خُروج 12:12 - الكتاب المقدس بالعربي الدارجي هنا تشاد

¹² وَ فِي اللَّيْلَةْ دِي، أَنَا نُشُقّ بَلَدْ مَصِرْ وَ نَكْتُلْ أَيِّ وَلْد بِكِرْ هَنَا النَّاسْ وَ هَنَا الْبَهَايِمْ. وَ بِمِثِلْ دَا، نِعَاقِبْ إِلٰـهَاتْ بَلَدْ مَصِرْ أَشَانْ أَنَا اللّٰهْ.

خُروج 12:12 Referenca të Kryqëzuara

عَدد 33:4

وَ الْمَصْرِيِّينْ قَاعِدِينْ يَدْفُنُوا جَنَازَاتْ عِيَالْهُمْ أَوْلَادْ الْبِكِرْ الْاللّٰهْ كَتَلَاهُمْ. وَ كَتَلَاهُمْ أَشَانْ يِعَاقِبْ إِلٰـهَاتْهُمْ كُلَ.

خُروج 12:23

وَكِتْ اللّٰهْ يُشُقّ بَلَدْ مَصِرْ لِيَضْرُبْ الْمَصْرِيِّينْ، كَنْ هُو يِشِيفْ الدَّمّ الْمَسَحْتُوهْ فِي الْعِيدَانْ الْإِتْنَيْن هَنَا الْبَابْ وَ عُودَهْ الْفَوْقَانِي، هُو يِبَارِي بُيُوتْكُو وَ يَدْحَرْ وَبَاءْ الْمَوْت مَا يَدْخُلْ فِي بُيُوتْكُو وَ يَضْرُبْكُو.

صَفَنْيا 2:11

اللّٰهْ يِخَوِّفْهُمْ وَ يِدَمِّرْ كُلَّ إِلٰـهَاتْ الْأَرْض. وَ كُلَّ الْأُمَمْ الْبَعِيدِينْ يَسْجُدُوا قِدَّامَهْ، أَيِّ أُمَّةْ فِي بَلَدْهَا.

حِزْقِيال 12:16

وَ نِفَضِّلْ وَاحِدِينْ مِنْهُمْ الْيَنْجَوْا مِنْ الْحَرِبْ وَ الْجُوعْ وَ الْوَبَاءْ أَشَانْ يِحَجُّوا بِكُلَّ مُحَرَّمَاتْهُمْ لِلْأُمَمْ الْيَمْشُوا أَمْبَيْنَاتْهُمْ. وَ بَيْدَا، خَلَاصْ يَعَرْفُوا كَدَرْ أَنَا بَسْ اللّٰهْ.»

إرْمِيا 43:13

هُو يَرْمِي الْعَمَدْ الْغَزَّوْهُمْ فِي بَيْت عِبَادَةْ الْحَرَّايْ فِي مَصِرْ وَ يَحْرِقْ بُيُوتْ إِلٰـهَاتْ مَصِرْ.“›»

إشَعْيا 19:1

مُحَاكَمَةْ مَصِرْ. دَاهُو فِي سَحَابَايْ سَرِيعَةْ اللّٰهْ جَايِ فِي مَصِرْ. وَ إِلٰـهَاتْ مَصِرْ قَاعِدِينْ يَرْجُفُوا قِدَّامَهْ وَ الْمَصْرِيِّينْ قَلِبْهُمْ أَنْقَطَعْ.

زَبُور 82:6

أَنَا قُلْت: «إِنْتُو إِلٰـهَاتْ وَ إِنْتُو كُلُّكُو عِيَالْ الْعَالِي.

زَبُور 82:1

الرَّبّ وَقَفْ فِي لُبّ مُجْتَمَعَهْ وَ حَكَمْ بَيْن الْإِلٰـهَاتْ وَ قَالْ:

خُروج 6:2

وَ بَعَدْ دَا، الرَّبّ قَالْ بَتَّانْ لِمُوسَى: «أَنَا بَسْ اللّٰهْ.

عَمُوس 5:17

وَ النُّوَاحْ يَبْقَى فِي كُلَّ جِنَيْنَاتْ الْعِنَبْ وَكِتْ نُشُقّ فِي أُسُطْكُو وَ نِعَاقِبْكُو.» وَ دَا، اللّٰهْ بَسْ قَالَهْ.

1 أخبار 14:12

وَ الْفِلِسْطِيِّينْ خَلَّوْا أَصْنَامْهُمْ فِي الْبَكَانْ دَا وَ دَاوُدْ أَنْطَى أَمُرْ أَشَانْ يُتُشُّوهُمْ.

1 صَمُوِيل 5:3

وَ أَمْبَاكِرْ بِفَجُرْ بَدْرِي، سُكَّانْ أَشْدُودْ قَمَّوْا وَ دَاهُو لِقَوْا دَقُون وَاقْعِ بِوِجْهَهْ قِدَّامْ صَنْدُوقْ اللّٰهْ! وَ هُمَّنْ شَالَوْه وَ بَتَّانْ خَطَّوْه فِي بَكَانَهْ.

خُروج 22:28

«مَا تِعَيِّرْنِي أَنَا الرَّبّ وَ مَا تَلْعَنْ كَبِيرْ شَعَبَكْ.

1 صَمُوِيل 6:5

عَدُّلُوهُمْ مِثِلْ الْحُبُونْ الْكَرَبَوْكُو وَ الْفَارْ الْخَرَبْ بَلَدْكُو. وَ تِمَجُّدُوا اللّٰهْ إِلٰـهْ بَنِي إِسْرَائِيلْ. وَ بَيْدَا، أَكُونْ يِوَقِّفْ نَزِّلِينْ الْوَبَاءْ مِنْكُو إِنْتُو وَ مِنْ إِلٰـهْكُو وَ مِنْ بَلَدْكُو.

خُروج 21:6

فِي الْبَكَانْ دَا سِيدَهْ يِشِيلْ الْعَبِدْ وَ يِوَدِّيهْ قِدَّامْ الرَّبّ وَ يِقَرِّبَهْ لِلْبَابْ أَوْ لِعُودْ الْبَابْ وَ يِقِدّ أَدَانَهْ بِمُخْرَصْ. وَ يَقْعُدْ يَخْدِمْ لَيَّهْ إِلَى الْأَبَدْ.

خُروج 18:11

وَ هَسَّعْ أَنَا عِرِفْت كَدَرْ اللّٰهْ أَكْبَرْ مِنْ كُلَّ الْإِلٰـهَاتْ أَشَانْ هُو وَصَّفْ قُدُرْتَهْ لِلنَّاسْ الظَّلَمَوْا بَنِي إِسْرَائِيلْ.»

زَبُور 135:8

وَ هُو بَسْ الْكَتَلْ أَوْلَادْ الْبِكِرْ فِي مَصِرْ مِنْ أَوْلَادْ النَّاسْ لَحَدِّي أَوْلَادْ الْبَهَايِمْ.

إرْمِيا 43:12

وَ أَنَا نَحْرِقْ بُيُوتْ الْإِلٰـهَاتْ فِي مَصِرْ بِإِيدْ نَبُوخَدْنَصَرْ وَ هُو يَحْرِقْ الْأَصْنَامْ أَوْ يِوَدِّيهُمْ مَسَاجِينْ. وَ هُو يَنْهَبْ بَلَدْ مَصِرْ وَ يِلَقِّطْ خُمَامْهَا مِثِلْ الرَّاعِي يِلَقِّطْ الْقَمُلْ مِنْ خَلَقَهْ. وَ بَعَدْ دَا، يَمْرُقْ مِنْهَا بِالسَّلَامْ.

إرْمِيا 46:25

وَ اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «أَكِيدْ أَنَا نِعَاقِبْ عَمُّونْ إِلٰـهْ طِيبَةْ. وَ نِعَاقِبْ مَصِرْ وَ إِلٰـهَاتْهَا وَ مُلُوكْهَا. وَ نِعَاقِبْ فِرْعَوْن وَ الْيِتْوَكَّلَوْا عَلَيَّهْ.

خُروج 9:6

وَ أَمْبَاكِرْ، اللّٰهْ نَفَّذْ الشَّيّءْ دَا. وَ كُلَّ بَهَايِمْ الْمَصْرِيِّينْ مَاتَوْا وَ لَاكِنْ مِنْ بَهَايِمْ بَنِي إِسْرَائِيلْ، بَهِيمَةْ وَاحِدَةْ كُلَ مَا مَاتَتْ.

زَبُور 91:7

وَ كَنْ يَقَعَوْا أَلِفْ نَاسْ بِنُصَّكْ وَ عَشَرَةْ أَلِفْ نَاسْ بِزَيْنَايْتَكْ كُلَ، أَبَداً شَيّءْ مَا يَلْحَقَكْ.

زَبُور 95:3

أَشَانْ اللّٰهْ هُو الْعَظِيمْ وَ هُو الْمَلِكْ الْعَظِيمْ فَوْق كُلَّ الْإِلٰـهَاتْ.