خُروج 11:4 - الكتاب المقدس بالعربي الدارجي هنا تشاد

⁴ وَ مُوسَى قَالْ لِلْمَلِكْ: «دَاهُو اللّٰهْ قَالْ: ‹فِي أُسْط اللَّيْل أَنَا نُشُقّ بَلَدْ مَصِرْ.

خُروج 11:4 Referenca të Kryqëzuara

خُروج 12:29

وَ خَلَاصْ فِي أُسْط اللَّيْل، اللّٰهْ كَتَلْ كُلَّ أَوْلَادْ الْبِكِرْ الْفِي مَصِرْ مِنْ وَلْد الْبِكِرْ هَنَا فِرْعَوْن الْقَاعِدْ فِي كُرْسِي الْمُلُكْ لَحَدِّي أَوْلَادْ الْبِكِرْ هَنَا الْمَسَاجِينْ وَ أَوْلَادْ الْبِكِرْ هَنَا الْبَهَايِمْ.

عَمُوس 4:10

«وَ نَزَّلْت فَوْقكُو الْوَبَاءْ مِثِلْ أَنَا نَزَّلْتَهْ فِي بَلَدْ مَصِرْ. وَ صُبْيَانْكُو مَاتَوْا فِي الْحَرِبْ وَ خَيْلكُو كُلَ أَنْشَالَوْا. وَ شَمَّيْتُوا عَفَنَةْ الْجَنَازَاتْ فِي مُعَسْكَرَاتْكُو وَ بَيْدَا كُلَ، مَا تُبْتُوا.» وَ دَا كَلَامْ اللّٰهْ.

زَبُور 60:10

مَا إِنْتَ، الْإِلٰـهْ الطَّرَدْتِنَا وَلَّا؟ مَا إِنْتَ، الرَّبّ، الْأَبَى مَا يَمْرُقْ مَعَ عَسْكَرْنَا وَلَّا؟

أيُّوب 34:20

هُمَّنْ يُمُوتُوا بِاللَّيْل بِغَفْلَةْ وَ الشَّعَبْ يِبَرْجُلُوا وَ يُمُوتُوا وَ الْجَايِرْ يِطَرُّفُوهْ بِسُهُولَةْ.

خُروج 12:12

وَ فِي اللَّيْلَةْ دِي، أَنَا نُشُقّ بَلَدْ مَصِرْ وَ نَكْتُلْ أَيِّ وَلْد بِكِرْ هَنَا النَّاسْ وَ هَنَا الْبَهَايِمْ. وَ بِمِثِلْ دَا، نِعَاقِبْ إِلٰـهَاتْ بَلَدْ مَصِرْ أَشَانْ أَنَا اللّٰهْ.

مَتَّى 25:6

«وَ فِي أُسْط اللَّيْل سِمْعَنْ حِسّ نَادُمْ يِنَادِي يُقُولْ: ‹شِيفَنْ، الْعَرِيسْ جَايِ! يَلَّا، قُمَّنْ وَ أَمْشَنْ لَاقَنَّهْ!›

مِيخا 2:13

وَ الْيُفُكّ لَيْكُو الْخُرْمَةْ يَمْشِي قِدَّامْكُو. إِنْتُو تُفُكُّوا الْخُرْمَةْ وَ تُفُوتُوا بِالْبَابْ وَ تَمُرْقُوا بَيَّهْ. وَ مَلِكُّو يَمْشِي قِدَّامْكُو. أَيْوَى، أَنَا اللّٰهْ عَلَيْ رَاسْكُو.»

عَمُوس 5:17

وَ النُّوَاحْ يَبْقَى فِي كُلَّ جِنَيْنَاتْ الْعِنَبْ وَكِتْ نُشُقّ فِي أُسُطْكُو وَ نِعَاقِبْكُو.» وَ دَا، اللّٰهْ بَسْ قَالَهْ.

إشَعْيا 42:13

اللّٰهْ يَمْرُقْ مِثِلْ فَارِسْ وَ مِثِلْ رَاجِلْ الْمُحَارِبْ، هُو يَغْضَبْ. وَ يِعِيطْ وَ يِكَوْرِكْ وَ يِنَّصِرْ فِي عُدْوَانَهْ.

2 صَمُوِيل 5:24

وَ وَكِتْ سِمِعْت حَرَكَةْ مِثِلْ خَطْوَاتْ الرِّجِلْ فِي رَاسْ الشَّدَرْ، طَوَّالِي أَمْشِي أَهْجِمْهُمْ! أَشَانْ اللّٰهْ مَشَى قِدَّامَكْ لِيَضْرُبْ عَسْكَرْ الْفِلِسْطِيِّينْ.»

خُروج 12:23

وَكِتْ اللّٰهْ يُشُقّ بَلَدْ مَصِرْ لِيَضْرُبْ الْمَصْرِيِّينْ، كَنْ هُو يِشِيفْ الدَّمّ الْمَسَحْتُوهْ فِي الْعِيدَانْ الْإِتْنَيْن هَنَا الْبَابْ وَ عُودَهْ الْفَوْقَانِي، هُو يِبَارِي بُيُوتْكُو وَ يَدْحَرْ وَبَاءْ الْمَوْت مَا يَدْخُلْ فِي بُيُوتْكُو وَ يَضْرُبْكُو.

زَبُور 81:5

اللّٰهْ شَالْ قَرَارْ فِي ذُرِّيَّةْ يُوسُفْ وَكِتْ هُو قَمَّ ضِدّ مَصِرْ. أَنَا سِمِعْت حِسّ الْمَا عِرِفْتَهْ وَ الْكَلَامْ دَا يُقُولْ: