خُروج 2:6 - الكتاب المقدس بالعربي الدارجي هنا تشاد

⁶ وَ وَكِتْ جَابَتْهَا، هِي فَتَحَتْ الْقُفَّةْ وَ لِقَتْ فَوْقهَا صَغِيرْ. وَ الْوِلَيْد دَا قَاعِدْ يَبْكِي وَ هِي حَنَّتْ فَوْقَهْ وَ قَالَتْ: «الصَّغِيرْ دَا هَنَا الْعِبْرَانِيِّينْ.»

خُروج 2:6 Referenca të Kryqëzuara

1 بُطْرُس 3:8

وَ آخِرْ شَيّءْ نُقُولَهْ لَيْكُو كُلُّكُو، خَلِّي قَلِبْكُو يَبْقَى وَاحِدْ وَ خَلِّي رُوحْكُو تَبْقَى طَوِيلَةْ. أَرَّايَدَوْا أَمْبَيْنَاتْكُو بِمَحَبَّةْ أَخَوِيَّةْ وَ بِقَلِبْ حَنُونْ وَ مَسْكُنُوا نُفُوسْكُو.

أعمال الرُسُل 7:21

وَ فِي الأَخِيرْ، وَاجِبْ يَمُرْقُوهْ مِنْ بَيْتهُمْ وَ بِنَيَّةْ فِرْعَوْن شَالَتَهْ أَشَانْ يَبْقَى وِلَيْدهَا وَ رَبَّتَهْ مِثِلْ وِلَيْدهَا.

1 مُلوك 8:50

أَغْفِرْ لِشَعَبَكْ الْأَذْنَبَوْا ضِدَّكْ وَ عِصَوْك. وَ خَلِّي يَلْقَوْا رَحْمَةْ مِنْ النَّاسْ الْكَرَبَوْهُمْ وَ وَدَّوْهُمْ مَسَاجِينْ وَ يِحِنُّوا فَوْقهُمْ

زَبُور 106:46

هُو سَوَّى كُلَّ النَّاسْ الْكَرَبَوْهُمْ يِحِنُّوا فَوْقهُمْ.

نَحَمْيا 1:11

يَا رَبّ، فَكِّرْ فَوْقِي وَ أَسْمَعْ صَلَاتِي وَ صَلَاةْ النَّاسْ الْيَخَافَوْا مِنْ أُسْمَكْ. وَ الْيَوْم دَا، أَنْطِينِي النَّجَاحْ فِي الشَّيّءْ الْأَنَا عَبْدَكْ نِدَوْرَهْ مِنْ الْمَلِكْ أَرْتَحَشْتَا. خَلِّي نَلْقَى مِنَّهْ رَحْمَةْ!» فِي الْوَكِتْ دَاكْ، مَسْؤُولِيّتِي نَنْطِي شَرَابْ لِلْمَلِكْ.

أمْثال 21:1

قَلِبْ الْمَلِكْ مِثِلْ أَلْمِي الْجَارِي، هُو تِحِتْ مُرَاقَبَةْ اللّٰهْ وَ اللّٰهْ يِوَدِّيهْ فِي أَيِّ بَكَانْ الْيِدَوْرَهْ.

خُروج 2:5

بَعَدْ شِيَّةْ كَيْ، بِنَيَّةْ الْمَلِكْ جَاتْ تِلْبَرَّدْ فِي بَحَرْ النِّيلْ وَ خَدَّامَاتْهَا قَاعِدَاتْ يُرُوغَنْ فِي خَشُمْ الْبَحَرْ. وَ خَلَاصْ، هِي شَافَتْ الْقُفَّةْ فِي لُبّ الْبِرْدِي. مِنْ شَافَتْهَا، قَمَّتْ رَسَّلَتْ خَدَّامِتْهَا لِتَمْشِي تِجِيبْهَا لَيْهَا.

خُروج 2:7

خَلَاصْ، أَخُتْ الصَّغِيرْ جَاتْ وَ سَأَلَتْهَا لِبِنَيَّةْ الْمَلِكْ وَ قَالَتْ: «تِدَوْرِي نَمْشِي نِفَتِّشْ لَيْكِ مَرَةْ رَضَّاعَةْ مِنْ عَوِينْ الْعِبْرَانِيِّينْ لِتِرَضِّعْ لَيْكِ الصَّغِيرْ دَا وَلَّا؟»

إرْمِيا 34:9

وَ بَيْدَا، أَيِّ نَادُمْ يَنْطِي الْحُرِّيَّةْ لِعَبِيدَهْ وَ خَدِيمَهْ مِنْ أَخْوَانَهْ الْعِبْرَانِيِّينْ وَ يِخَلِّيهُمْ يَمْشُوا حُرِّينْ. وَ مَا وَاجِبْ أَيِّ نَادُمْ يِعَبِّدْ نَادُمْ مِنْ أَخْوَانَهْ الْيَهُودْ.

خُروج 1:22

وَ خَلَاصْ، الْمَلِكْ قَمَّ أَنْطَى أَمُرْ لِشَعَبَهْ وَ قَالْ لَيْهُمْ: «أَزْقُلُوا فِي الْبَحَرْ أَيِّ وِلَيْد عِبْرَانِي الدَّهَابَهْ وِلْدَوْه. إِلَّا الْبَنَاتْ بَسْ خَلُّوهِنْ.»