خُروج 22:11 - الكتاب المقدس بالعربي الدارجي هنا تشاد

¹¹ خَلَاصْ النَّادُمْ الْخَطَّوْا فِي بَكَانَهْ الْبَهِيمَةْ يَحْلِفْ بِأُسُمْ اللّٰهْ كَدَرْ هُو مَا سَبَّبْ الْخَسَارَةْ الْبِقَتْ فِي الْبَهِيمَةْ دِي. فِي الْحَالَةْ دِي، هُو مَا يِكَفِّي شَيّءْ لِسِيدْ الْبَهِيمَةْ. وَ سِيدْ الْبَهِيمَةْ وَاجِبْ يِقَصِّدْ بِالْحَلِيفَةْ دِي.

خُروج 22:11 Referenca të Kryqëzuara

عِبْرَانِيِّين 6:16

أَكِيدْ، النَّاسْ فِي عَادِتْهُمْ يَحَلْفُوا بِشَيّءْ أَكْبَرْ مِنْهُمْ وَ كَنْ نَادُمْ يِأَكِّدْ كَلَامَهْ بِحَلِيفَةْ، خَلَاصْ كَلَامَهْ كَمَّلْ.

أمْثال 30:9

أَشَانْ كَنْ غِنِيتْ وَ شِبِعْت، أَكُونْ نَكْفُرْ وَ نُقُولْ: «اللّٰهْ دَا يَاتُو؟» أَوْ كَنْ فِقِرْت وَ تِعِبْت، أَكُونْ نَسْرِقْ وَ نِتَلِّفْ أُسْمَكْ، يَا إِلٰـهِي.

لاوِيِّين 6:3

وَلَّا هُو كَدَبْ بِسَبَبْ شَيّءْ وَدَّرْ وَ هُو لِقِيهْ وَلَّا هُو حَلَفْ بِكِدِبْ فِي عَمَلْ وَاحِدْ مِثِلْ الذُّنُوبْ دَوْل.

لاوِيِّين 5:1

«وَكِتْ إِنْسَانْ حِضِرْ فِي مُشْكِلَةْ أَوْ يَعَرِفْ الْمُشْكِلَةْ دِي وَ حَلَّفَوْه لِيَشْهَدْ، كَنْ هُو لَبَّدْ نَفْسَهْ وَ أَبَى مَا يَشْهَدْ، النَّادُمْ دَا يُكُونْ مُذْنِبْ وَ يِلْحَمَّلْ نَتِيجَةْ خَطَايَهْ.

خُروج 23:1

«مَا تَنْقُلْ الْقُوَالَةْ بَيْن النَّاسْ. مَا تَشْهَدْ بِكِدِبْ أَشَانْ تَنْصُرْ الْخَاطِي.

خُروج 22:8

وَ كَنْ السَّرَّاقْ مَا لِقَوْه، النَّادُمْ الضَّمَّوْا فِي بَكَانَهْ الْأَمَانَةْ يِوَدُّوهْ قِدَّامْ الرَّبّ لِيِشِيفُوا كَنْ هُو بَسْ أَكَلْ الْأَمَانَةْ دِي.

خُروج 22:10

«وَ كَنْ نَادُمْ وَدَّى تَوْر أَوْ غَنَمَايْ أَوْ حُمَارْ أَوْ بَهِيمَةْ آخَرَةْ مِثِلْ أَمَانَةْ لِجَارَهْ وَ الْبَهِيمَةْ دِي مَاتَتْ أَوْ أَنْعَضَرَتْ أَوْ سِرْقَوْهَا وَ نَادُمْ مَا شَافْهَا،

خُروج 22:12

وَ كَنْ الْبَهِيمَةْ دِي سِرْقَوْهَا بِسَبَبْ هُو مَا فَكَّرْ لَيْهَا، فِي الْحَالَةْ دِي هُو يِكَفِّي سِيدْهَا.

جامِعة 8:2

كَنْ لَيِّ أَنَا، نُقُولْ: أَسْمَعْ كَلَامْ الْمَلِكْ فِي شَانْ الْحَلِيفَةْ الْإِنْتَ سَوَّيْتهَا قِدَّامْ الرَّبّ.