خُروج 16:7 - الكتاب المقدس بالعربي الدارجي هنا تشاد

⁷ وَ أَمْبَاكِرْ فَجُرْ، تِشِيفُوا مَجْد اللّٰهْ يِبِينْ لَيْكُو أَشَانْ هُو سِمِعْ لُوَامِتْكُو. كَنْ لَيْنَا أَنِحْنَ، أَنِحْنَ كَيْ شُنُو الْإِنْتُو تُلُومُونَا؟»

خُروج 16:7 Referenca të Kryqëzuara

إشَعْيا 40:5

خَلَاصْ، مَجْد اللّٰهْ يِبِينْ وَ كُلَّ النَّاسْ يِشِيفُوهْ سَوَا!» وَ دَا كَلَامْ اللّٰهْ الْقَالَهْ.

عَدد 16:11

أَشَانْ دَا بَسْ، إِنْتَ وَ كُلَّ نَاسَكْ قَمَّيْتُوا ضِدّ اللّٰهْ. وَ هَارُونْ كَيْ، هُو يَاتُو إِنْتُو تُلُومُوهْ؟»

يُوحَنَّا 11:40

وَ عِيسَى قَالْ لَيْهَا: «أَنَا مَا أَوْرَيْتكِ وَلَّا؟ كَنْ تِآمِنِي، تِشِيفِي قُدْرَةْ اللّٰهْ الْمَجِيدَةْ.»

يُوحَنَّا 11:4

وَ عِيسَى سِمِعْ الْكَلَامْ دَا وَ قَالْ: «الْمَرَضْ دَا مَا يِكَمِّلْ بِالْمَوْت لَاكِنْ بِسَبَبَهْ النَّاسْ يِمَجُّدُوا اللّٰهْ. وَ بِسَبَبَهْ إِبْن اللّٰهْ كُلَ يِمَجُّدُوهْ.»

إشَعْيا 35:2

خَلِّي تِنْمَلِي بِنُوَّارْ الْكَدَادَةْ وَ تِنَطِّطْ وَ تَلْعَبْ وَ تِزَغْرِطْ مِنْ الْفَرَحْ. اللّٰهْ يَنْطِي الْبَلَدْ دِي غَابَةْ جَمِيلَةْ مِثِلْ غَابَةْ لُبْنَانْ وَ أَرْض الْعِنْدَهَا إِنْتَاجْ كَتِيرْ مِثِلْ جَبَلْ الْكَرْمَلْ وَ سَهَلَةْ شَارُونْ. وَ يِشِيفُوا مَجْد اللّٰهْ وَ عَظَمَةْ إِلٰـهْنَا.

خُروج 40:34

وَ بَعَدْ دَا، السَّحَابَايْ غَطَّتْ خَيْمَةْ الْإِجْتِمَاعْ وَ مَجْد اللّٰهْ مَلَا الْخَيْمَةْ.

خُروج 16:10

وَ وَكِتْ هَارُونْ بَدَا يِكَلِّمْ لَيْهُمْ بِالْكَلَامْ دَا، هُمَّنْ كُلُّهُمْ أَنْلَفَتَوْا عَلَيْ الصَّحَرَاء وَ شَافَوْا مَجْد اللّٰهْ بَانْ لَيْهُمْ فِي السَّحَابْ.

عَدد 16:42

وَ لَاكِنْ وَكِتْ كُلَّ مُجْتَمَعْ بَنِي إِسْرَائِيلْ لَمَّوْا وَ قَمَّوْا ضِدّ مُوسَى وَ هَارُونْ وَ هُمَّنْ مُوَجِّهِينْ عَلَيْ خَيْمَةْ الْإِجْتِمَاعْ، طَوَّالِي شَافَوْا السَّحَابَايْ غَطَّتْ الْخَيْمَةْ وَ مَجْد اللّٰهْ بَانْ.

عَدد 14:10

وَ بِسَبَبْ دَا، كُلَّ الْمُجْتَمَعْ دَوَّرَوْا يَرْجُمُوهُمْ. وَ طَوَّالِي، مَجْد اللّٰهْ بَانْ فِي خَيْمَةْ الْإِجْتِمَاعْ قِدَّامْ كُلَّ بَنِي إِسْرَائِيلْ.

عَدد 14:27

«لِمَتَى مُجْتَمَعْ بَنِي إِسْرَائِيلْ الْفَسْلِينْ دَوْل يُلُومُونِي؟ وَ أَنَا سِمِعْت الشَّكْوَةْ وَ اللُّوَامَةْ الْبَنِي إِسْرَائِيلْ قَايْمَيْن بَيْهَا ضِدِّي.

خُروج 24:16

وَ مَجْد اللّٰهْ قَعَدْ فِي جَبَلْ سِينَاء. فِي مُدَّةْ سِتَّةْ يَوْم، السَّحَابَايْ سَدَّتْ الْجَبَلْ. وَ فِي الْيَوْم السَّابِعْ، اللّٰهْ نَادَى مُوسَى مِنْ أُسْط السَّحَابَايْ.

خُروج 24:10

وَ شَافَوْا اللّٰهْ إِلٰـهْ بَنِي إِسْرَائِيلْ. وَ تِحْتَهْ شَيّءْ مِثِلْ أَرْض مِنْ الْيَاقُوتْ الْأَخْضَرْ وَ دَا شَفَّافْ مِثِلْ السَّمَاءْ.

لاوِيِّين 9:6

وَ مُوسَى قَالْ: «دَا بَسْ الشَّيّءْ الْأَمَرَاكُو بَيَّهْ اللّٰهْ. سَوُّوهْ وَ مَجْد اللّٰهْ يِبِينْ لَيْكُو.»

خُروج 16:12

«أَنَا سِمِعْت لُوَامَةْ بَنِي إِسْرَائِيلْ. قُولْ لَيْهُمْ: ‹الْيَوْم عَشِيَّةْ، تَاكُلُوا لَحَمْ وَ أَمْبَاكِرْ فَجُرْ، تَشْبَعَوْا بِالْأَكِلْ الْيَنْزِلْ مِنْ السَّمَاءْ. وَ بَيْدَا، تَعَرْفُوا كَدَرْ أَنَا بَسْ اللّٰهْ إِلٰـهْكُو.›»

خُروج 16:8

وَ مُوسَى قَالْ بَتَّانْ: «اللّٰهْ هُو بَسْ الْيَنْطِيكُو بِعَشِيَّةْ لَحَمْ تَاكُلُوهْ. وَ بِفَجُرْ، تَشْبَعَوْا بِأَكِلْ مِنْ السَّمَاءْ أَشَانْ هُو سِمِعْ لُوَامِتْكُو. وَ كَنْ تُلُومُونَا أَنِحْنَ دَا، إِنْتُو لُمْتُوا اللّٰهْ.»

عَدد 17:5

وَ النَّادُمْ الْعَصَاتَهْ تِخَضِّرْ وَ تِسَوِّي نُوَّارْ، هُو دَا بَسْ الْأَنَا عَزَلْتَهْ. وَ بَيْدَا، أَنَا نِوَقِّفْ اللُّوَامَةْ الْقَايْمَيْن بَيْهَا بَنِي إِسْرَائِيلْ ضِدُّكُو.»