خُروج 22:3 - الكتاب المقدس بالعربي الدارجي هنا تشاد

³ إِلَّا كَنْ السِّرْقَةْ وَ الْكَتِلْ كَانَوْا بَعَدْ طَلُوعْ الْحَرَّايْ، دَا يِنْحَسِبْ جَرِيمَةْ كَتِلْ. وَ أَيِّ سَرَّاقْ كَنْ كَرَبَوْه، يِكَفِّي حُكُمْ لِلنَّادُمْ الْهُو سَرَقْ مِنَّهْ. وَ كَنْ مَا عِنْدَهْ شَيّءْ يِكَفِّي بَيَّهْ، يِبِيعُوهْ.

خُروج 22:3 Referenca të Kryqëzuara

خُروج 21:2

كَنْ شَرَيْتُوا عَبِدْ عِبْرَانِي، خَلِّي يَخْدِمْ لَيْكُو سِتَّةْ سَنَةْ وَ فِي السَّنَةْ السَّابْعَةْ، يُكُونْ حُرّ وَ دَا بَلَا مَا يِكَفِّي لَيْكُو شَيّءْ.

مَتَّى 18:25

وَ الْخَدَّامْ مَا عِنْدَهْ شَيّءْ الْيِكَفِّي بَيَّهْ الدَّيْن الْفَوْقَهْ. وَ سِيدَهْ الْمَلِكْ قَالْ وَاجِبْ يِبِيعُوا الْخَدَّامْ مَعَ مَرْتَهْ وَ عِيَالَهْ وَ كُلَّ شَيّءْ الْعِنْدَهْ فِي سُوقْ الْعَبِيدْ أَشَانْ يِكَفِّي دَيْنَهْ.

إشَعْيا 50:1

وَ دَاهُو اللّٰهْ قَالْ: «صَحِيحْ أَنَا طَرَدْت أَمُّكُو. وَيْن مَكْتُوبْ الطَّلَاقْ؟ وَ لِيَاتُو أَنَا بِعْتُكُو لِنِكَفِّي دَيْنِي؟ أَعَرْفُوا! بِسَبَبْ خَطَاكُو بَسْ، بَاعَوْكُو وَ بِسَبَبْ عِصْيَانْكُو، طَلَّقَوْا أَمُّكُو.

قُضياء 10:7

وَ اللّٰهْ غِضِبْ غَضَبْ شَدِيدْ ضِدّ بَنِي إِسْرَائِيلْ وَ سَلَّمَاهُمْ لِلْفِلِسْطِيِّينْ وَ بَنِي عَمُّونْ.

قُضياء 2:14

وَ غَضَبْ اللّٰهْ نَزَلْ فِي بَنِي إِسْرَائِيلْ وَ هُو سَلَّمَاهُمْ لِلنَّهَّابِينْ وَ نَهَبَوْهُمْ. هُو سَلَّمَاهُمْ لِعُدْوَانْهُمْ الْمُجَاوِرِينْهُمْ وَ مَا قِدْرَوْا يَقِيفُوا قِدَّامْهُمْ.

خُروج 22:2

وَ كَنْ بِلَيْل سَرَّاقْ جَاءْ يَسْرِقْ وَ نَادُمْ ضَرَبَهْ وَ كَتَلَهْ، دَا مَا يِنْحَسِبْ جَرِيمَةْ كَتِلْ.

تكوين 44:10

وَ الْمَسْؤُولْ قَالْ: «تَمَامْ. لَاكِنْ هُو اللِّقِينَا الْكَاسْ فِي خُمَامَهْ دَا، هُو بَسْ يَبْقَى عَبْدِي وَ إِنْتُو الْآخَرِينْ كَمَانْ تَبْقَوْا بَرِيِّينْ.»

خُروج 21:34

سِيدْ الْبِيرْ دَا يِكَفِّي تَمَنْ التَّوْر أَوْ الْحُمَارْ لِسِيدَهْ. وَ سِيدْ الْبِيرْ كَمَانْ يِشِيلْ الْبَهِيمَةْ الْمَيْتَةْ.

إشَعْيا 40:2

رَقُّدُوا قَلِبْ مَدِينَةْ الْقُدُسْ وَ قُولُوا لَيْهَا كَدَرْ خِدْمِتْهَا الْإِجْبَارِيَّةْ كَمَّلَتْ وَ خَطَاهَا أَنْمَحَى وَ هِي لِقَتْ مِنْ إِيدْ اللّٰهْ مَرَّتَيْن جَزَا هَنَا كُلَّ ذُنُوبْهَا.»