خُروج 19:4 - الكتاب المقدس بالعربي الدارجي هنا تشاد

⁴ ‹إِنْتُو ذَاتْكُو شِفْتُوا الشَّيّءْ الْأَنَا سَوَّيْتَهْ فِي مَصِرْ وَ كِكَّيْف أَنَا شِلْتُكُو مِثِلْ فِي جَنَاحَيْ الصُّقُورَةْ وَ جِبْتُكُو عَلَيِّ أَنَا اللّٰهْ.

خُروج 19:4 Referenca të Kryqëzuara

إشَعْيا 63:9

اللّٰهْ شَافْ ضِيقِتْهُمْ دِي، هِنْتَهْ هُو. وَ هُو مَا رَسَّلْ مُرْسَالْ وَ لَا مَلَكْ لَاكِنْ اللّٰهْ هُو ذَاتَهْ بَسْ نَجَّاهُمْ. وَ بِمَحَبِّتَهْ وَ مَحَنِّتَهْ، هُو بَسْ فَدَاهُمْ. وَ رَفَعَاهُمْ وَ حَمَلَاهُمْ فِي مُدَّةْ كُلَّ الزَّمَنْ دَاكْ.

إشَعْيا 40:31

وَ لَاكِنْ الْيُخُطُّوا عَشَمْهُمْ فِي اللّٰهْ، قُدْرِتْهُمْ تِلْجَدَّدْ. يِطِيرُوا مِثِلْ الصُّقُورَةْ وَ يَجْرُوا وَ مَا يَكْسَلَوْا وَ يُرُوغُوا وَ مَا يَعْيَوْا.

رُؤية 12:14

لَاكِنْ اللّٰهْ أَنْطَاهَا جَنَاحَيْ إِتْنَيْن مِثِلْ جَنَاحَيْ هَنَا صَقُرْ كَبِيرْ بِلْحَيْن أَشَانْ تِطِيرْ بَعِيدْ مِنْ الدَّابِي وَ تَمْشِي فِي الْخَلَاءْ فِي الْبَكَانْ الْاللّٰهْ جَهَّزَهْ لَيْهَا. وَ هِنَاكْ هِي يِرَيُّسُوهَا مُدَّةْ تَلَاتَةْ سَنَةْ وَ نُصّ.

تَثْنِية 29:2

وَ مُوسَى نَادَى كُلَّ بَنِي إِسْرَائِيلْ وَ قَالْ: إِنْتُو شِفْتُوا بِعُيُونْكُو كُلَّ شَيّءْ السَّوَّاهْ اللّٰهْ فِي بَلَدْ مَصِرْ لِفِرْعَوْن وَ لِخَدَّامِينَهْ وَ لِكُلَّ بَلَدَهْ.

تَثْنِية 4:9

وَ لَاكِنْ أَنْقَرْعُوا! أَحْفَضَوْا عَدِيلْ نُفُوسْكُو أَشَانْ مَا تَنْسَوْا الْأَشْيَاءْ الشَّافَوْهُمْ عُيُونْكُو. وَ فِي كُلَّ مُدَّةْ حَيَاتْكُو، خَلِّي مَا يَمُرْقُوا مِنْ قُلُوبْكُو. وَ عَرُّفُوهُمْ لِعِيَالْكُو وَ لِعِيَالْ عِيَالْكُو.

حَقَّاي 2:5

وَ حَسَبْ الْوَعَدْ الْوَاعَدْتُكُو بَيَّهْ وَكِتْ مَرَقْتُوا مِنْ بَلَدْ مَصِرْ، رُوحِي قَاعِدَةْ فِي أُسُطْكُو. مَا تَخَافَوْا مِنْ شَيّءْ!›»

مَلاخِـي 2:10

أَنِحْنَ كُلِّنَا، أَبُونَا مَا وَاحِدْ وَلَّا؟ وَ إِلٰـهْ وَاحِدْ بَسْ مَا خَلَقَانَا وَلَّا؟ وَ مَالَا الْوَاحِدْ يُخُونْ الْآخَرْ وَ مَا نِحْتَرُمُوا مُعَاهَدَةْ اللّٰهْ مَعَ أَبَّهَاتْنَا؟

تَثْنِية 1:30

اللّٰهْ إِلٰـهْكُو يَمْشِي قِدَّامْكُو وَ هُو ذَاتَهْ يِحَارِبْ لَيْكُو مِثِلْ هُو سَوَّاهْ أَوَّلْ فِي مَصِرْ وَ إِنْتُو شِفْتُوهْ بِعُيُونْكُو.

تَثْنِية 1:31

وَ بَتَّانْ فِي الصَّحَرَاء هِنَاكْ، شِفْتُوا اللّٰهْ إِلٰـهْكُو شَالْكُو مِثِلْ رَاجِلْ يِشِيلْ وِلَيْدَهْ، فِي كُلَّ طُولْ الدَّرِبْ الْإِنْتُو رُغْتُوا فَوْقَهْ لَحَدِّي جِيتُوا فِي الْبَكَانْ دَا.»

تَثْنِية 29:1

وَ دِي هِي الْمُعَاهَدَةْ الْاللّٰهْ أَمَرْ بَيْهَا مُوسَى لِيِسَوِّيهَا مَعَ بَنِي إِسْرَائِيلْ فِي بَلَدْ مُوَابْ وَ دَا يِزِيدْ فِي الْمُعَاهَدَةْ السَّوَّاهَا مَعَاهُمْ فِي جَبَلْ حُورِيبْ.

يَشُوع 23:3

وَ إِنْتُو ذَاتْكُو شِفْتُوا كُلَّ شَيّءْ السَّوَّاهْ اللّٰهْ إِلٰـهْكُو ضِدّ الْأُمَمْ دَوْل فِي سَبَبْكُو. أَشَانْ اللّٰهْ إِلٰـهْكُو، هُو بَسْ الْحَارَبْ لَيْكُو.

هُوشَع 11:1

«وَكِتْ بَنِي إِسْرَائِيلْ مِثِلْ صَبِي، أَنَا حَبَّيْتَهْ وَ مِنْ مَصِرْ، أَنَا نَادَيْت إِبْنِي.