خُروج 19:9 - الكتاب المقدس بالعربي الدارجي هنا تشاد

⁹ وَ اللّٰهْ قَالْ لِمُوسَى: «دَاهُو أَنَا نِقَابِلَكْ فِي سَحَابَايْ مُضَلِّمَةْ أَشَانْ كُلَّ الشَّعَبْ يَسْمَعَوْنِي وَكِتْ أَنَا نِكَلِّمْ مَعَاكْ. وَ بِمِثِلْ دَا، هُمَّنْ يِآمُنُوا بَيْك دَايْماً.» وَ فِي الْوَكِتْ دَا، مُوسَى حَجَّى كَلَامْ الشَّعَبْ لِلّٰهْ.

خُروج 19:9 Referenca të Kryqëzuara

تَثْنِية 4:36

وَ مِنْ السَّمَاءْ، هُو خَلَّاكُو سِمِعْتُوا حِسَّهْ لِيَنْطِيكُو أَدَبْ. وَ فِي الْأَرْض، هُو شَوَّفَاكُو نَارَهْ الْكَبِيرَةْ وَ مِنْ أُسْط النَّارْ إِنْتُو سِمِعْتُوا كَلَامَهْ.

خُروج 19:16

وَ فِي الْيَوْم التَّالِتْ بِفَجُرْ، الشَّعَبْ شَافَوْا بَرَّاقَةْ وَ سِمْعَوْا حِسّ هَنَا رَعَدْ وَ شَافَوْا سَحَابَايْ كَبِيرَةْ فِي الْجَبَلْ وَ سِمْعَوْا ضَرِبِينْ شَدِيدْ هَنَا بُوقْ. فِي الْبَكَانْ دَا، كُلَّ الشَّعَبْ الْقَاعِدِينْ فِي الْفَرِيقْ رَجَفَوْا.

مَتَّى 17:5

وَ وَكِتْ هُو لِسَّاعْ قَاعِدْ يِحَجِّي، سَحَابَايْ الْعِنْدَهَا نُورْ جَاتْ وَ غَطَّتْهُمْ بِضُلَّهَا وَ حِسّ مِنْ لُبّ السَّحَابَايْ أَنْسَمَعْ وَ قَالْ: «دَا بَسْ إِبْنِي النِّحِبَّهْ وَ أَنَا فَرْحَانْ بَيَّهْ بِلْحَيْن. أَسْمَعَوْا كَلَامَهْ.»

زَبُور 97:2

السَّحَابْ وَ الْغَمَامْ مُحَوِّقِينَهْ وَ الْحَقّ وَ الْعَدَالَةْ، هُمَّنْ أَسَاسْ عَرْشَهْ.

خُروج 20:21

وَ الشَّعَبْ وَقَفَوْا بَعِيدْ وَ لَاكِنْ مُوسَى قَرَّبْ وَ دَخَلْ فِي الضَّلَامْ الْبَكَانْ الْقَاعِدْ فَوْقَهْ الرَّبّ.

خُروج 14:31

وَ وَكِتْ بَنِي إِسْرَائِيلْ شَافَوْا الْإِيدْ الشَّدِيدَةْ الْاللّٰهْ ضَرَبْ بَيْهَا الْمَصْرِيِّينْ، خَلَاصْ هُمَّنْ خَافَوْا وَ آمَنَوْا بِاللّٰهْ وَ بِعَبْدَهْ مُوسَى كُلَ.

رُؤية 1:7

وَ شِيفُوا، هُو جَايِ رَاكِبْ فِي السَّحَابْ وَ أَيِّ نَادُمْ يِشِيفَهْ. أَيْوَى، كُلَّ النَّاسْ الطَّعَنَوْه يِشِيفُوهْ وَ كُلَّ قَبَايِلْ الْأَرْض يَبْكُوا بِسَبَبَهْ. أَيْوَى، مِثِلْ دَا بَسْ يَبْقَى. آمِينْ.

لُوقا 10:16

وَ عِيسَى قَالْ لِلتَّلَامِيذ: «أَيِّ نَادُمْ السِّمِعْ كَلَامْكُو، سِمِعْ كَلَامِي. وَ الْأَبَاكُو، أَبَانِي. وَ الْأَبَانِي، أَبَى اللّٰهْ الرَّسَّلَانِي.»

مَرْخُوس 9:7

وَ سَحَابَايْ وَاحِدَةْ جَاتْ وَ غَطَّتْهُمْ بِضُلَّهَا وَ حِسّ مِنْ لُبّ السَّحَابَايْ أَنْسَمَعْ وَ قَالْ: «دَا بَسْ إِبْنِي النِّحِبَّهْ. أَسْمَعَوْا كَلَامَهْ.»

إشَعْيا 19:1

مُحَاكَمَةْ مَصِرْ. دَاهُو فِي سَحَابَايْ سَرِيعَةْ اللّٰهْ جَايِ فِي مَصِرْ. وَ إِلٰـهَاتْ مَصِرْ قَاعِدِينْ يَرْجُفُوا قِدَّامَهْ وَ الْمَصْرِيِّينْ قَلِبْهُمْ أَنْقَطَعْ.

إشَعْيا 7:9

وَ مَدِينَةْ السَّامِرَةْ، هِي رَاسْ تُرَابْ قَبِيلَةْ أَفْرَايِمْ وَ وِلَيْد رَمَلْيَا، هُو رَاسْ السَّامِرَةْ بَسْ. كَنْ مَا تِآمُنُوا بِكَلَامِي أَنَا الرَّبّ، أَبَداً مَا تَثْبُتُوا.»

2 أخبار 20:20

وَ الشَّعَبْ قَمَّوْا بِفَجُرْ بَدْرِي مَرَقَوْا وَ مَاشِينْ عَلَيْ صَحَرَاء تَقُوعَةْ. وَ وَكِتْ هُمَّنْ مَاشِينْ، يَهُوشَفَطْ وَقَفْ بِطُولَهْ وَ قَالْ: «أَسْمَعَوْنِي، يَا نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ. آمُنُوا بِاللّٰهْ إِلٰـهْكُو وَ تَقْعُدُوا ثَابْتِينْ. وَ آمُنُوا بِأَنْبِيَاء اللّٰهْ وَ تَنْجَحَوْا.»

2 أخبار 6:1

وَ خَلَاصْ سُلَيْمَانْ قَالْ: «يَا اللّٰهْ! إِنْتَ قُلْت تَسْكُنْ فِي الضَّلَامْ.

1 مُلوك 8:12

وَ خَلَاصْ، سُلَيْمَانْ قَالْ: «يَا اللّٰهْ! إِنْتَ قُلْت تَسْكُنْ فِي الضَّلَامْ.

خُروج 4:5

وَ اللّٰهْ قَالْ: «دَا بَسْ الشَّيّءْ التِّسَوِّيهْ لِبَنِي إِسْرَائِيلْ يِصَدُّقُوا كَدَرْ اللّٰهْ رَبّ جُدُودْهُمْ إِبْرَاهِيمْ وَ إِسْحَاقْ وَ يَعْقُوبْ بَانْ لَيْك.»

خُروج 4:31

وَ بَنِي إِسْرَائِيلْ صَدَّقَوْا. وَ وَكِتْ عِرْفَوْا كَدَرْ اللّٰهْ شَافْ تَعَبْهُمْ وَ دَوَّرْ يِنَجِّيهُمْ، خَلَاصْ كُلُّهُمْ دَنْقَرَوْا وَ سَجَدَوْا.

خُروج 34:5

وَ خَلَاصْ، اللّٰهْ نَزَلْ فِي عَمُودْ السَّحَابْ فِي الْبَكَانْ الْمُوسَى وَاقِفْ فَوْقَهْ. وَ عَالَنْ أُسْمَهْ هُو اللّٰهْ.

عَدد 12:5

وَ طَوَّالِي، اللّٰهْ نَزَلْ فِي عَمُودْ هَنَا سَحَابْ وَ وَقَفْ فِي خَشُمْ بَابْ الْخَيْمَةْ وَ نَادَى هَارُونْ وَ مَرْيَمْ وَ هُمَّنْ زَحَفَوْا قِدَّامْ.

زَبُور 99:7

فِي عَمُودْ السَّحَابْ، هُو حَجَّى لَيْهُمْ وَ هُمَّنْ حَفَضَوْا مُعَاهَدَتَهْ وَ شُرُوطَهْ الْأَنْطَاهُمْ لَيْهُمْ.

تَثْنِية 4:10

فَكُّرُوا فِي الْيَوْم الْوَقَفْتُوا فَوْقَهْ قِدَّامْ اللّٰهْ إِلٰـهْكُو فِي جَبَلْ حُورِيبْ وَكِتْ اللّٰهْ قَالْ لَيِّ: «لِمّ لَيِّ الشَّعَبْ أَشَانْ يَسْمَعَوْا الْكَلَامْ النُّقُولَهْ لَيْهُمْ وَ بَيْدَا، يِلْعَلَّمَوْا كِكَّيْف يَخَافَوْا مِنِّي فِي كُلَّ مُدَّةْ حَيَاتْهُمْ. وَ يِعَلُّمُوهْ لِأَوْلَادْهُمْ كُلَ.»