خُروج 21:6 - الكتاب المقدس بالعربي الدارجي هنا تشاد

⁶ فِي الْبَكَانْ دَا سِيدَهْ يِشِيلْ الْعَبِدْ وَ يِوَدِّيهْ قِدَّامْ الرَّبّ وَ يِقَرِّبَهْ لِلْبَابْ أَوْ لِعُودْ الْبَابْ وَ يِقِدّ أَدَانَهْ بِمُخْرَصْ. وَ يَقْعُدْ يَخْدِمْ لَيَّهْ إِلَى الْأَبَدْ.

خُروج 21:6 Referenca të Kryqëzuara

تَثْنِية 15:17

فِي الْبَكَانْ دَا، شِيلْ مُخْرَصْ وَ خُطّ أَدَانَهْ فِي الْبَابْ وَ قِدَّهَا وَ خَلَاصْ، هُو يَقْعُدْ يَخْدِمْ لَيْك إِلَى الْأَبَدْ. وَ لِخَادْمَكْ كُلَ، سَوِّي لَيْهَا نَفْس الشَّيّءْ.

لاوِيِّين 25:40

وَ عَامِلَهْ مِثِلْ مُؤَجَّرْ أَوْ ضَيْف وَ هُو يَبْقَى لَيْك خَدَّامْ لَحَدِّي سَنِةْ الْحُرِّيَّةْ.

1 صَمُوِيل 28:2

وَ دَاوُدْ قَالْ لِأَكِيشْ: «سَمَحْ. إِنْتَ ذَاتَكْ تِشِيفْ الشَّيّءْ الْعَبْدَكْ يِسَوِّيهْ!» وَ الْمَلِكْ قَالْ لِدَاوُدْ: «تَمَامْ. مِنْ هِنِي لِقِدَّامْ، إِنْتَ تَبْقَى مَسْؤُولْ حَرَسِي.»

صَفَنْيا 3:3

وَ فِي أُسُطْهَا، كُبَارَاتْهَا مِثِلْ الدِّيدَانْ الْيِكِرُّوا وَ قُضْيَاهَا مِثِلْ مَرَافْعِينْ اللَّيْل الْمَا يِخَلُّوا شَيّءْ لِلْفَجُرْ.

1 مُلوك 12:7

وَ الشُّيُوخْ رَدَّوْا لَيَّهْ وَ قَالَوْا: «كَنْ الْيَوْم إِنْتَ تَخْدِمْ لِلشَّعَبْ وَ تِسَوِّي لَيْهُمْ الْخَيْر وَ تُرُدّ لَيْهُمْ بِكَلَامْ حَلُو، خَلَاصْ هُمَّنْ يَخْدُمُوا دَايْماً تِحْتَكْ.»

1 صَمُوِيل 27:12

وَ أَكِيشْ آمَنَهْ لِدَاوُدْ وَ قَالْ فِي نَفْسَهْ: «هَسَّعْ دَا، دَاوُدْ بِقِي مَكْرُوهْ لِأَهَلَهْ بَنِي إِسْرَائِيلْ. أَشَانْ دَا، خَلِّي يَبْقَى لَيِّ خَدَّامْ دَايْماً.»

1 صَمُوِيل 1:22

وَ لَاكِنْ حِنَّةْ مَا مَشَتْ مَعَاهُمْ وَ قَالَتْ لِرَاجِلْهَا: «أَنَا كَنْ فَرَدْت الْوِلَيْد حَتَّى نَمْشِي نِوَدِّيهْ يَقْعُدْ هِنَاكْ فِي بَيْت اللّٰهْ دَايْماً.»

تَثْنِية 16:18

وَ خُطُّوا لَيْكُو قُضْيَاءْ وَ مُرَاقِبِينْ فِي كُلَّ الْمُدُنْ الْيَنْطِيهُمْ لَيْكُو اللّٰهْ إِلٰـهْكُو حَسَبْ قَبَايِلْكُو، لِيَحْكُمُوا بَيْن الشَّعَبْ بِالْحَقّ.

تَثْنِية 1:16

وَ فِي الْوَكِتْ دَاكْ، أَنَا أَنْطَيْت الْأَمُرْ دَا لِقُضْيَاكُو وَ قُلْت: «أَسْمَعَوْا كَلَامْ أَخْوَانْكُو وَ أَحْكُمُوا لِأَيِّ وَاحِدْ بِعَدَالَةْ كَنْ مَعَ أَخُوهْ وَلَّا مَعَ أَجْنَبِي كُلَ.

لاوِيِّين 25:23

«وَ أَرْض الْبَلَدْ دِي مَا تِنْبَاعْ مَرَّةْ وَاحِدْ أَشَانْ الْبَلَدْ هِنْتِي أَنَا وَ إِنْتُو قَاعِدِينْ فِي بَكَانِي مِثِلْ أَجَانِبْ وَ ضِيفَانْ.

خُروج 22:28

«مَا تِعَيِّرْنِي أَنَا الرَّبّ وَ مَا تَلْعَنْ كَبِيرْ شَعَبَكْ.

خُروج 21:22

«وَ كَنْ نَاسَيْن أَدَّاوَسَوْا وَ وَقَعَوْا فَوْق مَرَةْ غَلْبَانَةْ وَ هِي رَمَتْ صَغِيرْهَا لَاكِنْ هِي عَافَيْ، فِي الْبَكَانْ دَا النَّادُمْ الْوَقَعْ فَوْقهَا يِكَفِّي الدِّيَّةْ الرَّاجِلْهَا يَطُلْبَهْ مِنَّهْ بِمُوَافَقَةْ الْقَاضِي.

خُروج 12:12

وَ فِي اللَّيْلَةْ دِي، أَنَا نُشُقّ بَلَدْ مَصِرْ وَ نَكْتُلْ أَيِّ وَلْد بِكِرْ هَنَا النَّاسْ وَ هَنَا الْبَهَايِمْ. وَ بِمِثِلْ دَا، نِعَاقِبْ إِلٰـهَاتْ بَلَدْ مَصِرْ أَشَانْ أَنَا اللّٰهْ.

إشَعْيا 1:26

نِجِيبْ لَيْكِ قُضْيَاءْ مِثِلْ أَوَّلْ وَ مُسْتَشَارِينْ مِثِلْ فِي الْبِدَايَةْ. وَ بَعَدْ دَا، يِنَادُوكِ مَدِينَةْ الْعَدَالَةْ وَ حِلَّةْ الْأَمَانْ.

خُروج 21:5

وَ لَاكِنْ كَنْ الْعَبِدْ قَالْ: ‹أَنَا نِرِيدْ سِيدِي وَ مَرْتِي وَ عِيَالِي وَ مَا نِدَوْر نَبْقَى حُرّ›،

خُروج 21:7

«وَ كَنْ رَاجِلْ بَاعْ بِنَيِّتَهْ مِثِلْ خَادِمْ هِي مَا يَطُلْقُوهَا حُرَّةْ مِثِلْ الرَّاجِلْ الْعَبِدْ.

تَثْنِية 15:16

وَ لَاكِنْ أَكُونْ الْعَبِدْ يُقُولْ لَيْك: «أَنَا مَا نَمْشِي مِنْ بَكَانَكْ أَشَانْ أَنَا نِرِيدَكْ إِنْتَ سِيدِي وَ نِرِيدْ عِيَالَكْ.» وَ الْعَبِدْ دَا قَاعِدْ مُرْتَاحْ فِي بَكَانَكْ.

زَبُور 82:1

الرَّبّ وَقَفْ فِي لُبّ مُجْتَمَعَهْ وَ حَكَمْ بَيْن الْإِلٰـهَاتْ وَ قَالْ: