ مَا أَوْرَيْت شَيّءْ لِلْيَهُودْ وَ لَا لِرُجَالْ الدِّينْ وَ لَا لِكُبَارَاتْ الشَّعَبْ وَ لَا لِلْمَسْؤُولِينْ وَ لَا لِلنَّاسْ الْيَخْدُمُوا.

2 أخبار 23:20

وَ يَهُويَدَعْ لَمَّ قُيَّادْ الْمِيَاتْ وَ الْكُبَارَاتْ وَ مَسَائِيلْ الشَّعَبْ وَ كُلَّ شَعَبْ الْبَلَدْ وَ مَرَقْ الْمَلِكْ مِنْ بَيْت اللّٰهْ. وَ وَدَّوْه لِقَصِرْ الْمَلِكْ بِبَابْ الْفَوْقَانِي. وَ بَعَدْ دَا، قَعَّدَوْه لِيُوَاشْ فِي كُرْسِي الْمُلُكْ.

1 مُلوك 21:8

وَ هِي قَمَّتْ كَتَبَتْ جَوَابَاتْ بِأُسُمْ أَخَابْ وَ خَتَمَتْهُمْ بِخِتْمَهْ. وَ رَسَّلَتْ الْجَوَابَاتْ دَوْل لِلْكُبَارَاتْ وَ الشُّيُوخْ السَّاكْنِينْ مَعَ نَابُوتْ فِي حِلِّتَهْ.

قُضياء 13:22

وَ مَنُوحْ قَالْ لِمَرْتَهْ: «أَكِيدْ أَنِحْنَ نُمُوتُوا أَشَانْ شِفْنَا الرَّبّ!»

قُضياء 5:13

«خَلَاصْ الْفَضَّلَوْا حَيِّينْ نَزَلَوْا عَلَيْ الْكُبَارَاتْ وَ شَعَبْ اللّٰهْ قَمَّوْا فِي شَانِي مِثِلْ الْفُرَّاسْ.

تَثْنِية 12:7

وَ فِي الْبَكَانْ دَا، تَاكُلُوا قِدَّامْ اللّٰهْ إِلٰـهْكُو. إِنْتُو وَ عَايِلَاتْكُو تَفْرَحَوْا بِكُلَّ شَيّءْ السَّوَّيْتُوهْ وَ بَيَّهْ اللّٰهْ إِلٰـهْكُو بَارَكَاكُو.

تَثْنِية 4:33

وَ هَلْ فِي نَاسْ مِثِلْكُو إِنْتُو السِّمْعَوْا حِسّ الرَّبّ حَجَّى لَيْهُمْ مِنْ أُسْط النَّارْ وَ قَعَدَوْا حَيِّينْ وَلَّا؟

عَدد 21:18

وَ الْبِيرْ دِي حَفَرَوْهَا الْكُبَارَاتْ وَ قَدَّوْهَا الْحُكَّامْ بِعِصَيْ مُلُكْهُمْ وَ عِصَيْ خَيْزَرَانْهُمْ.» وَ مِنْ الصَّحَرَاء، سَارَوْا لَحَدِّي مَطَّانَا

خُروج 24:1

وَ بَعَدْ دَا، اللّٰهْ قَالْ لِمُوسَى: «أَطْلَعَوْا لَيِّ فِي الْجَبَلْ، إِنْتَ وَ هَارُونْ وَ أَوْلَادَهْ نَدَابْ وَ أَبِيهُو وَ 70 شُيُوخْ مِنْ بَنِي إِسْرَائِيلْ. وَ أَسْجُدُوا مِنْ بَعِيدْ.

تكوين 18:18

أَكِيدْ، إِبْرَاهِيمْ يَبْقَى جِدّ هَنَا أُمَّةْ كَبِيرَةْ وَ شَدِيدَةْ وَ نِبَارِكْ كُلَّ أُمَمْ الْأَرْض بِسَبَبْ إِبْرَاهِيمْ.

عَدد 12:8

وَ نِكَلِّمْ مَعَايَهْ خَشُمْ بِخَشُمْ بِكَلَامْ وَاضِحْ مَا مُلَبَّدْ. وَ أَنَا نِبَيِّنْ نَفْسِي لَيَّهْ وَ هُو يِشِيفْنِي أَنَا اللّٰهْ. وَ بَيْدَا، مَالَا مَا خُفْتُوا وَ قَمَّيْتُوا ضِدّ مُوسَى عَبْدِي؟»

دَنْيال 10:17

يَا سَيِّدِي، كِكَّيْف أَنَا عَبْدَكْ نَقْدَرْ نِكَلِّمْ لَيْك كَنْ قُدُرْتِي مَا فِيهَا وَ مَا نَقْدَرْ نِنَفِّسْ عَدِيلْ؟»

زَبُور 139:5

وَرَايِ وَ قِدَّامِي، إِنْتَ مُحَوِّقْنِي وَ خَطَّيْت إِيدَكْ فَوْقِي.