خُروج 18:9 - الكتاب المقدس بالعربي الدارجي هنا تشاد

⁹ وَ يَسْرُونْ فِرِحْ بِكُلَّ الْخَيْر الْاللّٰهْ سَوَّاهْ لِبَنِي إِسْرَائِيلْ وَكِتْ نَجَّاهُمْ مِنْ الْمَصْرِيِّينْ.

خُروج 18:9 Referenca të Kryqëzuara

1 كُرُنْتُس 12:26

وَ كَنْ وَاحِدْ مِنْهُمْ تَعْبَانْ، كُلُّهُمْ تَعْبَانِينْ سَوَا. وَ كَنْ وَاحِدْ يَلْقَى شَرَفْ، كُلُّهُمْ فَرْحَانِينْ سَوَا.

رَوْمَا 12:15

أَفْرَحَوْا مَعَ الْفَرْحَانِينْ وَ أَحْزَنَوْا مَعَ الْحَزْنَانِينْ.

رَوْمَا 12:10

أَرَّايَدَوْا أَمْبَيْنَاتْكُو مِثِلْ أَخْوَانْ وَ خَلِّي أَيِّ وَاحِدْ يِشِيلْ نِيَّةْ أَشَانْ يِحِبّ أَخُوهْ بِإِحْتِرَامْ.

إشَعْيا 66:10

«أَفْرَحَوْا مَعَ مَدِينَةْ الْقُدُسْ وَ أَنْبَسْطُوا بَيْهَا، إِنْتُو كُلُّكُو التِّحِبُّوهَا! أَفْرَحَوْا مَعَاهَا بِسُرُورْ، إِنْتُو كُلُّكُو الْحِزِنْتُوا فِي شَانْهَا.

إشَعْيا 44:23

يَا السَّمَاوَاتْ، زَغْرُطُوا أَشَانْ اللّٰهْ سَوَّى الشَّيّءْ دَا! أَفْرَحَيْ، يَا أَرْض التِّحِتْ! وَ يَا جِبَالْ وَ إِنْتُو الْغَابَاتْ وَ كُلَّ شَدَرْكُو، غَنُّوا بِالْفَرَحْ! أَشَانْ اللّٰهْ فَدَى يَعْقُوبْ وَ يِوَصِّفْ مَجْدَهْ فِي إِسْرَائِيلْ.

1 صَمُوِيل 15:6

وَ شَاوُولْ قَالْ لِلْقِينِيِّينْ: «أَمُرْقُوا مِنْ أُسْط الْعَمَالِقْ وَ أَمْشُوا! مَا نِدَمِّرْكُو مَعَاهُمْ أَشَانْ إِنْتُو سَوَّيْتُوا الْخَيْر لِبَنِي إِسْرَائِيلْ وَكِتْ هُمَّنْ مَارْقِينْ مِنْ بَلَدْ مَصِرْ.» وَ خَلَاصْ، الْقِينِيِّينْ أَنْفَرَقَوْا مِنْ الْعَمَالِقْ.

إشَعْيا 63:7

أَنَا نِذَّكَّرْ رَحْمَةْ اللّٰهْ وَ عَمَلَهْ الْوَاجِبْ لَيَّهْ الشُّكُرْ حَسَبْ كُلَّ شَيّءْ السَّوَّاهْ لَيْنَا اللّٰهْ. أَيْوَى، خَيْرَهْ الْكَبِيرْ لِبَنِي إِسْرَائِيلْ، عَدَالْتَهْ السَّوَّاهَا حَسَبْ خَيْرَهْ الْمَا عِنْدَهْ حَدّ.

إشَعْيا 44:22

مِثِلْ الرِّيحْ تِشِيلْ السَّحَابْ، أَنَا مَحَيْت ذُنُوبَكْ. وَ مِثِلْ الرِّيحْ تِشِيلْ الْغَمَامْ، أَنَا قَشَّيْت خَطَايَاكْ. قَبِّلْ لَيِّ أَشَانْ أَنَا فَدَيْتَكْ.