خُروج 23:8 - الكتاب المقدس بالعربي الدارجي هنا تشاد

⁸ مَا تَقْبَلْ رَشْوَةْ أَشَانْ هِي تَعَمِي عُيُونْ الْمَسَائِيلْ وَ تِعَوِّجْ كَلَامْ الصَّالِحِينْ.

خُروج 23:8 Referenca të Kryqëzuara

تَثْنِية 16:19

وَ أَبَداً مَا تِدَنْقُسُوا الشَّرِيعَةْ وَ مَا تِشِيفُوا نَادُمْ أَحْسَنْ مِنْ نَادُمْ وَ مَا تَقْبَلْ رَشْوَةْ أَشَانْ هِي تَعَمِي عُيُونْ الْحَكِيمْ وَ تِعَوِّجْ كَلَامْ الصَّالِحِينْ.

إشَعْيا 5:23

هُمَّنْ يِبَرُّوا الْخَاطِي فِي شَانْ الرَّشْوَةْ وَ مَا يَنْطُوا حَقّ لِلصَّالِحْ فِي الشَّرِيعَةْ.

أمْثال 17:23

الْعَاصِي يِشِيلْ الرَّشْوَةْ بِسِرّ أَشَانْ يِعَوِّجْ دُرُوبْ الشَّرِيعَةْ.

أمْثال 15:27

الْيَجْرِي وَرَاءْ الْمَالْ الْحَرَامْ يِبَرْجِلْ بَيْتَهْ لَاكِنْ الْيَكْرَهْ الرَّشْوَةْ يُطُولْ عُمْرَهْ.

1 صَمُوِيل 8:3

لَاكِنْ الْأَوْلَادْ دَوْل مَا تَابَعَوْا دَرِبْ أَبُوهُمْ. دَوَّرَوْا مَصْلَحَةْ نَفِسْهُمْ وَ يَقْبَلَوْا الرَّشْوَةْ وَ يِدَنْقُسُوا الشَّرِيعَةْ.

جامِعة 7:7

أَشَانْ الظُّلُمْ يِسَوِّي الْحَكِيمْ مَطْمُوسْ وَ الرَّشْوَةْ تِوَدِّرْ عَقْلَهْ.

أمْثال 17:8

الرَّشْوَةْ مِثِلْ سِحِرْ فِي فِكِرْ النَّادُمْ الْيَنْطِيهَا. فِي أَيِّ بَكَانْ يِوَجِّهْ، يَنْجَحْ.

زَبُور 26:10

هُمَّنْ الْفِي إِيدَيْهُمْ الْفَسَالَةْ وَ إِيدْهُمْ الزَّيْنَةْ مَلَانَةْ بِالرَّشْوَةْ.

1 صَمُوِيل 12:3

وَ دَاهُو أَنَا وَاقِفْ قِدَّامْكُو. أَوْرُدُوا فَوْقِي شَهَادَةْ قِدَّامْ اللّٰهْ وَ قِدَّامْ الْمَلِكْ الْهُو مَسَحَهْ وَ دَرَّجَهْ. كَنْ أَنَا شِلْت تَوْر أَوْ حُمَارْ مِنْ نَادُمْ أَوْ ظَلَمْت نَادُمْ أَوْ سَوَّيْت فَسِلْ لِنَادُمْ، أَوْرُونِي! كَنْ شِلْت رَشْوَةْ مِنْ نَادُمْ أَشَانْ نَخْجَلْ مِنَّهْ وَ مَا نِأَوْرِيهْ الصَّحِيحْ، أَوْرُونِي! أَوْرُونِي أَشَانْ أَنَا نِكَفِّيكُو الشَّيّءْ الظَّلَمْتُكُو بَيَّهْ.»

تَثْنِية 10:17

أَشَانْ اللّٰهْ إِلٰـهْكُو، هُو إِلٰـهْ الْإِلٰـهَاتْ وَ رَبّ الْأَرْبَابْ. وَ هُو الْإِلٰـهْ الْعَظِيمْ وَ الْقَادِرْ وَ الْمُخِيفْ. وَ هُو عَادِلْ وَ مَا يَرْضَى بِالرَّشْوَةْ.

مِيخا 7:3

وَ إِيدَيْهُمْ نَشِيطِينْ لِيِسَوُّوا الْفَسَالَةْ. الْمَسْؤُولْ يَطْلُبْ هَدِيَّةْ وَ الْقَاضِي يِشِيلْ الرَّشْوَةْ. وَ الْقَادِرْ يُقُولْ أَيِّ شَيّءْ الْهُو يِدَوْرَهْ وَ كُلُّهُمْ مُلْآمِرِينْ سَوَا.

عَمُوس 5:12

أَنَا عَالِمْ بِكُلَّ خَطَايَاكُو وَ ذُنُوبْكُو الْكَتِيرِينْ. تَظُلْمُوا الصَّالِحْ وَ تِشِيلُوا الرَّشْوَةْ وَ تَدْحَرَوْا الْفَقْرِي مِنْ حَقَّهْ فِي الشَّرِيعَةْ.

حِزْقِيال 22:12

وَ فِي لُبِّكِ، يِشِيلُوا أُجْرَةْ لِيَكْتُلُوا دِمَّةْ وَ يِشِيلُوا الرِّبَا وَ الْفَايْدَةْ وَ يِضَايُقُوا النَّاسْ وَ أَنَا كَمَانْ، نِسَوْنِي. وَ دَا كَلَامْ اللّٰهْ الرَّبّ.

أمْثال 19:4

الْغُنَى يِكَتِّرْ رُفْقَانَكْ وَ لَاكِنْ الْفَقْرِي، رَفِيقَهْ كُلَ يَابَاهْ.

هُوشَع 4:18

وَكِتْ سَكَرْهُمْ كَمَّلْ، يُقُمُّوا يِشَّرْمَطَوْا وَ كُبَارَاتْهُمْ يِحِبُّوا الْإِهَانَةْ.

إشَعْيا 1:13

وَقُّفُوا مَا تِجِيبُوا لَيِّ بَتَّانْ ضَحَايَاكُو الْمَكْرُوهِينْ وَ بَخُورْكُو دَا مُحَرَّمْ لَيِّ! وَقُّفُوا ضَحَايَاكُو هَنَا أَوَّلْ يَوْم فِي كُلِّ شَهَرْ وَ هَنَا كُلِّ يَوْم سَبْت وَ مَلَمَّاتْكُو أَشَانْ أَنَا مَا نَقْبَلْ الْفَسَالَةْ فِي مَلَمَّاتْكُو الْخَاصِّينْ.

زَبُور 15:5

قُرْسَهْ بِرِبَا مَا يِدَيِّنَهْ وَ مَا يِشِيلْ رَشْوَةْ وَ لَا يَظْلُمْ الْبَرِي فِي الشَّرِيعَةْ. النَّادُمْ الْيِسَوِّي مِثِلْ دَا يِعِيشْ دَايْماً بِأَمَانْ.

إشَعْيا 1:23

مَسَائِيلْكِ بِقَوْا حَرَامِيِّينْ وَ مُنْرَبِطِينْ مَعَ السَّرَارِيقْ. وَ يِحِبُّوا الرَّشْوَةْ وَ يَجْرُوا وَرَاءْ الْفَايْدَةْ. هُمَّنْ مَا يِدَافُعُوا لِحُقُوقْ الْأَتِيمْ وَ مَا لَمَّاهُمْ بِشَكْوَةْ الْأَرْمَلَةْ.

إشَعْيا 5:22

الْعَذَابْ لِلْيَعَرْفُوا شَرَابْ الْخَمَرْ أَيْوَى، الْعِنْدُهُمْ خِبْرَةْ فِي خَلْبِطِينْ الْمَرِيسَةْ!

إشَعْيا 33:15

إِلَّا النَّادُمْ الْيُرُوغْ فِي الْعَدَالَةْ وَ يِكَلِّمْ بِالْحَقّ وَ يَابَى مَالْ الظُّلُمْ. وَ يِحِتّ إِيدَيْنَهْ وَ يَابَى الرَّشْوَةْ وَ يِسِدّ أَدَانَهْ مِنْ كَلَامْ دَفِّقِينْ الدَّمّ وَ يِسِدّ عُيُونَهْ أَشَانْ مَا يِشِيفْ الْفَسَالَةْ.