خُروج 18:5 - الكتاب المقدس بالعربي الدارجي هنا تشاد

⁵ وَ يَسْرُونْ نَسِيبْ مُوسَى شَالْ الْعِيَالْ وَ أَمُّهُمْ وَ مَاشِي يِوَدِّيهُمْ لِمُوسَى فِي الصَّحَرَاء قَرِيبْ لِجَبَلْ اللّٰهْ الْبَكَانْ الْمُوسَى نَزَلْ فَوْقَهْ.

خُروج 18:5 Referenca të Kryqëzuara

خُروج 3:1

وَ مُوسَى قَاعِدْ يَسْرَحْ بِغَنَمْ هَنَا نَسِيبَهْ يَسْرُونْ وَ هُو بَسْ رَاجِلْ الدِّينْ هَنَا بَلَدْ مِدْيَانْ. وَ يَوْم وَاحِدْ، مُوسَى سَاقْ الْغَنَمْ غَادِي لِلصَّحَرَاء وَ وِصِلْ فِي جَبَلْ اللّٰهْ الْأُسْمَهْ حُورِيبْ.

خُروج 3:12

وَ الرَّبّ قَالْ: «أَنَا نُكُونْ مَعَاكْ وَ دِي هِي الْعَلَامَةْ التِّوَصِّفْ لَيْك كَدَرْ أَنَا بَسْ رَسَّلْتَكْ. وَ وَكِتْ إِنْتَ تَمْرُقْ بَنِي إِسْرَائِيلْ مِنْ مَصِرْ، إِنْتُو كُلُّكُو تَجُوا تَعَبُدُونِي فِي الْجَبَلْ دَا.»

1 مُلوك 19:8

وَ إِلِيَاسْ قَمَّ أَكَلْ وَ شِرِبْ. وَ بَعَدْ لِقِي قُدْرَةْ مِنْ الْأَكِلْ دَا، رَاغْ مُدَّةْ 40 لَيْلَةْ وَ 40 نَهَارْ لَحَدِّي وِصِلْ فِي جَبَلْ اللّٰهْ الْأُسْمَهْ حُورِيبْ.

خُروج 19:20

وَ اللّٰهْ نَزَلْ فِي رَاسْ جَبَلْ سِينَاء وَ نَادَى مُوسَى لِيَرْكَبْ فِي رَاسْ الْجَبَلْ. وَ مُوسَى رِكِبْ.

خُروج 19:11

وَ يُكُونُوا جَاهِزِينْ لِلْيَوْم التَّالِتْ أَشَانْ فِي الْيَوْم دَا، أَنَا اللّٰهْ نَنْزِلْ فِي جَبَلْ سِينَاء قِدَّامْ كُلَّ الشَّعَبْ.

خُروج 4:27

وَ أَوَّلْ، اللّٰهْ قَالْ لِهَارُونْ: «أَمْشِي غَادِي لِلصَّحَرَاء أَشَانْ تِلَاقِي مُوسَى.» وَ هَارُونْ مَشَى لَاقَى أَخُوهْ مُوسَى فِي جَبَلْ اللّٰهْ وَ سَلَّمَهْ وَ حَبَّاهْ.

خُروج 18:6

وَ يَسْرُونْ رَسَّلْ خَبَرْ لِنَسِيبَهْ مُوسَى وَ قَالْ: «دَاهُونِي أَنَا جَايِ لَيْك وَ جَايِبْ مَعَايِ مَرْتَكْ صِفُّورَةْ وَ عِيَالْهَا.»

خُروج 24:13

وَ مُوسَى شَالْ مَعَايَهْ مُسَاعِدَهْ يَشُوعْ وَ طَلَعَوْا فِي جَبَلْ اللّٰهْ.