خُروج 13:21 - الكتاب المقدس بالعربي الدارجي هنا تشاد

²¹ وَ اللّٰهْ مَاشِي قِدَّامْهُمْ بِالنَّهَارْ فِي عَمُودْ هَنَا سَحَابْ لِيُقُودْهُمْ فِي الدَّرِبْ وَ بِاللَّيْل فِي عَمُودْ هَنَا نَارْ لِيِضَوِّي لَيْهُمْ. أَشَانْ بَيْدَا، يَقْدَرَوْا يُرُوغُوا لَيْل وَ نَهَارْ.

خُروج 13:21 Referenca të Kryqëzuara

نَحَمْيا 9:12

وَ قُدْت شَعَبَكْ بِالنَّهَارْ فِي عَمُودْ هَنَا سَحَابْ وَ بِاللَّيْل فِي عَمُودْ هَنَا نَارْ أَشَانْ تِضَوِّي لَيْهُمْ الدَّرِبْ الْيَمْشُوا فَوْقَهْ.

زَبُور 99:7

فِي عَمُودْ السَّحَابْ، هُو حَجَّى لَيْهُمْ وَ هُمَّنْ حَفَضَوْا مُعَاهَدَتَهْ وَ شُرُوطَهْ الْأَنْطَاهُمْ لَيْهُمْ.

تَثْنِية 1:33

وَ هُو مَاشِي قِدَّامْكُو فِي الدَّرِبْ لِيِفَتِّشْ لَيْكُو بَكَانْ التَّنْزُلُوا فَوْقَهْ. وَ مَاشِي قِدَّامْكُو بِاللَّيْل فِي عَمُودْ هَنَا نَارْ لِيِضَوِّي لَيْكُو فِي الدَّرِبْ الْإِنْتُو مَاشِينْ فَوْقَهْ وَ بِنَهَارْ فِي عَمُودْ هَنَا سَحَابْ.

زَبُور 105:39

اللّٰهْ مَدَّ سَحَابَايْ لِيِدَارِقْهُمْ وَ نَارْ لِيِضَوِّي لَيْهُمْ بِلَيْل.

زَبُور 78:14

بِالنَّهَارْ، هُو يُقُودْهُمْ بِسَحَابَايْ وَ بِاللَّيْل، بِنُورْ هَنَا نَارْ.

نَحَمْيا 9:19

«وَ بَتَّانْ فِي وَكِتْ هُمَّنْ قَاعِدِينْ فِي الصَّحَرَاء كُلَ، بِرَحْمَتَكْ الْكَبِيرَةْ إِنْتَ مَا خَلَّيْتهُمْ. عَمُودْ السَّحَابْ مَا كَسَّ مِنْهُمْ بِالنَّهَارْ وَ عَمُودْ النَّارْ كُلَ مَا كَسَّ مِنْهُمْ بِاللَّيْل أَشَانْ يِضَوِّي لَيْهُمْ الدَّرِبْ الْيَمْشُوا فَوْقَهْ.

عَدد 14:14

وَ حَجَّوْا بَيَّهْ لِسُكَّانْ الْبَلَدْ دِي. وَ بَيْدَا، سُكَّانْ الْبَلَدْ دِي كُلَ سِمْعَوْا كَدَرْ إِنْتَ اللّٰهْ قَاعِدْ فِي أُسُطْ شَعَبَكْ دَا. وَ بَيَّنْت نَفْسَكْ لَيْهُمْ وَ هُمَّنْ شَافَوْا مَجْدَكْ بِعُيُونْهُمْ. وَ سَحَابَايْتَكْ قَاعِدَةْ مِنْ فَوْق لَيْهُمْ وَ إِنْتَ بَسْ مَاشِي قِدَّامْهُمْ بِنَهَارْ فِي عَمُودْ هَنَا سَحَابْ وَ بِاللَّيْل فِي عَمُودْ هَنَا نَارْ.

عَدد 10:34

وَ سَحَابَايِةْ اللّٰهْ مُغَطِّيَيْهُمْ بِنَهَارْ وَكِتْ يِسِيرُوا مِنْ فَرِيقْهُمْ.

خُروج 16:10

وَ وَكِتْ هَارُونْ بَدَا يِكَلِّمْ لَيْهُمْ بِالْكَلَامْ دَا، هُمَّنْ كُلُّهُمْ أَنْلَفَتَوْا عَلَيْ الصَّحَرَاء وَ شَافَوْا مَجْد اللّٰهْ بَانْ لَيْهُمْ فِي السَّحَابْ.

تَثْنِية 31:8

وَ اللّٰهْ مَاشِي قِدَّامَكْ وَ هُو قَاعِدْ مَعَاكْ وَ لَا يَابَاكْ وَ لَا يِخَلِّيكْ وَ مَا تَخَافْ وَ لَا تِنْبَهِتْ.

زَبُور 68:7

يَا رَبّ! مَرَقْت قِدَّامْ شَعَبَكْ وَ مَشَيْت فِي الصَّحَرَاء. وَقْفَةْ.

زَبُور 77:20

إِنْتَ قُدْت شَعَبَكْ مِثِلْ غَنَمْ بِإِيدْ مُوسَى وَ هَارُونْ.

نشيد 3:6

يَاتُو الْجَايِ مِنْ الصَّحَرَاءْ وَ عَجَاجَهْ مِثِلْ دُخَّانْ الطَّالِعْ؟ يَاتُو الْمُعَطَّرْ بِصَنْدَلْ وَ لُبَانْ وَ بِكُلَّ دُخَّانْ التُّجَّارْ؟

خُروج 10:10

وَ الْمَلِكْ أَشَّمَّتْ لَيْهُمْ وَ قَالْ: «يَوْ زَيْن، اللّٰهْ يُكُونْ مَعَاكُو! أَبَداً أَنَا مَا نِخَلِّيكُو يَمُرْقُوا مَعَ عَوِينْكُو وَ عِيَالْكُو أَشَانْ الشَّرّ قَاعِدْ يِنْشَافْ فِي عُيُونْكُو.

خُروج 32:1

وَ وَكِتْ الشَّعَبْ شَافَوْا مُوسَى مَا نَزَلْ لَيْهُمْ عَجَلَةْ مِنْ الْجَبَلْ، هُمَّنْ جَوْا لِهَارُونْ وَ قَالَوْا لَيَّهْ: «قُمّ سَوِّي لَيْنَا صَنَمْ نَعَبُدُوهْ. وَ يُقُودْنَا فِي مَشِينَا أَشَانْ النَّادُمْ الْيُقُولُوا لَيَّهْ مُوسَى دَا، هُو بَسْ الْمَرَقَانَا مِنْ بَلَدْ مَصِرْ وَ لَاكِنْ هَسَّعْ دَا، مَا نَعَرْفُوا شُنُو الْبِقِي لَيَّهْ.»