خُروج 24:1 - الكتاب المقدس بالعربي الدارجي هنا تشاد

¹ وَ بَعَدْ دَا، اللّٰهْ قَالْ لِمُوسَى: «أَطْلَعَوْا لَيِّ فِي الْجَبَلْ، إِنْتَ وَ هَارُونْ وَ أَوْلَادَهْ نَدَابْ وَ أَبِيهُو وَ 70 شُيُوخْ مِنْ بَنِي إِسْرَائِيلْ. وَ أَسْجُدُوا مِنْ بَعِيدْ.

خُروج 24:1 Referenca të Kryqëzuara

عَدد 11:16

وَ اللّٰهْ رَدَّ لِمُوسَى وَ قَالْ: «جِيبْ لَيِّ 70 رَاجِلْ مِنْ شُيُوخْ بَنِي إِسْرَائِيلْ الْإِنْتَ تَعَرِفْهُمْ كَدَرْ هُمَّنْ شُيُوخْ وَ مُكَلَّفِينْ مِنْ بَنِي إِسْرَائِيلْ. شِيلْهُمْ وَ جِيبْهُمْ قِدَّامْ خَيْمَةْ الْإِجْتِمَاعْ وَ هِنَاكْ هُمَّنْ يَقِيفُوا مَعَاكْ.

خُروج 6:23

وَ هَارُونْ أَخَدْ أَلِشَبَعْ هِي أَخُتْ نَحْشُونْ وَ بِنَيَّةْ عَمِنَدَابْ. وَ هِي جَابَتْ لَيَّهْ نَدَابْ وَ أَبِيهُو وَ أَلِعَازَرْ وَ إِتَمَارْ.

خُروج 28:1

«‹شِيلْ مِنْ بَنِي إِسْرَائِيلْ أَخُوكْ هَارُونْ وَ أَوْلَادَهْ نَدَابْ وَ أَبِيهُو وَ أَلِعَازَرْ وَ إِتَمَارْ لِيَبْقَوْا لَيِّ رُجَالْ دِينْ.

خُروج 19:24

وَ اللّٰهْ رَدَّ لَيَّهْ وَ قَالْ: «أَنْزِلْ وَ بَتَّانْ أَطْلَعْ لَيِّ إِنْتَ وَ هَارُونْ. وَ لَاكِنْ رُجَالْ الدِّينْ وَ الشَّعَبْ، خَلِّي مَا يُفُوتُوا الْحُدُودْ وَ يِقَرُّبُوا لَيِّ وَ بَيْدَا، أَنَا مَا نَضْرُبْهُمْ.»

لُوقا 10:17

وَ التَّلَامِيذ السَّبْعِينْ وَ تِنَيْن الْعِيسَى رَسَّلَاهُمْ قَبَّلَوْا لَيَّهْ فَرْحَانِينْ بِلْحَيْن. وَ قَالَوْا: «يَا سَيِّدْنَا! الشَّوَاطِينْ ذَاتْهُمْ يَسْمَعَوْا كَلَامْنَا كَنْ أَمَرْنَاهُمْ بِأُسْمَكْ إِنْتَ.»

لُوقا 10:1

وَ بَعَدَيْن الرَّبّ عِيسَى عَزَلْ مِنْ تَلَامِيذَهْ سَبْعِينْ وَ تِنَيْن نَادُمْ وَ رَسَّلَاهُمْ إِتْنَيْن إِتْنَيْن قِدَّامَهْ فِي أَيِّ بَكَانْ الْهُو يِدَوْر يَمْشِي لَيَّهْ.

حِزْقِيال 8:11

وَ 70 رَاجِلْ مِنْ شُيُوخْ بَنِي إِسْرَائِيلْ الْفِي أُسُطْهُمْ يَزَنْيَا وِلَيْد شَافَانْ وَاقْفِينْ قِدَّامْ الْأَصْنَامْ الْمَرْسُومِينْ دَوْل. وَ أَيِّ وَاحِدْ عِنْدَهْ مُخْبَرْ فِي إِيدَهْ وَ رِيحَةْ الدُّخَّانْ قَاعِدَةْ تَطْلَعْ.

1 أخبار 6:3

وَ أَوْلَادْ عَمْرَامْ هُمَّنْ هَارُونْ وَ مُوسَى وَ مَرْيَمْ. وَ أَوْلَادْ هَارُونْ هُمَّنْ نَدَابْ وَ أَبِيهُو وَ أَلِعَازَرْ وَ إِتَمَارْ.

خُروج 34:2

وَ جَهِّزْ نَفْسَكْ. أَمْبَاكِرْ فَجُرْ، أَطْلَعْ فِي جَبَلْ سِينَاء وَ تَعَالْ لَيِّ فِي رَاسْ الْجَبَلْ.

خُروج 24:15

وَ خَلَاصْ، مُوسَى طَلَعْ الْجَبَلْ وَ السَّحَابَايْ سَدَّتْ الْجَبَلْ مَرَّةْ وَاحِدْ.

خُروج 24:9

مُوسَى وَ هَارُونْ وَ أَوْلَادَهْ نَدَابْ وَ أَبِيهُو وَ 70 شُيُوخْ مِنْ بَنِي إِسْرَائِيلْ طَلَعَوْا الْجَبَلْ.

خُروج 20:21

وَ الشَّعَبْ وَقَفَوْا بَعِيدْ وَ لَاكِنْ مُوسَى قَرَّبْ وَ دَخَلْ فِي الضَّلَامْ الْبَكَانْ الْقَاعِدْ فَوْقَهْ الرَّبّ.

خُروج 19:20

وَ اللّٰهْ نَزَلْ فِي رَاسْ جَبَلْ سِينَاء وَ نَادَى مُوسَى لِيَرْكَبْ فِي رَاسْ الْجَبَلْ. وَ مُوسَى رِكِبْ.

خُروج 19:9

وَ اللّٰهْ قَالْ لِمُوسَى: «دَاهُو أَنَا نِقَابِلَكْ فِي سَحَابَايْ مُضَلِّمَةْ أَشَانْ كُلَّ الشَّعَبْ يَسْمَعَوْنِي وَكِتْ أَنَا نِكَلِّمْ مَعَاكْ. وَ بِمِثِلْ دَا، هُمَّنْ يِآمُنُوا بَيْك دَايْماً.» وَ فِي الْوَكِتْ دَا، مُوسَى حَجَّى كَلَامْ الشَّعَبْ لِلّٰهْ.

خُروج 3:5

وَ هُو قَالْ لَيَّهْ: «مَا تَجِي قَرِيبْ. سِلّ نِعْلَيْك مِنْ رِجِلَيْنَكْ أَشَانْ الْبَكَانْ الْإِنْتَ وَاقِفْ فَوْقَهْ دَا أَرْض مُقَدَّسَةْ.

خُروج 1:5

وَ ذُرِّيَّةْ يَعْقُوبْ، كُلُّهُمْ عَدَدْهُمْ 70. وَ فِي الْوَكِتْ دَاكْ، وِلَيْدَهْ يُوسُفْ كَمَانْ قَاعِدْ فِي مَصِرْ خَلَاصْ.

خُروج 24:2

وَ خَلِّي إِنْتَ مُوسَى وِحَيْدَكْ بَسْ تَجِي لَيِّ أَنَا اللّٰهْ. وَ كَنْ لِلْآخَرِينْ كَمَانْ، مَا يَجُوا قَرِيبْ. وَ خَلِّي الشَّعَبْ مَا يَطْلَعَوْا مَعَاكْ.»

تَثْنِية 1:15

وَ أَنَا شِلْت نَاسْ وَ خَطَّيْتهُمْ كُبَارَاتْ فِي قَبَايِلْكُو وَ النَّاسْ دَوْل هُمَّنْ رُجَالْ الْعِنْدُهُمْ حِكْمَةْ وَ مَعْرُوفِينْ. وَ أَنَا خَطَّيْتهُمْ كُبَارَاتْ فِي عَشَرَاتْ وَ خَمْسِينَاتْ وَ مِيَاتْ وَ آلَافْ وَ خَطَّيْتهُمْ مِثِلْ مُرَاقِبِينْ فِي قَبَايِلْكُو.