خُروج 18:1 - الكتاب المقدس بالعربي الدارجي هنا تشاد

¹ يَسْرُونْ رَاجِلْ الدِّينْ هَنَا بَلَدْ مِدْيَانْ وَ هُو نَسِيبْ مُوسَى. وَ سِمِعْ بِكُلَّ شَيّءْ الرَّبّ سَوَّاهْ لِمُوسَى وَ لِشَعَبَهْ بَنِي إِسْرَائِيلْ وَ كِكَّيْف اللّٰهْ مَرَقَاهُمْ مِنْ بَلَدْ مَصِرْ.

خُروج 18:1 Referenca të Kryqëzuara

خُروج 3:1

وَ مُوسَى قَاعِدْ يَسْرَحْ بِغَنَمْ هَنَا نَسِيبَهْ يَسْرُونْ وَ هُو بَسْ رَاجِلْ الدِّينْ هَنَا بَلَدْ مِدْيَانْ. وَ يَوْم وَاحِدْ، مُوسَى سَاقْ الْغَنَمْ غَادِي لِلصَّحَرَاء وَ وِصِلْ فِي جَبَلْ اللّٰهْ الْأُسْمَهْ حُورِيبْ.

خُروج 2:16

وَ فِيَّهْ رَاجِلْ دِينْ وَاحِدْ أُسْمَهْ رَعُوِيلْ فِي بَلَدْ مِدْيَانْ عِنْدَهْ سَبْعَةْ بَنَاتْ. وَ هِنَّ جِنْ لِيِسِلَّنْ أَلْمِي مِنْ الْبِيرْ وَ يَمْلَنْ الْحِيطَانْ لِيَزْقَنْ غَنَمْ أَبُوهِنْ.

أعمال الرُسُل 14:27

وَ وَكِتْ وِصْلَوْا خَلَاصْ، نَادَوْا كُلَّ جَمَاعَةْ الْمُؤمِنِينْ يِلِمُّوا. وَ أَوْرَوْهُمْ بِكُلَّ شَيّءْ الْاللّٰهْ سَوَّاهْ بَيْهُمْ وَ كِكَّيْف اللّٰهْ فَتَحْ دَرِبْ الْإِيمَانْ لِلنَّاسْ الْمَا يَهُودْ.

زَكَرِيَّا 8:23

وَ دَاهُو اللّٰهْ الْقَادِرْ قَالْ: «فِي الْوَكِتْ دَا، يَجُوا مِنْ الْأُمَمْ عَشَرَةْ رُجَالْ أَيِّ وَاحِدْ بِلُغِّتَهْ. وَ كُلَّ الرُّجَالْ دَوْل يَكُرْبُوا دَايِرْ خَلَقْ هَنَا وَاحِدْ مِنْ الْيَهُودْ وَ يَشْحَدَوْه وَ يُقُولُوا لَيَّهْ: ‹خَلُّونَا نَمْشُوا مَعَاكُو أَشَانْ سِمِعْنَا كَدَرْ الرَّبّ قَاعِدْ مَعَاكُو.›»

زَبُور 106:2

مَا فِي الْيَقْدَرْ يِحَجِّي بِكُلَّ أَعْمَالْ اللّٰهْ! مَا فِي الْحِسَّهْ يِنْسَمِعْ بِكُلَّ شُكْرَهْ!

زَبُور 105:43

هُو مَرَقْ شَعَبَهْ بِفَرَحْ وَ مَرَقْ الْعَزَّلَاهُمْ بِزَغْرَاطْ.

زَبُور 78:4

أَنِحْنَ مَا نِلَبُّدُوهْ مِنْ عِيَالْهُمْ وَ لَاكِنْ لِذُرِّيِّتْهُمْ التَّجِي بَعَدْهُمْ، نِحَجُّوا لَيْهُمْ بِحَمْد اللّٰهْ وَ قُدُرْتَهْ وَ عَجَايْبَهْ الْهُو سَوَّاهُمْ.

زَبُور 44:1

يَا إِلٰـهْنَا! أَنِحْنَ سِمِعْنَا كَلَامْ جُدُودْنَا. وَ هُمَّنْ كَلَّمَوْا لَيْنَا بِالشَّيّءْ السَّوَّيْتَهْ لَيْهُمْ فِي وَكِتْهُمْ، فِي الزَّمَنْ الْفَاتْ.

زَبُور 34:2

أَنَا نِمَجِّدْ اللّٰهْ وَ الْمَسَاكِينْ يَسْمَعَوْا وَ يَفْرَحَوْا.

يَشُوع 9:9

وَ هُمَّنْ قَالَوْا لَيَّهْ: «أَنِحْنَ عَبِيدَكْ جَايِينْ مِنْ بَلَدْ بَعِيدَةْ مَرَّةْ وَاحِدْ فِي شَانْ أُسُمْ اللّٰهْ إِلٰـهَكْ أَشَانْ سِمِعْنَا بِأُسْمَهْ وَ بِكُلَّ شَيّءْ السَّوَّاهْ فِي مَصِرْ.

يَشُوع 2:10

سِمِعْنَا كَدَرْ اللّٰهْ يَبَّسْ لَيْكُو الْبَحَرْ الْأَحْمَرْ وَكِتْ مَرَقْتُوا مِنْ بَلَدْ مَصِرْ. وَ سِمِعْنَا كِكَّيْف دَمَّرْتُوا سِيحُونْ وَ عُوقْ الْمُلُوكْ الْإِتْنَيْن هَنَا الْأَمُورِيِّينْ الْقَعَدَوْا صَبَاحْ لِبَحَرْ الْأُرْدُنْ.

رَوْمَا 15:18

وَ أَبَداً مَا نِدَوْر نِحَجِّي بِأَيِّ خِدْمَةْ إِلَّا الْخِدْمَةْ الْعِيسَى الْمَسِيحْ سَوَّاهَا بَيِّ أَشَانْ الْأُمَمْ يِطِيعُوا اللّٰهْ. هُو خَدَمْ بِكَلَامْ وَ بِفِعِلْ

أعمال الرُسُل 15:12

وَ خَلَاصْ، كُلَّ النَّاسْ اللَّامِّينْ سَكَتَوْا وَ بَدَوْا يَسْمَعَوْا كَلَامْ بَرْنَابَا وَ بُولُسْ. وَ هُمَّنْ أَوْرَوْهُمْ بِالْعَلَامَاتْ وَ الْعَجَايِبْ الْاللّٰهْ سَوَّاهُمْ بِوَاسِطَتْهُمْ فِي أُسْط النَّاسْ الْمَا يَهُودْ.

إرْمِيا 33:9

وَ الْمَدِينَةْ دِي، تَبْقَى لَيِّ فَرَحْ وَ تِجِيبْ لَيِّ شُكُرْ وَ شَرَفْ قِدَّامْ كُلَّ أُمَمْ الْأَرْض الْيَسْمَعَوْا بِالْخَيْر الْأَنَا سَوَّيْتَهْ لِشَعَبِي. وَ الْأُمَمْ دَوْل يَخَافَوْا وَ يِبَرْجُلُوا بِسَبَبْ كُلَّ الْخَيْر وَ السَّلَامْ الْأَنَا جِبْتَهْ فِي الْمَدِينَةْ دِي.»

زَبُور 105:5

أَذَّكَّرَوْا عَجَايْبَهْ السَّوَّاهُمْ، أَيْوَى، عَجَايْبَهْ وَ قَوَانِينَهْ الْأَمَرْ بَيْهُمْ

قُضياء 4:11

وَ فِي الْوَكِتْ دَا، حَابَرْ الْقِينِي أَنْفَرَقْ مِنْ الْقِينِيِّينْ الْآخَرِينْ الْمِنْ عِيَالْ حُبَابْ نَسِيبْ مُوسَى. وَ بَنَى خَيْمِتَهْ جَنْب الشَّدَرَةْ الْكَبِيرَةْ هَنَا صَعْنَنِيمْ قَرِيبْ لِقَدَشْ.

عَدد 10:29

وَ مُوسَى قَالْ لِحُبَابْ وِلَيْد نَسِيبَهْ رَعُوِيلْ الْمِدْيَانِي: «أَنِحْنَ سَايْرِينْ لِلْبَكَانْ الْاللّٰهْ قَالْ يَنْطِيهْ لَيْنَا. تَعَالْ نَمْشُوا سَوَا وَ نِسَوُّوا لَيْك الْخَيْر أَشَانْ اللّٰهْ قَالْ يِسَوِّي لِبَنِي إِسْرَائِيلْ الْخَيْر.»

خُروج 4:18

وَ وَكِتْ مُوسَى قَاعِدْ فِي بَلَدْ مِدْيَانْ، اللّٰهْ قَالْ لَيَّهْ: «قَبِّلْ أَمْشِي فِي مَصِرْ أَشَانْ كُلَّ النَّاسْ الدَّوَّرَوْا يَكْتُلُوكْ مَاتَوْا.» وَ خَلَاصْ، مُوسَى قَمَّ مَشَى لِيَسْرُونْ نَسِيبَهْ وَ قَالْ لَيَّهْ: «أَنْطِينِي إِذِنْ نَمْشِي نِشِيفْ أَهَلِي فِي مَصِرْ لِنَعَرِفْ كَنْ هُمَّنْ قَاعِدِينْ حَيِّينْ.» وَ يَسْرُونْ قَالْ لِمُوسَى: «أَمْشِي بِالسَّلَامْ.»

خُروج 2:21

وَ مُوسَى قَصَّدْ يَقْعُدْ فِي بَيْت الرَّاجِلْ دَا. وَ الرَّاجِلْ دَا جَوَّزْ بِنَيِّتَهْ صِفُّورَةْ لِمُوسَى.

خُروج 2:18

وَكِتْ الْبَنَاتْ قَبَّلَنْ فِي بَيْت أَبُوهِنْ رَعُوِيلْ، هُو سَأَلَاهِنْ: «مَالَا الْيَوْم قَبَّلْتَنْ عَجَلَةْ كَيْ؟»

خُروج 6:6

فِي شَانْ دَا، قُولْ لِبَنِي إِسْرَائِيلْ: ‹أَنَا اللّٰهْ. نَمْرُقْكُو مِنْ الْعُبُودِيَّةْ وَ نِنَجِّيكُو مِنْ الْخِدْمَةْ الْقَاسِيَةْ هَنَا الْمَصْرِيِّينْ. وَ نَفْدَاكُو بِدُرَاعْ قَوِي وَ بِعِقَابْ عَجِيبْ.

قُضياء 1:16

وَ ذُرِّيَّةْ قِينِي نَسِيبْ مُوسَى مَرَقَوْا مِنْ مَدِينَةْ النَّخَلْ وَ مَشَوْا مَعَ قَبِيلَةْ يَهُوذَا فِي كَدَادَةْ يَهُوذَا عَلَيْ جُنُوبْ عَرَادْ. وَ هُمَّنْ سَكَنَوْا مَعَ الشَّعَبْ هِنَاكْ.