خُروج 12:11 - الكتاب المقدس بالعربي الدارجي هنا تشاد

¹¹ «وَ دَاهُو كِكَّيْف تَاكُلُوا الْأَكِلْ دَا. آكُلُوهْ صُلُبْكُو مَرْبُوطْ وَ بِنِعْلَيْكُو فِي رِجْلَيْكُو وَ أَكُرْبُوا عِصَيْكُو فِي إِيدَيْكُو وَ آكُلُوهْ عَجَلَةْ. وَ دَا عِيدْ الْفِصْحَ لِلّٰهْ.

خُروج 12:11 Referenca të Kryqëzuara

خُروج 12:27

إِنْتُو قُولُوا لَيْهُمْ: ‹نَدْبَحَوْا ضَحِيَّةْ عِيدْ الْفِصْحَ لِلّٰهْ أَشَانْ اللّٰهْ بَارَى بُيُوتْنَا أَنِحْنَ بَنِي إِسْرَائِيلْ فِي مَصِرْ. وَكِتْ هُو ضَرَبْ الْمَصْرِيِّينْ، هُو بَارَى بُيُوتْنَا وَ نَجَّانَا.›» وَ فِي الْبَكَانْ دَا، كُلَّ شَعَبْ بَنِي إِسْرَائِيلْ دَنْقَرَوْا وَ سَجَدَوْا.

أفَسُس 6:15

أَبْقَوْا دَايْماً شَجِيعِينْ لِتِبَلُّغُوا بِشَارَةْ السَّلَامْ وَ دَا يَبْقَى لَيْكُو مِثِلْ نِعْلَيْ عَدِيلِينْ فِي رِجْلَيْكُو.

1 كُرُنْتُس 5:7

أَمُرْقُوا مِنْكُو النَّادُمْ الْقَاعِدْ يَذْنِبْ دَا، أَشَانْ تَبْقَوْا بَتَّانْ مِثِلْ عَجِينْ جَدِيدْ الْمَا عِنْدَهْ تَوَّارَةْ. وَ أَنِحْنَ بِقِينَا نَاسْ جُدَادْ أَشَانْ الْمَسِيحْ مَاتْ مِثِلْ حَمَلْ الدَّبَحَوْه زَمَانْ فِي الْفِصْحَ الْأَوَّلْ.

1 بُطْرُس 1:13

أَشَانْ دَا، خُطُّوا بَالْكُو. أَقْعُدُوا ثَابْتِينْ. خُطُّوا عَشَمْكُو كُلَّ كَيْ فِي النِّعْمَةْ التَّلْقَوْهَا فِي الْيَوْم الْعِيسَى الْمَسِيحْ يِبِينْ فَوْقَهْ.

لُوقا 12:35

«أَقْعُدُوا جَاهِزِينْ لِلْخِدْمَةْ صَلَبَاكُو مَرْبُوطِينْ وَ فَوَانِيسْكُو مُوَلِّعِينْ.

عَدد 28:16

«‹وَ فِي يَوْم 14 هَنَا الشَّهَرْ الْأَوَّلْ، دَا يَوْم عِيدْ الْفِصْحَ لِلّٰهْ.

لاوِيِّين 23:5

«وَ فِي يَوْم 14 هَنَا الشَّهَرْ الْأَوَّلْ فِي الْمَغْرِبْ، يُكُونْ عِيدْ الْفِصْحَ لِلّٰهْ.

خُروج 12:43

وَ اللّٰهْ قَالْ لِمُوسَى وَ هَارُونْ: «دَاهُو قَوَانِينْ هَنَا عِيدْ الْفِصْحَ. أَيِّ نَادُمْ الْمَا مِنْ بَنِي إِسْرَائِيلْ مَا يَاكُلْ مَعَاكُو أَكِلْ الْعِيدْ.

خُروج 12:21

وَ بَعَدْ دَا، مُوسَى نَادَى كُلَّ شُيُوخْ بَنِي إِسْرَائِيلْ وَ قَالْ لَيْهُمْ: «أَيِّ وَاحِدْ يِشِيلْ حَمَلْ لِعَايِلْتَهْ وَ يَدْبَحَهْ لِعِيدْ الْفِصْحَ.

لُوقا 15:22

«لَاكِنْ أَبُوهْ نَادَى عَبِيدَهْ وَ قَالْ: ‹عَجَلَةْ، جِيبُوا لَيَّهْ أَجْمَلْ خَلَقْ وَ لَبُّسُوهْ لَيَّهْ. وَ دِسُّوا لَيَّهْ خَاتِمْ فِي إِيدَهْ وَ نَعَالْ فِي رِجِلَيْنَهْ.

لُوقا 7:38

وَ وَقَفَتْ وَرَاءْ عِيسَى جَنْب رِجِلَيْنَهْ. وَ هِي قَاعِدَةْ تَبْكِي وَ بَدَتْ تِبِلّ رِجِلَيْنَهْ بِدُمُوعْهَا وَ تُقُشُّهُمْ بِشَعَرْهَا. وَ قَاعِدَةْ تِحِبّ رِجِلَيْنَهْ وَ تَمْسَحْ فَوْقهُمْ الْعِطِرْ.

خُروج 12:13

وَ الدَّمّ دَا يَبْقَى لَيْكُو عَلَامَةْ التَّحْمِيكُو فِي الْبُيُوتْ الْإِنْتُو سَاكْنِينْ فَوْقهُمْ. وَ كَنْ أَنَا شِفْت الدَّمّ دَا، نِبَارِي بُيُوتْكُو وَ الْوَبَاءْ هَنَا الْمَوْت مَا يَلْحَقْكُو وَكِتْ نِعَاقِبْ الْمَصْرِيِّينْ.

لُوقا 2:41

وَ كُلِّ سَنَةْ، أَهَلْ عِيسَى يَمْشُوا فِي مَدِينَةْ الْقُدُسْ أَشَانْ يِعَيُّدُوا عِيدْ الْفِصْحَ.

إشَعْيا 52:12

فِي الْمَرَّةْ دِي، مَا تَمُرْقُوا بِسُرْعَةْ وَ مَا تَمُرْقُوا مِثِلْ الْمُعَرِّدِينْ. أَشَانْ اللّٰهْ بَسْ مَاشِي قِدَّامْكُو أَيْوَى، إِلٰـهْ بَنِي إِسْرَائِيلْ بَسْ مَاشِي وَرَاكُو.

عَدد 9:1

وَ فِي الشَّهَرْ الْأَوَّلْ هَنَا السَّنَةْ التَّانِيَةْ بَعَدْ بَنِي إِسْرَائِيلْ مَرَقَوْا مِنْ بَلَدْ مَصِرْ، اللّٰهْ حَجَّى لِمُوسَى فِي صَحَرَاء سِينَاء وَ قَالْ:

تَثْنِية 16:1

فَكُّرُوا فِي شَهَرْ الْقَنَادِيلْ وَ عَيُّدُوا عِيدْ الْفِصْحَ لِلّٰهْ إِلٰـهْكُو أَشَانْ فِي شَهَرْ الْقَنَادِيلْ بَسْ اللّٰهْ إِلٰـهْكُو مَرَقَاكُو مِنْ بَلَدْ مَصِرْ بِاللَّيْل.

يَشُوع 5:10

وَ بَنِي إِسْرَائِيلْ نَزَلَوْا فِي قِلْقَالْ وَ عَيَّدَوْا عِيدْ الْفِصْحَ فِي يَوْم 14 هَنَا الشَّهَرْ الْأَوَّلْ بِعَشِيَّةْ فِي كَدَادَةْ أَرِيحَا.

2 مُلوك 23:21

وَ الْمَلِكْ يُوشِيَّا أَمَرْ كُلَّ الشَّعَبْ وَ قَالْ لَيْهُمْ: «عَيُّدُوا عِيدْ الْفِصْحَ لِلّٰهْ إِلٰـهْكُو حَسَبْ الْكَلَامْ الْمَكْتُوبْ فِي كِتَابْ الْمُعَاهَدَةْ.»

حِزْقِيال 45:21

«وَ يَوْم 14 هَنَا الشَّهَرْ الْأَوَّلْ يَبْقَى لَيْكُو عِيدْ الْفِصْحَ. وَ دَا عِيدْ هَنَا سَبْعَةْ يَوْم وَ تَاكُلُوا فَوْقَهْ خُبْزَةْ بَلَا تَوَّارَةْ.