خُروج 23:1 - الكتاب المقدس بالعربي الدارجي هنا تشاد

¹ «مَا تَنْقُلْ الْقُوَالَةْ بَيْن النَّاسْ. مَا تَشْهَدْ بِكِدِبْ أَشَانْ تَنْصُرْ الْخَاطِي.

خُروج 23:1 Referenca të Kryqëzuara

زَبُور 101:5

الْيِعَيِّرْ جَارَهْ بِعَشِيرْ، أَنَا نِسَكِّتَهْ. وَ الْيِشِيفْ بِحُقْرَةْ وَ قَلْبَهْ مُتَكَبِّرْ، أَنَا مَا نَحْمَلَهْ.

أمْثال 19:5

الْيَشْهَدْ بِكِدِبْ، مَا يَجْعَلَوْه بَرِي وَ الْكَدَّابْ كُلَ مَا يَنْجَى.

خُروج 20:16

«مَا تَشْهَدْ بِكِدِبْ فِي أَيِّ وَاحِدْ مِنْ جِيرَانَكْ.

زَبُور 35:11

شُهُودْ الزُّورْ قَمَّوْا يَتْهَمَوْنِي بِشَيّءْ الْأَنَا مَا نَعَرْفَهْ.

تَثْنِية 5:20

«مَا تَشْهَدْ بِكِدِبْ فِي أَيِّ وَاحِدْ مِنْ جِيرَانَكْ.

لاوِيِّين 19:16

مَا تَنْقُلُوا الْكَلَامْ أَمْبَيْنَاتْ شَعَبْكُو. بِكِدِبْ، مَا تَتْهَمَوْا جِيرَانْكُو بِجَرِيمَةْ التِّدَفِّقْ دَمَّهْ. وَ أَنَا بَسْ اللّٰهْ.

رُؤية 12:10

وَ أَنَا سِمِعْت حِسّ شَدِيدْ كَلَّمْ فِي السَّمَاءْ وَ قَالْ: «النَّجَاةْ الْاللّٰهْ جَهَّزَاهَا جَاتْ. وَ هَسَّعْ هُو وَصَّفْ قُدُرْتَهْ خَلَاصْ. مَمْلَكَةْ رَبِّنَا اللّٰهْ جَاتْ وَ الْمَسِيحْ الْاللّٰهْ خَطَّاهْ فَوْقهَا بَدَا يَحْكِمْ بِقُدْرَةْ. أَكِيدْ، رَمَوْه إِبْلِيسْ التَّاهِمْ أَخْوَانَّا الْمُؤمِنِينْ. أَوَّلْ هُو قَاعِدْ يَتْهَمْهُمْ قِدَّامْ اللّٰهْ لَيْل وَ نَهَارْ وَ خَلَاصْ هُو رَمَوْه.

رَوْمَا 3:8

وَ خَلَاصْ، مَالَا مَا نُقُولُوا: «خَلِّي نِسَوُّوا شَيّءْ فَسِلْ أَشَانْ شَيّءْ سَمَحْ يَجِي مِنَّهْ؟» وَ دَا بَسْ الْكَلَامْ النَّاسْ وَاحِدِينْ يُقُولُوا بِكِدِبْ هُو تَعْلِيمْنَا. الْعَذَابْ الْيَجِي فَوْقهُمْ وَاجِبْ لَيْهُمْ!

أمْثال 19:9

الْيَشْهَدْ بِكِدِبْ، مَا يَجْعَلَوْه بَرِي وَ الْكَدَّابْ كُلَ يِدَّمَّرْ.

1 بُطْرُس 3:16

لَاكِنْ حَجُّوا لَيَّهْ بِنَفَسْ بَارِدْ وَ إِحْتِرَامْ. سَوُّوا كُلَّ شَيّءْ بِنِيَّةْ مُخْلِصَةْ. وَ بَيْدَا، الْعَيْب يِسَوِّيهُمْ لِلنَّاسْ الْيَتْهَمَوْكُو وَ يِعَيُّرُوكُو فِي شَانْ الْخَيْر التِّسَوُّوهْ فِي دَرِبْ الْمَسِيحْ.

2 تِمُوتَاوُس 3:3

وَ مَا عِنْدُهُمْ مَحَنَّةْ وَ يَابَوْا مَا يِسَامُحُوا. وَ يَبْقَوْا قَطَّاعِينْ وَ مَا قَادْرِينْ يِثَبُّتُوا نُفُوسْهُمْ وَ يَبْقَوْا كَشْرَانِينْ وَ يَكْرَهَوْا الْخَيْر.

أفَسُس 4:25

وَ أَشَانْ دَا، أَبَداً مَا تَكْدُبُوا. كَلُّمُوا أَمْبَيْنَاتْكُو بِالصَّحِيحْ أَشَانْ أَنِحْنَ كُلِّنَا وَاحِدْ.

أمْثال 24:28

مَا تَشْهَدْ بِكِدِبْ فِي أَيِّ نَادُمْ وَ مَا تُغُشّ بِكَلَامَكْ.

أمْثال 21:28

الْيَشْهَدْ بِكِدِبْ يِدَّمَّرْ وَ لَاكِنْ الْيَسْمَعْ، دَايْماً عِنْدَهْ حَقّ يِكَلِّمْ.

أمْثال 10:18

الْيِلَبِّدْ كَرَاهِيّتَهْ كَدَّابْ وَ الْيَقْطَعْ النَّاسْ مَطْمُوسْ.

أمْثال 6:19

وَ النَّادُمْ الْيَشْهَدْ بِالْكِدِبْ الْهَوَانْ وَ الْيِقَوِّمْ الْفِتْنَةْ أَمْبَيْنَاتْ الْأَخْوَانْ.

زَبُور 15:3

هُو مَا يِعَيِّرْ النَّاسْ وَ لَا يَخْطَا فِي جِيرَانَهْ وَ لَا يِعَيِّبْ أَهَلَهْ.

لاوِيِّين 19:11

«مَا تَسُرْقُوا. وَ مَا تَكْدُبُوا لِأَخُوكُو وَ لَا تُغُشُّوهْ.

لُوقا 19:8

وَ زَكَّا قَمَّ فَوْق وَ قَالْ لِلرَّبّ عِيسَى: «يَا سَيِّدْنَا، نَنْطِي نُصّ مَالِي لِلْمَسَاكِينْ. وَ كَنْ شِلْت شَيّءْ مِنْ أَيِّ نَادُمْ بِظُلُمْ، نِقَبِّلَهْ لَيَّهْ أَرْبَعَةْ مَرَّاتْ.»

لُوقا 3:14

وَ عَسْكَرْ وَاحِدِينْ كُلَ سَأَلَوْه وَ قَالَوْا: «وَ أَنِحْنَ، وَاجِبْ نِسَوُّوا شُنُو؟» وَ رَدَّ لَيْهُمْ وَ قَالْ: «مَا تِشِيلُوا قُرُسْ مِنْ نَاسْ بِقُوءْ وَ لَا بِتُهْمَةْ بَاطْلَةْ. وَ أَبْقَوْا رَضْيَانِينْ بِقُرُسْ شَهَرْكُو.»

مَتَّى 19:18

وَ الصَّبِي سَأَلَهْ وَ قَالْ: «وَيْن هُمَّنْ؟» وَ عِيسَى رَدَّ لَيَّهْ وَ قَالْ: «<مَا تَكْتُلْ دِمَّةْ وَ مَا تَزْنَى وَ مَا تَسْرِقْ وَ مَا تَشْهَدْ بِكِدِبْ.

إرْمِيا 20:10

أَنَا سِمِعْت مُعْيَارْ مِنْ نَاسْ كَتِيرِينْ الْيِنَادُونِي بِأُسُمْ الْمُخِيفْ فِي كُلَّ بَكَانْ. وَ بُقُولُوا: «بَيُّنُوهْ! أَيْوَى، بَيُّنُوهْ!» وَ كُلَّ رُفْقَانِي قَاعِدِينْ يَرْجَوْا وَقَعَانِي. وَ بُقُولُوا: «مُمْكِنْ بَلَا رَايْه، أَنِحْنَ نَغَلْبُوهْ وَ نِشِيلُوا فَوْقَهْ التَّارْ.»

أمْثال 25:23

الزَّقَّايْ التَّجِي مِنْ الْوَطِي تِجِيبْ الْمَطَرْ وَ اللِّسَانْ الْيَكْشِفْ السِّرّ يِجِيبْ الْخَطَرْ.

أمْثال 25:18

الْيَشْهَدْ بِكِدِبْ فِي أَخُوهْ هُو مِثِلْ سَفَرَوْق أَوْ سَيْف أَوْ نُشَّابْ طَرِينْ.

أمْثال 19:28

الشَّاهِدْ الْمَا نَافِعْ يِشَّمَّتْ فِي الشَّرِيعَةْ وَ لِسَانْ الْعَاصِي عِنْدَهْ إِلَّا الظُّلُمْ.

أمْثال 17:4

النَّادُمْ الْفَسِلْ يُخُطّ بَالَهْ لِلْكَلَامْ الشَّيْن وَ الْكَدَّابْ يَسْمَعْ الْكَلَامْ الْيَخْرِبْ.

أمْثال 12:17

الْيُقُولْ الصَّحِيحْ، يِثَبِّتْ الْعَدَالَةْ وَ لَاكِنْ الْيَشْهَدْ بِكِدِبْ، يِثَبِّتْ الْفَسَالَةْ.

زَبُور 120:3

مَا تَعَرْفُوا الْيِسَوِّيهْ لَيْكُو اللّٰهْ وَلَّا؟ مَا يِعَذِّبْكُو إِنْتُو التَّحَلْفُوا بِكِدِبْ وَلَّا؟

زَبُور 27:12

مَا تِسَلِّمْنِي لِخُصْمَانِي أَشَانْ شَهَدَوْا فَوْقِي بِكِدِبْ وَ حَجَّوْا بِعُنُفْ.

2 صَمُوِيل 19:27

وَ خَدَّامِي كَدَبْ فَوْقِي أَنَا عَبْدَكْ قِدَّامَكْ إِنْتَ سِيدِي الْمَلِكْ. وَ سِيدِي الْمَلِكْ، هُو مِثِلْ مَلَكْ اللّٰهْ وَ بَيْدَا، سَوِّي كُلَّ شَيّءْ التِّدَوْرَهْ.

2 صَمُوِيل 16:3

وَ الْمَلِكْ قَالْ لَيَّهْ: «وَيْن وِلَيْد سِيدَكْ؟» وَ صِيبَا قَالْ لَيَّهْ: «هُو قَاعِدْ فِي أُورُشَلِيمْ وَ قَالْ: ‹الْيَوْم بَنِي إِسْرَائِيلْ يِقَبُّلُوا لَيِّ مُلُكْ أَبُويِ شَاوُولْ.›»

خُروج 23:7

مَا تَتْهَمْ إِنْسَانْ بِكِدِبْ. وَ مَا تَحْكِمْ بِالْمَوْت لِلْإِنْسَانْ الْبَرِي أَوْ الصَّالِحْ. النَّادُمْ الْفَسِلْ السَّوَّى مِثِلْ دَا، أَنَا اللّٰهْ مَا نَجْعَلَهْ صَالِحْ.

يُوحَنَّا 7:51

«شَرِيعِتْنَا مَا تِخَلِّينَا نَحْكُمُوا لِنَادُمْ قُبَّالْ مَا نَسْمَعَوْه وَ نِأَكُّدُوا مِنْ الشَّيّءْ الْهُو سَوَّاهْ.»

تكوين 39:17

مِنْ هُو جَاءْ، هِي قَمَّتْ أَوْرَتَهْ نَفْس الْكَلَامْ الْأَوْرَتَهْ لِلْخَدَّامِينْ وَ قَالَتْ: «هَا! دَاهُو عَبْدَكْ الْعِبْرَانِي الْجِبْتَهْ لَيْنَا دَا، جَاءْ لَيِّ لِيَلْعَبْ مَعَايِ!

أمْثال 14:5

الشَّاهِدْ الْأَمِينْ مَا يَكْدِبْ وَ لَاكِنْ شَاهِدْ الزُّورْ، كَلَامَهْ كُلَ كِدِبْ.