خُروج 2:16 - الكتاب المقدس بالعربي الدارجي هنا تشاد

¹⁶ وَ فِيَّهْ رَاجِلْ دِينْ وَاحِدْ أُسْمَهْ رَعُوِيلْ فِي بَلَدْ مِدْيَانْ عِنْدَهْ سَبْعَةْ بَنَاتْ. وَ هِنَّ جِنْ لِيِسِلَّنْ أَلْمِي مِنْ الْبِيرْ وَ يَمْلَنْ الْحِيطَانْ لِيَزْقَنْ غَنَمْ أَبُوهِنْ.

خُروج 2:16 Referenca të Kryqëzuara

خُروج 3:1

وَ مُوسَى قَاعِدْ يَسْرَحْ بِغَنَمْ هَنَا نَسِيبَهْ يَسْرُونْ وَ هُو بَسْ رَاجِلْ الدِّينْ هَنَا بَلَدْ مِدْيَانْ. وَ يَوْم وَاحِدْ، مُوسَى سَاقْ الْغَنَمْ غَادِي لِلصَّحَرَاء وَ وِصِلْ فِي جَبَلْ اللّٰهْ الْأُسْمَهْ حُورِيبْ.

تكوين 24:11

وَ بَعَدْ دَا، الْعَبِدْ وَصَّلْ قَرِيبْ لِعَيْن أَلْمِي الْبَرَّا مِنْ الْحِلَّةْ وَ بَرَّكْ الْجُمَالْ. وَ دَا بِعَشِيَّةْ فِي الْوَكِتْ الْيَوْرُدَنْ فَوْقَهْ الْعَوِينْ.

1 صَمُوِيل 9:11

وَ وَكِتْ قَاعِدِينْ يَطْلَعَوْا لِيَدْخُلُوا فِي الْحِلَّةْ، لَاقَوْا بَنَاتْ مَارْقَاتْ مَاشَاتْ يِشِيلَنْ أَلْمِي. وَ هُمَّنْ سَأَلَوْهِنْ وَ قَالَوْا: «الشَّوَّافِي دَا هِنِي وَلَّا؟»

تكوين 41:45

وَ الْمَلِكْ سَمَّى يُوسُفْ صَفْنَتْ فَعْنِيحْ وَ جَوَّزَهْ بِنَيَّةْ فُوطِي فَارَعْ الْأُسُمْهَا أَسْنَاتْ. وَ فُوطِي فَارَعْ هُو رَاجِلْ دِينْ هَنَا الْحِلَّةْ الْأُسُمْهَا أُونْ. مِنْ دَا خَلَاصْ، يُوسُفْ بَدَا يَحْكِمْ فِي بَلَدْ مَصِرْ.

تكوين 14:18

وَ مَلْكِصَادِقْ مَلِكْ حِلَّةْ شَالِيمْ جَابْ لِأَبْرَامْ خُبْزَةْ وَ خَمَرْ. وَ مَلْكِصَادِقْ دَا، هُو رَاجِلْ دِينْ هَنَا اللّٰهْ الْعَالِي.

تكوين 24:13

دَاهُو أَنَا قَاعِدْ جَنْب عَيْن أَلْمِي وَ بَنَاتْ الْحِلَّةْ كُلَ يَوْرُدَنْ.

تكوين 29:2

وَ وَكِتْ مَاشِي، لِقِي بِيرْ فِي الْخَلَاءْ. وَ فِي الْبَكَانْ دَا، فِي تَلَاتَةْ دَوْر هَنَا غَنَمْ رَاقْدِينْ جَنْب الْبِيرْ أَشَانْ دِي بَسْ الْبِيرْ الْيَزْقُوهُمْ فَوْقهَا. وَ خَشُمْ الْبِيرْ دِي مَسْدُودْ بِحَجَرْ كَبِيرْ.

خُروج 18:1

يَسْرُونْ رَاجِلْ الدِّينْ هَنَا بَلَدْ مِدْيَانْ وَ هُو نَسِيبْ مُوسَى. وَ سِمِعْ بِكُلَّ شَيّءْ الرَّبّ سَوَّاهْ لِمُوسَى وَ لِشَعَبَهْ بَنِي إِسْرَائِيلْ وَ كِكَّيْف اللّٰهْ مَرَقَاهُمْ مِنْ بَلَدْ مَصِرْ.

خُروج 18:12

خَلَاصْ، يَسْرُونْ نَسِيبْ مُوسَى قَدَّمْ ضَحِيَّةْ مُحَرَّقَةْ وَ ضَحَايَا آخَرِينْ لِلرَّبّ. وَ هَارُونْ وَ كُلَّ شُيُوخْ بَنِي إِسْرَائِيلْ جَوْا لِيَاكُلُوا مَعَ نَسِيبْ مُوسَى قِدَّامْ الرَّبّ.