خُروج 2:11 - الكتاب المقدس بالعربي الدارجي هنا تشاد

¹¹ وَ بَعَدْ مُوسَى تَمَّ رَاجِلْ خَلَاصْ، يَوْم وَاحِدْ قَمَّ مَشَى لِأَهَلَهْ الْعِبْرَانِيِّينْ وَ شَافْ خِدْمِتْهُمْ هَنَا الْعُبُودِيَّةْ. وَ فِي الْبَكَانْ دَا، مُوسَى شَافْ مَصْرِي وَاحِدْ قَاعِدْ يُدُقّ عِبْرَانِي وَاحِدْ مِنْ أَهَلَهْ.

خُروج 2:11 Referenca të Kryqëzuara

خُروج 1:11

وَ خَلَاصْ، الْمَصْرِيِّينْ قَمَّوْا خَطَّوْا كُبَارَاتْ الْمُكَلَّفِينْ بِخِدْمَةْ الْعُبُودِيَّةْ أَشَانْ يِتَعُّبُوا بَنِي إِسْرَائِيلْ بِالْخِدْمَةْ الْقَاسِيَةْ. بِمِثِلْ دَا بَسْ، بَنِي إِسْرَائِيلْ بَنَوْا مُدُنْ فِتُومْ وَ رَعَمْسِيس أَشَانْ يَبْقَوْا مَخَازِنْ لِفِرْعَوْن مَلِكْ مَصِرْ.

لُوقا 4:18

<رُوحْ اللّٰهْ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي أَشَانْ نَعْلِنْ بِالْحُرِّيَّةْ لِلْمَسَاجِينْ وَ نِفَتِّحْ عُيُونْ الْعَمْيَانِينْ وَ نِحَرِّرْ الْمَظْلُومِينْ

مَتَّى 11:28

«تَعَالُوا لَيِّ إِنْتُو كُلُّكُو التَّعْبَانِينْ مِنْ التَّقَلَةْ الشَّايْلِينْهَا فِي رَاسْكُو وَ أَنَا نَنْطِيكُو جُمَّةْ.

إشَعْيا 58:6

«وَ لَاكِنْ دَاهُو الصِّيَامْ الْأَنَا نَرْضَى بَيَّهْ. فُكُّوا الْمَسَاجِينْ السَّجَنَوْهُمْ بِظُلُمْ وَ دَلُّوا التَّقَلَةْ مِنْ رِقَابْهُمْ. وَ خَلُّوا الْمَظْلُومِينْ يَمْشُوا حُرِّينْ وَ أَرْفَعَوْا مِنْهُمْ كُلَّ التَّقَلَةْ.

خُروج 3:7

وَ اللّٰهْ قَالْ بَتَّانْ: «أَنَا شِفْت تَمَامْ التَّعَبْ هَنَا شَعَبِي الْقَاعِدِينْ فِي مَصِرْ. وَ سِمِعْت صِرَاخْهُمْ قِدَّامْ النَّاسْ الْقَاعِدِينْ يِتَعُّبُوهُمْ. وَ حَسَّيْت بِعَذَابْهُمْ.

خُروج 5:14

خَلَاصْ، مُرَاقِبِينْ فِرْعَوْن فَرَشَوْهُمْ لِلْمُكَلَّفِينْ مِنْ بَنِي إِسْرَائِيلْ الْهُمَّنْ بَسْ كَلَّفَوْهُمْ. وَ قَالَوْا لَيْهُمْ: «مَالَا فِي الْأَيَّامْ دَوْل مَا سَلَّلْتُوا نَفْس الْعَدَدْ هَنَا الدِّرِنْقَيْل الْأَوَّلْ أَمَرْنَاكُو بَيَّهْ؟»

خُروج 5:9

خَلِّي نِزِيدُوا لَيْهُمْ خِدْمَةْ تَقِيلَةْ أَشَانْ مَا يُخُطُّوا بَالْهُمْ فِي الْكَلَامْ الْكِدِبْ دَا.»

خُروج 5:4

وَ مَلِكْ مَصِرْ قَالْ لَيْهُمْ: «يَا مُوسَى وَ هَارُونْ، مَالَا تَدْحَرَوْا الشَّعَبْ مِنْ خِدْمِتْهُمْ؟ يَلَّا! أَمْشُوا لِخِدْمِتْكُو هِنْت التَّعَبْ.»

خُروج 5:5

وَ قَالْ بَتَّانْ: «هَسَّعْ، بَنِي إِسْرَائِيلْ بِقَوْا كَتِيرِينْ فِي الْبَلَدْ وَ كِكَّيْف إِنْتُو تِدَوْرُوا تَدْحَرَوْهُمْ مِنْ خِدْمِتْهُمْ؟»

خُروج 6:6

فِي شَانْ دَا، قُولْ لِبَنِي إِسْرَائِيلْ: ‹أَنَا اللّٰهْ. نَمْرُقْكُو مِنْ الْعُبُودِيَّةْ وَ نِنَجِّيكُو مِنْ الْخِدْمَةْ الْقَاسِيَةْ هَنَا الْمَصْرِيِّينْ. وَ نَفْدَاكُو بِدُرَاعْ قَوِي وَ بِعِقَابْ عَجِيبْ.

خُروج 6:7

وَ تَبْقَوْا شَعَبِي وَ أَنَا نَبْقَى إِلٰـهْكُو. وَ فِي الْوَكِتْ دَا، تَعَرْفُوا كَدَرْ أَنَا بَسْ اللّٰهْ إِلٰـهْكُو الْمَرَقْتُكُو مِنْ الْعُبُودِيَّةْ هَنَا الْمَصْرِيِّينْ