خُروج 2:21 - الكتاب المقدس بالعربي الدارجي هنا تشاد

²¹ وَ مُوسَى قَصَّدْ يَقْعُدْ فِي بَيْت الرَّاجِلْ دَا. وَ الرَّاجِلْ دَا جَوَّزْ بِنَيِّتَهْ صِفُّورَةْ لِمُوسَى.

خُروج 2:21 Referenca të Kryqëzuara

عِبْرَانِيِّين 13:5

أَنْقَرْعُوا مِنْ حُبّ الْمَالْ وَ أَبْقَوْا رَضْيَانِينْ بِالْعِنْدُكُو أَشَانْ اللّٰهْ قَالْ: <أَبَداً مَا نَابَاكْ وَ لَا نِخَلِّيكْ.>

يَعْقُوب 1:10

وَ الْمُؤمِنْ سِيدْ الْمَالْ كُلَ، خَلِّي يَفْرَحْ أَشَانْ هُو مَسْكَنْ نَفْسَهْ قِدَّامْ اللّٰهْ. وَ سِيدْ الْمَالْ، هُو مِثِلْ قَشّ، مَا يِطَوِّلْ.

عِبْرَانِيِّين 11:25

وَ هُو شَالْ نِيَّةْ أَشَانْ يَتْعَبْ مَعَ شَعَبْ اللّٰهْ وَ أَبَى مَا يِتَابِعْ الذُّنُوبْ وَ شَهْوَاتْ الدُّنْيَا الْمَا دَايْمَةْ.

1 تِمُوتَاوُس 6:6

وَ بِالصَّحِيحْ، كَنْ نَادُمْ بِقِي تَقِي وَ رَضْيَانْ بِالْعِنْدَهْ، هُو رَبْحَانْ زِيَادَةْ.

خُروج 2:10

وَكِتْ الصَّغِيرْ كِبِرْ، أَمَّهْ وَدَّتَهْ لِبِنَيَّةْ الْمَلِكْ وَ هُو بِقِي لَيْهَا مِثِلْ وِلَيْدهَا. وَ هِي قَالَتْ: «نِسَمِّيهْ مُوسَى أَشَانْ أَنَا شِلْتَهْ مِنْ لُبّ الْأَلْمِي.»

عَدد 12:1

وَ يَوْم وَاحِدْ، مَرْيَمْ وَ هَارُونْ قَمَّوْا ضِدّ مُوسَى بِسَبَبْ الْمَرَةْ الْهُو أَخَدَاهَا مِنْ بَلَدْ الْحَبَشَةْ.

أعمال الرُسُل 7:29

وَ وَكِتْ مُوسَى سِمِعْ الْكَلَامْ دَا، هُو جَرَى مِنْ مَصِرْ وَ مَشَى بِقِي أَجْنَبِي فِي بَلَدْ مِدْيَانْ. وَ وَكِتْ سَاكِنْ هِنَاكْ، وِلِدْ أَوْلَادْ إِتْنَيْن.

خُروج 2:20

وَ هُو قَالْ لَيْهِنْ: «وَيْن الرَّاجِلْ دَا؟ مَالَا جِيتَنْ خَلَّيْتَنَّهْ؟ أَمْشَنْ نَّادَنَّهْ لِيَجِي يَاكُلْ مَعَانَا.» وَ هِنَّ مَشَنْ نَّادَنَّهْ.

خُروج 4:18

وَ وَكِتْ مُوسَى قَاعِدْ فِي بَلَدْ مِدْيَانْ، اللّٰهْ قَالْ لَيَّهْ: «قَبِّلْ أَمْشِي فِي مَصِرْ أَشَانْ كُلَّ النَّاسْ الدَّوَّرَوْا يَكْتُلُوكْ مَاتَوْا.» وَ خَلَاصْ، مُوسَى قَمَّ مَشَى لِيَسْرُونْ نَسِيبَهْ وَ قَالْ لَيَّهْ: «أَنْطِينِي إِذِنْ نَمْشِي نِشِيفْ أَهَلِي فِي مَصِرْ لِنَعَرِفْ كَنْ هُمَّنْ قَاعِدِينْ حَيِّينْ.» وَ يَسْرُونْ قَالْ لِمُوسَى: «أَمْشِي بِالسَّلَامْ.»

خُروج 3:1

وَ مُوسَى قَاعِدْ يَسْرَحْ بِغَنَمْ هَنَا نَسِيبَهْ يَسْرُونْ وَ هُو بَسْ رَاجِلْ الدِّينْ هَنَا بَلَدْ مِدْيَانْ. وَ يَوْم وَاحِدْ، مُوسَى سَاقْ الْغَنَمْ غَادِي لِلصَّحَرَاء وَ وِصِلْ فِي جَبَلْ اللّٰهْ الْأُسْمَهْ حُورِيبْ.

عَدد 10:29

وَ مُوسَى قَالْ لِحُبَابْ وِلَيْد نَسِيبَهْ رَعُوِيلْ الْمِدْيَانِي: «أَنِحْنَ سَايْرِينْ لِلْبَكَانْ الْاللّٰهْ قَالْ يَنْطِيهْ لَيْنَا. تَعَالْ نَمْشُوا سَوَا وَ نِسَوُّوا لَيْك الْخَيْر أَشَانْ اللّٰهْ قَالْ يِسَوِّي لِبَنِي إِسْرَائِيلْ الْخَيْر.»