خُروج 19:16 - الكتاب المقدس بالعربي الدارجي هنا تشاد

¹⁶ وَ فِي الْيَوْم التَّالِتْ بِفَجُرْ، الشَّعَبْ شَافَوْا بَرَّاقَةْ وَ سِمْعَوْا حِسّ هَنَا رَعَدْ وَ شَافَوْا سَحَابَايْ كَبِيرَةْ فِي الْجَبَلْ وَ سِمْعَوْا ضَرِبِينْ شَدِيدْ هَنَا بُوقْ. فِي الْبَكَانْ دَا، كُلَّ الشَّعَبْ الْقَاعِدِينْ فِي الْفَرِيقْ رَجَفَوْا.

خُروج 19:16 Referenca të Kryqëzuara

رُؤية 4:1

وَ بَعَدْ دَا، أَنَا شِفْت شَيّءْ آخَرْ. شِفْت بَابْ مَفْتُوحْ فِي السَّمَاءْ. وَ سِمِعْت بَتَّانْ نَفْس الْحِسّ الْأَوَّلْ سِمِعْتَهْ، الْحِسّ الْيِشَابِهْ مِثِلْ حِسّ بُرُنْجِي. وَ هُو حَجَّى لَيِّ وَ قَالْ: «تَعَالْ لَيِّ هِنِي فَوْق وَ نِوَصِّفَكْ الشَّيّءْ اللَّابُدَّ يَبْقَى بَعَدَيْن.»

عِبْرَانِيِّين 12:21

أَيْوَى، الشَّيّءْ الشَّافَوْه خَوَّفَاهُمْ مَرَّةْ وَاحِدْ لَحَدِّي مُوسَى كُلَ قَالْ: «أَنَا قَاعِدْ نَرْجِفْ مِنْ الْخَوْف.»

رُؤية 11:19

وَ بَيْت اللّٰهْ الْقَاعِدْ فِي السَّمَاوَاتْ أَنْفَتَحْ وَ صَنْدُوقْ مُعَاهَدَةْ اللّٰهْ أَنْشَافْ فِي بَيْت اللّٰهْ. وَ بَرَّاقَةْ شَلَعَتْ وَ حَرَكَةْ شَدِيدَةْ وَ رَعَدْ أَنْسَمَعَوْا وَ بِقِي زِلْزَالْ وَ بَرَدْ شَدِيدْ مَرَّةْ وَاحِدْ.

رُؤية 8:5

وَ بَعَدْ دَا، الْمَلَكْ شَالْ مُخْبَرَهْ وَ مَلَاهْ بِجَمُرْ مِنْ الْمَدْبَحْ وَ دَفَّقَهْ فِي الْأَرْض. وَ رَعَدْ وَ حَرَكَةْ شَدِيدَةْ أَنْسَمَعَوْا وَ بَرَّاقَةْ شَلَعَتْ وَ كَانْ زِلْزَالْ.

رُؤية 4:5

وَ شِفْت بَرَّاقَةْ تَشْلَعْ مِنْ الْعَرْش وَ سِمِعْت حَرَكَةْ شَدِيدَةْ وَ رَعَدْ. وَ قِدَّامْ الْعَرْش، أَنَا شِفْت سَبْعَةْ مَشَاهِيبْ النَّارْ وَ هُمَّنْ الْأَرْوَاحْ السَّبْعَةْ هَنَا اللّٰهْ.

زَبُور 77:18

رَعَدَكْ دَقْدَقْ وَ بَرَّاقْتَكْ نَوَّرَتْ الْعَالَمْ وَ الْأَرْض أَنْهَزَّتْ وَ رَجَفَتْ.

أيُّوب 38:25

يَاتُو يُفُكّ بَابْ السَّمَاءْ وَ يِنَزِّلْ الْمَطَرْ وَ يِسَوِّي دَرِبْ لِلْبَرَّاقَةْ وَ الرَّعَدْ؟

خُروج 20:18

وَكِتْ كُلَّ الشَّعَبْ سِمْعَوْا حِسّ الرَّعَدْ وَ شَافَوْا الْبَرَّاقَةْ وَ سِمْعَوْا حِسّ الْبُوقْ وَ شَافَوْا الْجَبَلْ قَاعِدْ يِدَخِّنْ، هُمَّنْ رَجَفَوْا مِنْ الْخَوْف وَ وَقَفَوْا بَعِيدْ.

خُروج 19:9

وَ اللّٰهْ قَالْ لِمُوسَى: «دَاهُو أَنَا نِقَابِلَكْ فِي سَحَابَايْ مُضَلِّمَةْ أَشَانْ كُلَّ الشَّعَبْ يَسْمَعَوْنِي وَكِتْ أَنَا نِكَلِّمْ مَعَاكْ. وَ بِمِثِلْ دَا، هُمَّنْ يِآمُنُوا بَيْك دَايْماً.» وَ فِي الْوَكِتْ دَا، مُوسَى حَجَّى كَلَامْ الشَّعَبْ لِلّٰهْ.

خُروج 9:23

وَ خَلَاصْ، مُوسَى رَفَعْ عَصَاتَهْ عَلَيْ السَّمَاءْ وَ اللّٰهْ رَسَّلْ دَقْدَاقْ وَ بَرَدْ وَ رَعَدْ نَزَلْ فِي الْأَرْض. وَ اللّٰهْ نَزَّلْ الْبَرَدْ دَا فِي كُلَّ بَلَدْ مَصِرْ.

رُؤية 1:10

وَ فِي يَوْم الرَّبّ، رُوحْ اللّٰهْ نَزَلْ فَوْقِي وَ سِمِعْت وَرَايِ حِسّ هَنَا نَادُمْ قَاعِدْ يِكَلِّمْ. حِسَّهْ شَدِيدْ مِثِلْ حِسّ الْبُرُنْجِي.

إرْمِيا 5:22

وَ مَالَا مَا تَخَافَوْا مِنِّي؟ وَ مَالَا مَا تَرْجُفُوا قِدَّامِي؟ أَنَا بَسْ الْخَطَّيْت تُرَابْ حَدّ دَايِمْ لِلْبَحَرْ، هُو مَا يُفُوتْ حُدُودَهْ. كَنْ هُو يُفُورْ وَ مَوْجَهْ يُقُمّ وَ يَضْرُبْ كُلَ، هُو مَا يَقْدَرْ يُفُوتْ الْحُدُودْ دَوْل. وَ دَا كَلَامْ اللّٰهْ.

زَبُور 97:4

بَرَّاقْتَهْ نَوَّرَتْ الْعَالَمْ، الْأَرْض شَافَتَهْ وَ رَجَفَتْ.

زَبُور 50:3

خَلِّي إِلٰـهْنَا يَجِي وَ خَلِّي مَا يَسْكُتْ! قِدَّامَهْ فِي نَارْ مُحْرِقَةْ وَ رِيحْ شَدِيدَةْ تُسُوقْ حَوَالَيَّهْ.

2 أخبار 5:14

وَ رُجَالْ الدِّينْ مَا قِدْرَوْا يِسَوُّوا خِدْمِتْهُمْ بِسَبَبْ السَّحَابَايْ دِي أَشَانْ مَجْد اللّٰهْ مَلَا بَيْتَهْ.

خُروج 40:34

وَ بَعَدْ دَا، السَّحَابَايْ غَطَّتْ خَيْمَةْ الْإِجْتِمَاعْ وَ مَجْد اللّٰهْ مَلَا الْخَيْمَةْ.

مَتَّى 24:31

وَ حِسّ الْبُرُنْجِي الْعَظِيمْ يِنْسَمِعْ وَ هُو يِرَسِّلْ مَلَائِكَتَهْ فِي أَيِّ جِيهَةْ أَشَانْ يِلِمُّوا النَّاسْ الْعَزَلَاهُمْ مِنْ أَيِّ بَكَانْ فِي الْأَرْض.

خُروج 19:11

وَ يُكُونُوا جَاهِزِينْ لِلْيَوْم التَّالِتْ أَشَانْ فِي الْيَوْم دَا، أَنَا اللّٰهْ نَنْزِلْ فِي جَبَلْ سِينَاء قِدَّامْ كُلَّ الشَّعَبْ.

خُروج 19:15

وَ هُو قَالْ لَيْهُمْ: «جَهُّزُوا نُفُوسْكُو لِلْيَوْم التَّالِتْ. مَا تَرُقْدُوا مَعَ عَوِينْكُو فِي الْمُدَّةْ دِي.»

خُروج 19:17

وَ مُوسَى مَرَقْ الشَّعَبْ بَرَّا مِنْ الْفَرِيقْ لِيِقَابُلُوا الرَّبّ. وَ هُمَّنْ وَقَفَوْا فِي قَعَرْ الْجَبَلْ.

خُروج 20:21

وَ الشَّعَبْ وَقَفَوْا بَعِيدْ وَ لَاكِنْ مُوسَى قَرَّبْ وَ دَخَلْ فِي الضَّلَامْ الْبَكَانْ الْقَاعِدْ فَوْقَهْ الرَّبّ.

تَثْنِية 5:5

وَ فِي الْوَكِتْ دَاكْ، أَنَا بِقِيتْ وَسِيطْ أَمْبَيْنكُو إِنْتُو وَ اللّٰهْ لِنِأَوْرِيكُو بِكَلَامَهْ. أَشَانْ إِنْتُو خُفْتُوا مِنْ النَّارْ وَ مَا طَلَعْتُوا فِي الْجَبَلْ. وَ اللّٰهْ قَالْ:

2 صَمُوِيل 22:10

«اللّٰهْ فَلَّ السَّمَاوَاتْ وَ دَلَّى مَعَ سَحَابَايْ ضَلْمَةْ تِحِتْ رِجِلَيْنَهْ.

نَاحُوم 1:3

اللّٰهْ هُو الصَّبُورْ وَ الْعَظِيمْ وَ الْقَادِرْ. وَ لَاكِنْ لِلْمُذْنِبْ، مَا يَجْعَلَهْ بَرِي. وَ يِسَوِّي دَرْبَهْ فِي رِيحْ أَمْ زَوْبَعَانَةْ وَ السَّحَابْ دَا عَجَاجَهْ الْهُو يِقَوِّمَهْ.

زَبُور 81:8

«يَا شَعَبِي، أَسْمَعَوْنِي عَدِيلْ! يَا بَنِي إِسْرَائِيلْ، نِحَذِّرْكُو كَنْ تَسْمَعَوْنِي.