خُروج 19:11 - الكتاب المقدس بالعربي الدارجي هنا تشاد

¹¹ وَ يُكُونُوا جَاهِزِينْ لِلْيَوْم التَّالِتْ أَشَانْ فِي الْيَوْم دَا، أَنَا اللّٰهْ نَنْزِلْ فِي جَبَلْ سِينَاء قِدَّامْ كُلَّ الشَّعَبْ.

خُروج 19:11 Referenca të Kryqëzuara

خُروج 19:16

وَ فِي الْيَوْم التَّالِتْ بِفَجُرْ، الشَّعَبْ شَافَوْا بَرَّاقَةْ وَ سِمْعَوْا حِسّ هَنَا رَعَدْ وَ شَافَوْا سَحَابَايْ كَبِيرَةْ فِي الْجَبَلْ وَ سِمْعَوْا ضَرِبِينْ شَدِيدْ هَنَا بُوقْ. فِي الْبَكَانْ دَا، كُلَّ الشَّعَبْ الْقَاعِدِينْ فِي الْفَرِيقْ رَجَفَوْا.

تَثْنِية 33:2

هُو قَالْ: اللّٰهْ جَاءْ لَيْهُمْ مِنْ سِينَاء وَ مِثِلْ الْحَرَّايْ، طَلَعْ مِنْ سَعِيرْ وَ مِنْ جَبَلْ فَارَانْ، نَوَّرْ. وَ جَاءْ بِآلَافْ مِنْ الْمَلَائِكَةْ مَعَايَهْ وَ مِنْ إِيدَهْ الزَّيْنَةْ تَمْرُقْ نَارْ.

خُروج 34:5

وَ خَلَاصْ، اللّٰهْ نَزَلْ فِي عَمُودْ السَّحَابْ فِي الْبَكَانْ الْمُوسَى وَاقِفْ فَوْقَهْ. وَ عَالَنْ أُسْمَهْ هُو اللّٰهْ.

يُوحَنَّا 6:38

أَنَا نَزَلْت لَيْكُو مِنْ السَّمَاءْ أَشَانْ نِسَوِّي حَسَبْ الْيِدَوْرَهْ اللّٰهْ الرَّسَّلَانِي وَ مَا أَشَانْ نِسَوِّي حَسَبْ النِّدَوْرَهْ أَنَا.

يُوحَنَّا 3:13

مَا فِي نَادُمْ وَاحِدْ طَلَعْ فِي السَّمَاءْ إِلَّا إِبْن الْإِنْسَانْ النَّزَلْ مِنْ السَّمَاءْ.

زَبُور 144:5

يَا اللّٰهْ! فِلّ سَمَاوَاتَكْ وَ دَلِّي، أَلْمَسْ الْجِبَالْ وَ يِدَخُّنُوا!

زَبُور 18:9

اللّٰهْ فَلَّ السَّمَاوَاتْ وَ دَلَّى مَعَ سَحَابَايْ ضَلْمَةْ تِحِتْ رِجِلَيْنَهْ.

عَدد 11:17

وَ فِي الْبَكَانْ دَا، أَنَا نَنْزِلْ وَ نِكَلِّمْ مَعَاكْ وَ نِشِيلْ مِنْ الرُّوحْ الْقَاعِدْ فَوْقَكْ وَ نُخُطَّهْ فَوْقهُمْ. وَ بَيْدَا، هُمَّنْ يِشِيلُوا مَعَاكْ مَسْؤُولِيَّةْ الشَّعَبْ وَ بَتَّانْ إِنْتَ مَا تِشِيلْهَا وِحَيْدَكْ.

خُروج 19:20

وَ اللّٰهْ نَزَلْ فِي رَاسْ جَبَلْ سِينَاء وَ نَادَى مُوسَى لِيَرْكَبْ فِي رَاسْ الْجَبَلْ. وَ مُوسَى رِكِبْ.

خُروج 19:18

وَ كُلَّ جَبَلْ سِينَاء مُغَطَّى بِدُخَّانْ أَشَانْ اللّٰهْ نَزَلْ فَوْقَهْ بِنَارْ. الدُّخَّانْ يَطْلَعْ مِنْ الْجَبَلْ مِثِلْ دُخَّانْ الْفُرُنْ وَ كُلَّ الْجَبَلْ رَجَفْ بِشِدَّةْ.

خُروج 3:8

أَشَانْ دَا، أَنَا جِيتْ لِنِنَجِّيهُمْ مِنْ إِيدْ الْمَصْرِيِّينْ وَ نِوَدِّيهُمْ فِي بَلَدْ آخَرَةْ وَ هِي سَمْحَةْ وَ وَسِيعَةْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ. وَ هَسَّعْ، النَّاسْ السَّاكْنِينْ فَوْقهَا هُمَّنْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

تكوين 11:5

وَ وَكِتْ النَّاسْ يِدَوْرُوا يَلْحَقَوْا السَّمَاءْ، مِنْ فَوْق اللّٰهْ شَافَاهُمْ وَ شَافْ الْمَدِينَةْ وَ الْقَصِرْ الْبَنِي آدَم قَاعِدِينْ يَبْنُوهْ.

خُروج 34:2

وَ جَهِّزْ نَفْسَكْ. أَمْبَاكِرْ فَجُرْ، أَطْلَعْ فِي جَبَلْ سِينَاء وَ تَعَالْ لَيِّ فِي رَاسْ الْجَبَلْ.

يَشُوع 3:5

وَ يَشُوعْ قَالْ لِلشَّعَبْ: «خَصُّصُوا نُفُوسْكُو أَشَانْ أَمْبَاكِرْ اللّٰهْ يِسَوِّي عَجَايِبْ فِي أُسُطْكُو.»

نَحَمْيا 9:13

«وَ إِنْتَ نَزَلْت لَيْهُمْ فِي رَاسْ جَبَلْ سِينَاء وَ حَجَّيْت لَيْهُمْ مِنْ السَّمَاءْ وَ أَنْطَيْتهُمْ قَوَانِينْ عَدِيلِينْ وَ التَّوْرَاةْ الْمُكَرَّمْ وَ شُرُوطْ وَ وَصَايَا زَيْنِينْ.

خُروج 24:16

وَ مَجْد اللّٰهْ قَعَدْ فِي جَبَلْ سِينَاء. فِي مُدَّةْ سِتَّةْ يَوْم، السَّحَابَايْ سَدَّتْ الْجَبَلْ. وَ فِي الْيَوْم السَّابِعْ، اللّٰهْ نَادَى مُوسَى مِنْ أُسْط السَّحَابَايْ.

خُروج 24:17

وَ فِي عُيُونْ بَنِي إِسْرَائِيلْ، مَجْد اللّٰهْ أَنْشَافْ مِثِلْ النَّارْ الْقَاعِدَةْ تَاكُلْ فِي رَاسْ الْجَبَلْ.

تَثْنِية 4:10

فَكُّرُوا فِي الْيَوْم الْوَقَفْتُوا فَوْقَهْ قِدَّامْ اللّٰهْ إِلٰـهْكُو فِي جَبَلْ حُورِيبْ وَكِتْ اللّٰهْ قَالْ لَيِّ: «لِمّ لَيِّ الشَّعَبْ أَشَانْ يَسْمَعَوْا الْكَلَامْ النُّقُولَهْ لَيْهُمْ وَ بَيْدَا، يِلْعَلَّمَوْا كِكَّيْف يَخَافَوْا مِنِّي فِي كُلَّ مُدَّةْ حَيَاتْهُمْ. وَ يِعَلُّمُوهْ لِأَوْلَادْهُمْ كُلَ.»