خُروج 2:23 - الكتاب المقدس بالعربي الدارجي هنا تشاد

²³ وَ بَعَدْ مُدَّةْ طَوِيلَةْ، مَلِكْ مَصِرْ مَاتْ. وَ بَنِي إِسْرَائِيلْ قَاعِدِينْ يَقُنْتُوا مِنْ التَّعَبْ هَنَا الْعُبُودِيَّةْ وَ قَاعِدِينْ يَصْرَخَوْا لَحَدِّي صِرَاخْهُمْ لِحِقْ الرَّبّ.

خُروج 2:23 Referenca të Kryqëzuara

يَعْقُوب 5:4

وَ لَاكِنْ إِنْتُو مَا كَفَّيْتُوا أُجْرَةْ الْخَدَّامِينْ الْخَدَمَوْا فِي زِرَاعِتْكُو. دَاهُو قَاعِدِينْ يَشْكُوا مِنْكُو! وَ النَّاسْ الْقَطَعَوْا زِرَاعِتْكُو قَاعِدِينْ يَصْرَخَوْا وَ اللّٰهْ الْقَادِرْ سِمِعْ صِرَاخْهُمْ.

أعمال الرُسُل 7:30

«وَ بَعَدْ 40 سَنَةْ، مُوسَى قَمَّ مَشَى فِي صَحَرَاءْ هَنَا جَبَلْ سِينَاء وَ وَاحِدْ مِنْ الْمَلَائِكَةْ بَانْ لَيَّهْ فِي نَارْ فِي لُبّ شِدَيْرَةْ.

تكوين 16:11

دَاهُو إِنْتِ غَلْبَانَةْ وَ تَلْدَيْ وِلَيْد وَ تِسَمِّيهْ إِسْمَاعِيلْ (مَعَنَاتَهْ اللّٰهْ يَسْمَعْ) أَشَانْ اللّٰهْ سِمِعْ بِتَعَبْكِ.

إشَعْيا 19:20

وَ الْحَجَرْ دَا يَبْقَى عَلَامَةْ وَ شَهَادَةْ كَدَرْ اللّٰهْ الْقَادِرْ قَاعِدْ فِي بَلَدْ مَصِرْ. وَ وَكِتْ يِكَوْرُكُوا لِلّٰهْ فِي شَانْ الْيَظُلْمُوهُمْ، هُو يِرَسِّلْ لَيْهُمْ مُنَجِّي الْيِحَامِي لَيْهُمْ وَ يِخَلِّصْهُمْ.

زَبُور 18:6

فِي الضِّيقَةْ، نَادَيْت اللّٰهْ أَيْوَى، صَرَخْت لِإِلٰـهِي وَ مِنْ بَيْتَهْ الْمُقَدَّسْ هُو سِمِعْنِي، هُو سِمِعْ حِسّ صِرَاخِي.

زَبُور 12:5

لَاكِنْ اللّٰهْ قَالْ: «هَسَّعْ نُقُمّ وَ نِجِيبْ النَّجَاةْ لِلنَّاسْ الْمَحْقُورِينْ. أَشَانْ الْمَسَاكِينْ، ظَلَمَوْهُمْ وَ الضَّعِيفِينْ يَقُنْتُوا.»

نَحَمْيا 9:9

«وَ إِنْتَ شِفْت تَعَبْ جُدُودْنَا وَكِتْ هُمَّنْ قَاعِدِينْ فِي مَصِرْ وَ سِمِعْت كُرَوْرَاكْهُمْ وَكِتْ قَاعِدِينْ يِكَوْرُكُوا فِي خَشُمْ الْبَحَرْ الْأَحْمَرْ.

تَثْنِية 24:15

وَ أَنْطُوهْ أُجُرْتَهْ قَبُلْ الْحَرَّايْ مَا تَقَعْ أَشَانْ هُو تَعْبَانْ وَ مُسَّعْجِلْ لِيَلْقَاهَا. وَ كَنْ مَا كَيْ دَا، هُو يَرْفَعْ إِيدَيْنَهْ لِلّٰهْ ضِدَّكْ وَ اللّٰهْ يِعَاقِبَكْ بِسَبَبْ ذَنْبَكْ.

تكوين 4:10

وَ اللّٰهْ قَالْ لَيَّهْ: «شُنُو السَّوَّيْتَهْ دَا؟ أَنَا قَاعِدْ نَسْمَعْ حِسّ دَمّ أَخُوكْ الدَّفَّقْتَهْ، قَاعِدْ يَصْرَخْ لَيِّ مِنْ التُّرَابْ.

عَدد 20:16

وَ أَنِحْنَ صَرَخْنَا وَ شَحَدْنَا اللّٰهْ وَ هُو سِمِعْنَا وَ رَسَّلْ لَيْنَا مَلَكْ لِيَمْرُقْنَا مِنْ مَصِرْ. وَ دَاهُو أَنِحْنَ فِي قَادِشْ الْحِلَّةْ الْقَرِيبْ لِحُدُودْ بَلَدَكْ.

خُروج 7:7

مُوسَى عُمْرَهْ 80 سَنَةْ وَ هَارُونْ عُمْرَهْ 83 سَنَةْ وَكِتْ مَشَوْا حَجَّوْا لِمَلِكْ مَصِرْ.

إشَعْيا 5:7

أَشَانْ جِنَيْنَةْ اللّٰهْ الْقَادِرْ، هِي ذُرِّيَّةْ بَنِي إِسْرَائِيلْ. وَ نَاسْ يَهُوذَا، هُمَّنْ مَقَنْ الْهُو يِحِبَّهْ. بِعَشَمْ هُو يَرْجَى مِنْهُمْ الْعَدَالَةْ وَ لَاكِنْ لِقِي الظُّلُمْ. هُو يَرْجَى مِنْهُمْ الصَّلَاحْ وَ لَاكِنْ سِمِعْ صِرَاخْ الْمَظْلُومْ.

خُروج 1:14

وَ مَرَّرَوْا لَيْهُمْ الْحَيَاةْ بِالْخِدْمَةْ الْقَاسِيَةْ مِثِلْ عَجِّنِينْ الطِّينَةْ وَ سَلِّلِينْ الدِّرِنْقَيْل وَ حِرَاتَةْ الزِّرَاعَةْ. وَ الْمَصْرِيِّينْ قَاعِدِينْ يَجْبُرُوهُمْ فِي الْخِدْمَةْ دِي بِقُوءْ.

خُروج 6:5

وَ هَسَّعْ، أَنَا سِمِعْت قَنِيتْ بَنِي إِسْرَائِيلْ الْقَاعِدِينْ يِعَبُّدُوهُمْ الْمَصْرِيِّينْ وَ أَنَا فَكَّرْت فِي مُعَاهَدَتِي السَّوَّيْتهَا مَعَاهُمْ.

خُروج 6:9

وَ مُوسَى كَلَّمْ الْكَلَامْ دَا لِبَنِي إِسْرَائِيلْ. لَاكِنْ هُمَّنْ مَا سِمْعَوْا كَلَامَهْ أَشَانْ أَيَّسَوْا مِنْ شِدَّةْ الْخِدْمَةْ الْقَاسِيَةْ.

1 صَمُوِيل 12:8

وَ وَكِتْ جُدُودْكُو عِيَالْ يَعْقُوبْ قَاعِدِينْ فِي بَلَدْ مَصِرْ، صَرَخَوْا لِلّٰهْ. وَ هُو رَسَّلْ مُوسَى وَ هَارُونْ مَرَقَوْهُمْ مِنْ بَلَدْ مَصِرْ وَ جَابَوْهُمْ هِنِي.

أيُّوب 35:9

النَّاسْ يِكَوْرُكُوا بِسَبَبْ كَتَرَةْ الظَّالِمِينْ وَ يِكَوْرُكُوا لِلْفَزَعْ مِنْ إِيدْ الْقَوِيِّينْ.

زَبُور 102:1

يَا اللّٰهْ! أَسْمَعْ شَكْوِتِي وَ خَلِّي صِرَاخِي يَوْصَلَكْ!

قُضياء 4:3

وَ بَنِي إِسْرَائِيلْ صَرَخَوْا لِلّٰهْ أَشَانْ سِيسْرَا عِنْدَهْ 900 عَرَبَةْ هِنْت حَدِيدْ وَ هُو ظَلَمْهُمْ لِبَنِي إِسْرَائِيلْ ظُلُمْ شَدِيدْ لِمُدَّةْ 20 سَنَةْ.

1 صَمُوِيل 9:16

«أَمْبَاكِرْ فِي نَفْس الْوَكِتْ، نِرَسِّلْ لَيْك نَادُمْ وَاحِدْ مِنْ بَلَدْ بَنْيَامِينْ. أَمْسَحَهْ وَ دَرِّجَهْ لِيَبْقَى كَبِيرْ لِشَعَبِي بَنِي إِسْرَائِيلْ وَ يِنَجِّيهُمْ مِنْ الْفِلِسْطِيِّينْ. أَشَانْ أَنَا شِفْت تَعَبْ شَعَبِي وَ صِرَاخْهُمْ وَصَّلَانِي.»

زَبُور 102:2

مَا تَابَى، وَجِّهْ عَلَيِّ فِي يَوْم ضِيقْتِي وَ خُطّ أَدَانَكْ لَيِّ! وَ يَوْم نِنَادِيكْ، بِسُرْعَةْ رُدّ لَيِّ!