خُروج 20:6 - الكتاب المقدس بالعربي الدارجي هنا تشاد

⁶ وَ لَاكِنْ أَنَا نِسَوِّي الْخَيْر لِآلَافْ الذُّرِّيَّاتْ الْيِحِبُّونِي وَ يِطَبُّقُوا وَصِيَّاتِي.

خُروج 20:6 Referenca të Kryqëzuara

تَثْنِية 7:9

وَ بَيْدَا، تَعَرْفُوا تَمَامْ كَدَرْ اللّٰهْ إِلٰـهْكُو، هُو بَسْ الرَّبّ. وَ هُو صَادِقْ وَ يَحْفَضْ مُعَاهَدَتَهْ وَ خَيْرَهْ لِأَلِفْ ذُرِّيَّةْ. وَ دَا، لِلنَّاسْ الْيِحِبُّوهْ وَ يِطَبُّقُوا وَصِيَّاتَهْ.

1 يُوحَنَّا 5:3

وَ دَاهُو كِكَّيْف نِحِبُّوا اللّٰهْ، نِطَبُّقُوا وَصِيَّاتَهْ. وَ طَبِّقِينْ الْوَصَايَا دَوْل مَا يَبْقَى لَيْنَا قَاسِي

يُوحَنَّا 14:21

أَيِّ نَادُمْ السِّمِعْ الْوَصَايَا الْأَنَا أَنْطَيْتهُمْ وَ قَاعِدْ يِتَابِعْهُمْ، دَا بَسْ النَّادُمْ الْيِحِبِّنِي. وَ كَنْ نَادُمْ يِحِبِّنِي، أَبُويِ اللّٰهْ يِحِبَّهْ وَ أَنَا كُلَ نِحِبَّهْ وَ نَجِي لَيَّهْ وَ نِبَيِّنْ نَفْسِي لَيَّهْ.»

أعمال الرُسُل 2:39

أَشَانْ اللّٰهْ قَالْ هُو يَنْطِي الْبَرَكَةْ دِي لَيْكُو وَ لِعِيَالْكُو وَ لِكُلَّ النَّاسْ الْقَاعِدِينْ فِي بَكَانْ بَعِيدْ، أَيْوَى لِأَيِّ نَادُمْ الرَّبِّنَا اللّٰهْ يِنَادِيهْ.»

تَثْنِية 5:29

وَ نِتْمَنَّى كُلَّ يَوْم هُمَّنْ يَخَافَوْا مِنِّي وَ يِطَبُّقُوا كُلَّ وَصِيَّاتِي. وَ دَا لِيَلْقَوْا الْخَيْر، هُمَّنْ وَ عِيَالْهُمْ إِلَى الْأَبَدْ.

تَثْنِية 4:37

وَ دَا أَشَانْ هُو حَبَّ أَبَّهَاتْكُو وَ عَزَلْ ذُرِّيِّتْهُمْ الْبَعَدْهُمْ. وَ مَرَقَاكُو مِنْ بَلَدْ مَصِرْ بِقُدُرْتَهْ الْكَبِيرَةْ

يُوحَنَّا 14:15

«كَنْ تِحِبُّونِي، إِنْتُو تِتَابُعُوا الْوَصَايَا الْأَنْطَيْتهُمْ لَيْكُو.

2 يُوحَنَّا 1:6

كَنْ نِتَابُعُوا وَصَايَا رَبِّنَا، خَلَاصْ دِي بَسْ الْمَحَبَّةْ. وَ هِي بَسْ الْوَصِيَّةْ وَ هِي نَفْس الْكَلَامْ السِّمِعْتُوهْ مِنْ الْأَوَّلْ وَ وَاجِبْ تِتَابُعُوهَا.

1 يُوحَنَّا 4:19

أَنِحْنَ نِحِبُّوا اللّٰهْ أَشَانْ اللّٰهْ حَبَّانَا أَنِحْنَ مِنْ أَوَّلْ.

يَعْقُوب 1:12

مَبْرُوكْ لِلنَّادُمْ الْيَصْبُرْ فِي التَّعَبْ الْيِجَرِّبْ إِيمَانَهْ. أَشَانْ وَكِتْ التَّجْرِبَةْ دِي كَمَّلَتْ خَلَاصْ، هُو يَلْقَى تَاجْ الْحَيَاةْ. وَ التَّاجْ دَا، هُو الْحَيَاةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

خُروج 34:7

نِوَصِّفْ خَيْرِي الدَّايِمْ لِآلَافْ الذُّرِّيَّاتْ وَ نَغْفِرْ الْخَطَا وَ الْعِصْيَانْ وَ الذُّنُوبْ. وَ لَاكِنْ الْمُذْنِبْ مَا نَجْعَلَهْ بَرِي. نِعَاقِبْ الْعِيَالْ وَ عِيَالْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ.»

عَدد 14:18

‹أَنَا اللّٰهْ الصَّبُورْ وَ الْمُحِبّ، نَغْفِرْ لِلْخَاطِي وَ الْعَاصِي. وَ لَاكِنْ الْمُذْنِبْ مَا نَجْعَلَهْ بَرِي. وَ نِعَاقِبْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ.›

نَحَمْيا 1:5

وَ قُلْت: «يَا اللّٰهْ رَبّ السَّمَاوَاتْ! يَا رَبّ، إِنْتَ عَظِيمْ وَ مُخِيفْ وَ إِنْتَ تَحْفَضْ الْمُعَاهَدَةْ وَ تِوَصِّفْ رَحْمَتَكْ لِلنَّاسْ الْبِرِيدُوكْ وَ الْبَحْفَضَوْا وَصِيَّاتَكْ.

زَبُور 103:17

لَاكِنْ رَحْمَةْ اللّٰهْ قَاعِدَةْ دَايْماً وَ إِلَى الْأَبَدْ فِي النَّاسْ الْيَخَافَوْا مِنَّهْ. وَ عَدَالْتَهْ لِعِيَالْ عِيَالْهُمْ،

أمْثال 3:1

يَا وِلَيْدِي، مَا تَنْسَى تَعْلِيمِي وَ فِي قَلْبَكْ أَحْفَضْ وَصِيّتِي

إرْمِيا 32:18

وَ إِنْتَ بَسْ التِّوَصِّفْ خَيْرَكْ لِآلَافْ الذُّرِّيَّاتْ. وَ لَاكِنْ تَقْدَرْ تِعَاقِبْ الْعِيَالْ بِذُنُوبْ أَبَّهَاتْهُمْ، إِنْتَ الْإِلٰـهْ الْكَبِيرْ وَ الشَّدِيدْ وَ أُسْمَكْ اللّٰهْ الْقَادِرْ.

دَنْيال 9:4

وَ طَوَّالِي أَنَا قَمَّيْت صَلَّيْت صَلَاةْ التَّوْبَةْ وَ قُلْت لِلّٰهْ إِلٰـهِي: «يَا رَبّ، إِنْتَ الْإِلٰـهْ الْعَظِيمْ وَ الْقَادِرْ. وَ إِنْتَ دَايْماً أَمِينْ فِي مُعَاهَدَتَكْ لِلنَّاسْ الْيِحِبُّوكْ وَ يِتَابُعُوا وَصِيَّاتَكْ.