خُروج 19:3 - الكتاب المقدس بالعربي الدارجي هنا تشاد

³ وَ فِي الْبَكَانْ دَا، مُوسَى طَلَعْ فِي الْجَبَلْ لِيِقَابِلْ الرَّبّ. وَ هُو نَادَاهْ مِنْ رَاسْ الْجَبَلْ وَ قَالْ لَيَّهْ: «قُولْ الْكَلَامْ دَا لِذُرِّيَّةْ يَعْقُوبْ. خَبِّرْ بَنِي إِسْرَائِيلْ وَ قُولْ لَيْهُمْ:

خُروج 19:3 Referenca të Kryqëzuara

خُروج 3:4

وَكِتْ اللّٰهْ شَافْ مُوسَى قَاعِدْ يِحَوِّقْ لِيِشِيفْ الشَّيّءْ دَا، خَلَاصْ هُو نَادَى مُوسَى مِنْ لُبّ الشِّدَيْرَةْ وَ قَالْ لَيَّهْ: «يَا مُوسَى، يَا مُوسَى!» وَ مُوسَى قَالْ: «نَعَمْ.»

أعمال الرُسُل 7:38

وَ وَكِتْ جَمَاعَةْ بَنِي إِسْرَائِيلْ لَامِّينْ فِي الصَّحَرَاءْ، مُوسَى بَسْ الْوَسِيطْ أَمْبَيْن جُدُودْنَا وَ الْمَلَكْ الْكَلَّمْ مَعَايَهْ فِي جَبَلْ سِينَاء. لَيَّهْ هُو بَسْ، اللّٰهْ نَزَّلْ كَلَامْ الْحَيَاةْ أَشَانْ يَنْطِيهْ لَيْنَا.

خُروج 20:21

وَ الشَّعَبْ وَقَفَوْا بَعِيدْ وَ لَاكِنْ مُوسَى قَرَّبْ وَ دَخَلْ فِي الضَّلَامْ الْبَكَانْ الْقَاعِدْ فَوْقَهْ الرَّبّ.

خُروج 34:2

وَ جَهِّزْ نَفْسَكْ. أَمْبَاكِرْ فَجُرْ، أَطْلَعْ فِي جَبَلْ سِينَاء وَ تَعَالْ لَيِّ فِي رَاسْ الْجَبَلْ.

خُروج 3:12

وَ الرَّبّ قَالْ: «أَنَا نُكُونْ مَعَاكْ وَ دِي هِي الْعَلَامَةْ التِّوَصِّفْ لَيْك كَدَرْ أَنَا بَسْ رَسَّلْتَكْ. وَ وَكِتْ إِنْتَ تَمْرُقْ بَنِي إِسْرَائِيلْ مِنْ مَصِرْ، إِنْتُو كُلُّكُو تَجُوا تَعَبُدُونِي فِي الْجَبَلْ دَا.»

لاوِيِّين 1:1

وَ اللّٰهْ نَادَى مُوسَى مِنْ خَيْمَةْ الْإِجْتِمَاعْ وَ قَالْ لَيَّهْ:

خُروج 19:20

وَ اللّٰهْ نَزَلْ فِي رَاسْ جَبَلْ سِينَاء وَ نَادَى مُوسَى لِيَرْكَبْ فِي رَاسْ الْجَبَلْ. وَ مُوسَى رِكِبْ.

خُروج 24:12

وَ اللّٰهْ قَالْ لِمُوسَى: «أَطْلَعْ لَيِّ فِي رَاسْ الْجَبَلْ وَ أَقْعُدْ فِي الْبَكَانْ دَا. وَ نَنْطِيكْ لِيحَانْ إِتْنَيْن هَنَا حَجَرْ الْأَنَا كَتَبْت فَوْقهُمْ الْوَصَايَا وَ الْقَوَانِينْ لِلنَّاسْ يِلْعَلَّمَوْهُمْ.»

خُروج 24:13

وَ مُوسَى شَالْ مَعَايَهْ مُسَاعِدَهْ يَشُوعْ وَ طَلَعَوْا فِي جَبَلْ اللّٰهْ.

خُروج 34:4

وَ مُوسَى سَوَّى لِيحَانْ إِتْنَيْن هَنَا حَجَرْ مِثِلْ اللِّيحَانْ الْأَوَّلْ. وَ أَمْبَاكِرْ فَجُرْ، رِكِبْ فِي جَبَلْ سِينَاء. وَ شَالْ اللِّيحَانْ دَوْل فِي إِيدَهْ مِثِلْ اللّٰهْ أَمَرَهْ بَيَّهْ.