خُروج 24:10 - الكتاب المقدس بالعربي الدارجي هنا تشاد

¹⁰ وَ شَافَوْا اللّٰهْ إِلٰـهْ بَنِي إِسْرَائِيلْ. وَ تِحْتَهْ شَيّءْ مِثِلْ أَرْض مِنْ الْيَاقُوتْ الْأَخْضَرْ وَ دَا شَفَّافْ مِثِلْ السَّمَاءْ.

خُروج 24:10 Referenca të Kryqëzuara

يُوحَنَّا 1:18

أَبَداً مَا فِي نَادُمْ شَافْ اللّٰهْ لَاكِنْ إِبْن اللّٰهْ الْوَاحِدْ الْقَاعِدْ جَنْب أَبُوهْ، هُو بَسْ الْبَيَّنْ اللّٰهْ لِلنَّاسْ.

حِزْقِيال 10:1

وَ دَاهُو أَنَا شِفْت الشَّيّءْ الْقَوِي الْمَفْرُوشْ الْقَاعِدْ مِنْ فَوْق لِرُوسَيْ الْمَخْلُوقِينْ السَّمَاوِيِّينْ. وَ شِفْت شَيّءْ يِشَابِهْ عَرْش مِنْ حَجَرْ هَنَا يَاقُوتْ أَخْضَرْ.

رُؤية 4:3

وَ الْقَاعِدْ فِي الْعَرْش دَا يِرَارِي مِثِلْ فَارُوسْ وَ عَقِيقْ أَحْمَرْ. وَ الْعَرْش مُحَوَّقْ بِشَيّءْ مِثِلْ حَجَّازْ الْمَطَرْ الْيِرَارِي مِثِلْ يَاقُوتْ أَخْضَرْ.

1 تِمُوتَاوُس 6:16

هُو وِحَيْدَهْ الْحَيّ إِلَى الْأَبَدْ وَ هُو سَاكِنْ فِي نُورْ عَظِيمْ وَ النَّاسْ مَا يَقْدَرَوْا يِقَرُّبُوا لَيَّهْ. أَبَداً مَا فِي نَادُمْ الشَّافَهْ وَ لَا يَقْدَرْ يِشِيفَهْ. وَاجِبْ لَيَّهْ كُلَّ الْإِكْرَامْ وَ الْمُلُكْ إِلَى الْأَبَدْ. آمِينْ.

خُروج 33:23

أَنَا نَرْفَعْ إِيدِي وَ تِشِيفْ عَظَمَتِي بِوَرَاءْ. أَشَانْ وِجْهِي، نَادُمْ مَا يَقْدَرْ يِشِيفَهْ.»

خُروج 33:20

وَ لَاكِنْ مَا تَقْدَرْ تِشِيفْ وِجْهِي أَشَانْ كَنْ إِنْسَانْ شَافْ وِجْهِي، بَتَّانْ مَا يِعِيشْ.»

تكوين 32:30

وَ يَعْقُوبْ سَمَّى الْبَكَانْ دَا فَنِيِيلْ (مَعَنَاتَهْ وِجِهْ الرَّبّ) أَشَانْ هُو قَالْ: «أَنَا شِفْت الرَّبّ وِجِهْ بِوِجِهْ وَ لَاكِنْ أَنَا نِجِيتْ مِنْ الْمَوْت!»

رُؤية 21:11

وَ هِي ضَاوِيَةْ بِنُورْ مَجِيدْ هَنَا اللّٰهْ. الْمَدِينَةْ تِرَارِي مِثِلْ حَجَرْ غَالِي وَ مِثِلْ فَارُوسْ وَ مِثِلْ قَزَّازْ صَافِي مَرَّةْ وَاحِدْ.

1 يُوحَنَّا 4:12

أَبَداً مَا فِي أَيِّ نَادُمْ الشَّافْ اللّٰهْ. لَاكِنْ كَنْ أَنِحْنَ قَاعِدِينْ نِرَّايَدَوْا أَمْبَيْنَاتْنَا، اللّٰهْ قَاعِدْ مَعَانَا وَ مَحَبِّتَهْ تَبْقَى كَامِلَةْ فَوْقنَا.

يُوحَنَّا 14:9

وَ عِيسَى قَالْ لَيَّهْ: «فِلِبُّسْ، أَنَا طَوَّلْت مَعَاكُو. كِكَّيْف مَا عِرِفْتِنِي؟ أَيِّ نَادُمْ الشَّافَانِي، هُو شَافْ أَبُويِ خَلَاصْ. كِكَّيْف تُقُولْ: ‹خَلِّينَا نِشِيفُوا أَبُوكْ؟›

مَتَّى 17:2

وَ عِيسَى أَلْغَيَّرْ قِدَّامْهُمْ. وِجْهَهْ نَوَّرْ مِثِلْ نُورْ الْحَرَّايْ وَ خَلَقَهْ بِقِي أَبْيَضْ كَرّ مِثِلْ النُّورْ.

رُؤية 1:16

وَ فِي إِيدَهْ الزَّيْنَةْ، هُو شَايِلْ سَبْعَةْ نُجُومْ. وَ سَيْف مُطَرَّقْ مِنْ جَايْ وَ جَايْ مَارِقْ مِنْ خَشْمَهْ. وَ وِجْهَهْ يِضَوِّي شَدِيدْ مِثِلْ حَرَّايِةْ الضُّهُرْ.

يُوحَنَّا 6:46

مَا فِي نَادُمْ شَافْ أَبُويِ اللّٰهْ. إِلَّا هُو الْجَايِ مِنْ اللّٰهْ، هُو وِحَيْدَهْ بَسْ الشَّافْ أَبُويِ.

نشيد 6:10

«هِي دِي يَاتِي التِّبِينْ مِثِلْ طَلُوعْ الْحَرَّايْ؟ هِي بَيْضَةْ مِثِلْ الْقَمَرْ وَ تِرَارِي مِثِلْ الْحَرَّايْ. هِي عَجِيبَةْ مِثِلْ دَيْش عَظِيمْ الْمَاشِي بِرَايْتَهْ!»

1 مُلوك 22:19

وَ خَلَاصْ، مِيكَا قَالْ لَيَّهْ: «هَسَّعْ دَا، أَسْمَعْ كَلَامْ اللّٰهْ! أَنَا شِفْت اللّٰهْ قَاعِدْ فِي عَرْشَهْ وَ كُلَّ قُوَّاتْ السَّمَاءْ وَاقْفِينْ جَنْبَهْ بِنُصَّهْ الزَّيْنَايْ وَ الْإِسْرَايْ.

خُروج 3:6

أَنَا رَبّ أَبُوكْ وَ رَبّ جُدُودَكْ إِبْرَاهِيمْ وَ إِسْحَاقْ وَ يَعْقُوبْ.» وَ خَلَاصْ، مُوسَى سَدَّ وِجْهَهْ أَشَانْ هُو خَايِفْ مَا يَقْدَرْ يِشِيفْ الرَّبّ.

خُروج 24:11

وَ لَاكِنْ الرَّبّ مَا مَدَّ إِيدَهْ لِيَهْلِكْ كُبَارَاتْ بَنِي إِسْرَائِيلْ. هُمَّنْ شَافَوْا الرَّبّ وَ بَعَدْ دَا، أَكَلَوْا وَ شِرْبَوْا قِدَّامَهْ.

عَدد 12:8

وَ نِكَلِّمْ مَعَايَهْ خَشُمْ بِخَشُمْ بِكَلَامْ وَاضِحْ مَا مُلَبَّدْ. وَ أَنَا نِبَيِّنْ نَفْسِي لَيَّهْ وَ هُو يِشِيفْنِي أَنَا اللّٰهْ. وَ بَيْدَا، مَالَا مَا خُفْتُوا وَ قَمَّيْتُوا ضِدّ مُوسَى عَبْدِي؟»

نشيد 5:14

وَ إِيدَيْنَهْ مِثِلْ عِصَيْ هَنَا دَهَبْ الْمُجَمَّلْ بِحَجَرْ غَالِي. وَ جِتِّتَهْ مِثِلْ لَوْح هَنَا عَاجْ الْمُجَمَّلْ بِيَاقُوتْ أَخْضَرْ.

مَراثِي إرْمِيا 4:7

أَوَّلْ كُبَارَاتْ أُمَّتِي صَافِيِّينْ زِيَادَةْ مِنْ الْبَرَدْ وَ أَجْسَامْهُمْ بُيُضْ كَرّ مِنْ اللَّبَنْ وَ سَمْحِينْ مِثِلْ الْمَرَجَانْ وَ عُرُوقْ جِسِمْهُمْ خُضُرْ مِثِلْ الْيَاقُوتْ.

حِزْقِيال 1:1

وَ فِي الْيَوْم الْخَامِسْ هَنَا الشَّهَرْ الرَّابِعْ فِي السَّنَةْ التَّلَاتِينْ مِنْ عُمْرِي، أَنَا حِزْقِيَالْ قَاعِدْ أَمْبَيْن النَّاسْ الْوَدَّوْهُمْ فِي الْغُرْبَةْ فِي بَلَدْ بَابِلْ جَنْب بَحَرْ خَابُورْ. وَ السَّمَاءْ أَنْفَتَحَتْ وَ أَنَا شِفْت رُؤْيَةْ مِنْ الرَّبّ.

دَنْيال 10:17

يَا سَيِّدِي، كِكَّيْف أَنَا عَبْدَكْ نَقْدَرْ نِكَلِّمْ لَيْك كَنْ قُدُرْتِي مَا فِيهَا وَ مَا نَقْدَرْ نِنَفِّسْ عَدِيلْ؟»

تكوين 32:31

وَ الْحَرَّايْ طَلَعَتْ لَيَّهْ وَكِتْ هُو فَاتْ مِنْ فَنُوِيلْ. وَ قَاعِدْ يَضْلَعْ أَشَانْ وِرْكَهْ مَرَقْ.

2 أخبار 6:17

وَ هَسَّعْ، يَا اللّٰهْ إِلٰـهْ بَنِي إِسْرَائِيلْ، خَلِّي كَلَامَكْ دَا يِلْحَقَّقْ مِثِلْ إِنْتَ قُلْتَهْ لِعَبْدَكْ دَاوُدْ.