خُروج 19:10 - الكتاب المقدس بالعربي الدارجي هنا تشاد

¹⁰ وَ اللّٰهْ قَالْ لِمُوسَى: «قَبِّلْ لِلشَّعَبْ وَ خَصِّصْهُمْ الْيَوْم وَ أَمْبَاكِرْ. وَ خَلِّي يِغَسُّلُوا خُلْقَانْهُمْ.

خُروج 19:10 Referenca të Kryqëzuara

عِبْرَانِيِّين 10:22

أَشَانْ دَا، خَلِّي نِقَرُّبُوا لِلّٰهْ بِقَلِبْ مُخْلِصْ وَ بِإِيمَانْ كَامِلْ، بِقُلُوبْنَا الْمُطَهَّرِينْ بِدَمَّهْ وَ أَجْسَامْنَا كَمَانْ مِثِلْ نَضَّفْنَاهُمْ بِالْأَلْمِي الصَّافِي.

لاوِيِّين 11:25

وَ أَيِّ نَادُمْ الْيِشِيلْ رِمِّتْهُمْ، وَاجِبْ يِغَسِّلْ خُلْقَانَهْ وَ يُكُونْ نِجِسْ لَحَدِّي الْعَشِيَّةْ.

تكوين 35:2

وَ يَعْقُوبْ قَالْ لِعَايِلْتَهْ وَ لِكُلَّ النَّاسْ الْقَاعِدِينْ مَعَايَهْ: «بَعُّدُوا مِنْكُو الْأَصْنَامْ الْأَجْنَبِيِّينْ وَ طَهُّرُوا قُلُوبْكُو وَ غَيَّرَوْا خُلْقَانْكُو.

1 كُرُنْتُس 6:11

وَ نَاسْ وَاحِدِينْ مِنْكُو أَوَّلْ قَاعِدِينْ يِسَوُّوا الذُّنُوبْ دَوْل. لَاكِنْ اللّٰهْ غَسَّلَاكُو وَ سَوَّاكُو خَاصِّينْ لَيَّهْ وَ جَعَلَاكُو صَالِحِينْ بِأُسُمْ رَبِّنَا عِيسَى الْمَسِيحْ وَ بِقُدْرَةْ رُوحْ اللّٰهْ إِلٰـهْنَا.

عَدد 8:21

وَ اللَّاوِيِّينْ طَهَّرَوْا نُفُوسْهُمْ وَ غَسَّلَوْا خُلْقَانْهُمْ وَ هَارُونْ قَدَّمَاهُمْ مِثِلْ هَدِيَّةْ مَرْفُوعَةْ لِلّٰهْ. وَ سَوَّى لَيْهُمْ الْكَفَّارَةْ أَشَانْ يَبْقَوْا طَاهِرِينْ.

لاوِيِّين 15:5

وَ النَّادُمْ الْيَلْمَسْ سَرِيرَهْ، وَاجِبْ يِغَسِّلْ خُلْقَانَهْ وَ يِلْبَرَّدْ. وَ بَيْدَا كُلَ، يُكُونْ نِجِسْ لَحَدِّي الْعَشِيَّةْ.

يَشُوع 3:5

وَ يَشُوعْ قَالْ لِلشَّعَبْ: «خَصُّصُوا نُفُوسْكُو أَشَانْ أَمْبَاكِرْ اللّٰهْ يِسَوِّي عَجَايِبْ فِي أُسُطْكُو.»

عَدد 8:7

وَ دَاهُو الشَّيّءْ التِّسَوِّيهْ لِيَبْقَوْا طَاهِرِينْ. رُشُّهُمْ بِأَلْمِي التَّطْهِيرْ وَ خَلِّي يِزَيُّنُوا كُلَّ جِلِدْهُمْ وَ يِغَسُّلُوا خُلْقَانْهُمْ وَ بَيْدَا، خَلَاصْ يَبْقَوْا طَاهِرِينْ.

رُؤية 7:14

وَ رَدَّيْت لَيَّهْ وَ قُلْت: «يَا السَّيِّدْ، إِنْتَ بَسْ تَعَرْفَهْ.» وَ هُو قَالْ: «دَوْل النَّاسْ الْقَعَدَوْا ثَابْتِينْ وَ مَرَقَوْا مِنْ الضِّيقَةْ الْكَبِيرَةْ. هُمَّنْ النَّاسْ الْغَسَّلَوْا خُلْقَانْهُمْ بِدَمّ الْحَمَلْ وَ مِثِلْ دَا، سَوَّوْا خُلْقَانْهُمْ بُيُضْ.

يَشُوع 7:13

قُمّ أَمْشِي خَصِّصْ الشَّعَبْ وَ قُولْ لَيْهُمْ: ‹خَصُّصُوا نُفُوسْكُو لِأَمْبَاكِرْ أَشَانْ دَاهُو اللّٰهْ إِلٰـهْ بَنِي إِسْرَائِيلْ قَالْ: ”فِي خُمَامْ حَرَامْ قَاعِدْ فِي أُسُطْكُو، يَا بَنِي إِسْرَائِيلْ. وَ إِنْتُو مَا تَقْدَرَوْا تَوَاجُهُوا عُدْوَانْكُو كَنْ مَا مَرَقْتُوا الْخُمَامْ الْحَرَامْ دَا مِنْ أُسُطْكُو.

2 أخبار 29:5

وَ قَالْ لَيْهُمْ: «أَسْمَعَوْا، يَا اللَّاوِيِّينْ. هَسَّعْ دَا، خَصُّصُوا نُفُوسْكُو وَ طَهُّرُوا بَيْت اللّٰهْ رَبّ جُدُودْكُو وَ أَمُرْقُوا النَّجَاسَةْ مِنْ الْبَيْت الْمُقَدَّسْ.

عَدد 31:24

وَ تِغَسُّلُوا خُلْقَانْكُو فِي الْيَوْم السَّابِعْ وَ خَلَاصْ تَبْقَوْا طَاهِرِينْ. وَ بَعَدْ دَا، تَدْخُلُوا فِي الْفَرِيقْ.»

أيُّوب 1:5

وَ وَكِتْ أَيَّامْ الْعَازُومَةْ يِكَمُّلُوا، أَيُّوبْ يُقُمّ بِفَجُرْ بَدْرِي وَ يِقَدِّمْ ضَحِيَّةْ مُحَرَّقَةْ لِأَيِّ وَاحِدْ مِنْ عِيَالَهْ لِيِسَوِّيهُمْ طَاهِرِينْ. أَشَانْ هُو يُقُولْ: «أَكُونْ عِيَالِي سَوَّوْا ذَنِبْ وَ كَفَرَوْا بِالرَّبّ!» وَ أَيُّوبْ يِسَوِّي مِثِلْ دَا فِي كُلِّ مَرَّةْ.

2 أخبار 29:34

وَ لَاكِنْ رُجَالْ الدِّينْ هُمَّنْ شِيَّةْ، مَا قِدْرَوْا يَسْلَخَوْا كُلَّ الضَّحَايَا دَوْل. وَ أَخْوَانْهُمْ اللَّاوِيِّينْ جَوْا وَ سَاعَدَوْهُمْ لَحَدِّي كَمَّلَوْا الْخِدْمَةْ دِي وَ لَحَدِّي رُجَالْ الدِّينْ خَصَّصَوْا نُفُوسْهُمْ. أَشَانْ اللَّاوِيِّينْ عِنْدُهُمْ نِيَّةْ مُخْلِصَةْ وَ خَصَّصَوْا نُفُوسْهُمْ لِخِدْمَةْ اللّٰهْ زِيَادَةْ مِنْ رُجَالْ الدِّينْ.

1 صَمُوِيل 16:5

وَ صَمُوِيلْ قَالْ: «عَافَيْ بَسْ! جِيتْ لِنِقَدِّمْ ضَحِيَّةْ لِلّٰهْ. خَصُّصُوا نُفُوسْكُو وَ تَعَالُوا مَعَايِ فِي الضَّحِيَّةْ دِي.» وَ هُو خَصَّصْ يَسَّى وَ عِيَالَهْ وَ عَزَمَاهُمْ فِي الضَّحِيَّةْ.

رُؤية 22:14

وَ مَبْرُوكْ لِلنَّاسْ الْيِغَسُّلُوا خُلْقَانْهُمْ أَشَانْ كَنْ خُلْقَانْهُمْ نُضَافْ، عِنْدُهُمْ حَقّ يَاكُلُوا مِنْ عِيَالْ شَدَرَةْ الْحَيَاةْ وَ يَمْشُوا لِلْبِيبَانْ وَ يِنْدَسَّوْا فِي الْمَدِينَةْ.

عَدد 11:18

وَ قُولْ لِلشَّعَبْ: ‹خَصُّصُوا نُفُوسْكُو وَ أَمْبَاكِرْ تَاكُلُوا لَحَمْ أَشَانْ اللّٰهْ سِمِعْ بَكِيكُو وَكِتْ قُلْتُوا: ”الْجَحَمْ كَتَلْنَا نِدَوْرُوا لَحَمْ نَاكُلُوا! أَيْوَى، أَخَيْر لَيْنَا كَنْ قَعَدْنَا فِي مَصِرْ.“ وَ فِي شَانْ دَا، اللّٰهْ يَنْطِيكُو لَحَمْ وَ إِنْتُو تَاكُلُوهْ.

عَدد 19:19

وَ الرَّاجِلْ الطَّاهِرْ يُرُشّ النَّادُمْ النِّجِسْ فِي الْيَوْم التَّالِتْ وَ الْيَوْم السَّابِعْ. وَ فِي الْيَوْم السَّابِعْ دَا، خَطَايَهْ يِنْمَحِي. وَ بَعَدْ دَا، يِغَسِّلْ خُلْقَانَهْ وَ يِلْبَرَّدْ وَ بِعَشِيَّةْ هُو يَبْقَى طَاهِرْ.

2 صَمُوِيل 19:24

وَ مَفِيبُشَتْ وِلَيْد وِلَيْدَهْ لِشَاوُولْ، هُو كُلَ مَشَى يِقَابِلْ الْمَلِكْ. وَ هُو مَا غَسَّلْ رِجِلَيْنَهْ وَ لَا خُلْقَانَهْ وَ لَا عَدَّلْ دِقْنَهْ مِنْ يَوْم الْمَلِكْ مَرَقْ لَحَدِّي يَوْم قَبَّلْ بِالسَّلَامَةْ فِي أُورُشَلِيمْ.

عَدد 31:23

وَ أَيِّ شَيّءْ الْيَحْمَلْ النَّارْ، دِسُّوهْ فِي النَّارْ لِيَبْقَى طَاهِرْ. وَ بَعَدْ دَا، تِطَهُّرُوهْ بِأَلْمِي التَّطْهِيرْ كُلَ. وَ أَيِّ شَيّءْ الْمَا يَحْمَلْ النَّارْ، دِسُّوهْ فِي أَلْمِي التَّطْهِيرْ دَا.