خُروج 10:22 - الكتاب المقدس بالعربي الدارجي هنا تشاد

²² وَ مُوسَى رَفَعْ إِيدَهْ عَلَيْ السَّمَاءْ وَ خَلَاصْ، ضَلَامْ أَزْرَقْ كُرُمْ غَطَّى بَلَدْ مَصِرْ مُدَّةْ تَلَاتَةْ يَوْم.

خُروج 10:22 Referenca të Kryqëzuara

زَبُور 105:28

هُو رَسَّلْ الضَّلَامْ وَ الضَّلَامْ جَاءْ أَشَانْ مُوسَى وَ هَارُونْ مَا عِصَوْا كَلَامَهْ.

رُؤية 16:10

وَ الْمَلَكْ الْخَامِسْ دَفَّقْ كَاسَهْ فِي كُرْسِي الْحَيْوَانْ الْفَسِلْ وَ بَيْدَا، مَمْلَكَتَهْ بِقَتْ ضَلْمَةْ مَرَّةْ وَاحِدْ. وَ التَّعَبْ بِقِي شَدِيدْ لَحَدِّي لَوْن النَّاسْ غَيَّرْ.

عَمُوس 4:13

شِيفُوا اللّٰهْ بَسْ الْخَلَقْ الْجِبَالْ وَ الرِّيحْ. هُو بَسْ الْبَيَّنْ لِلْإِنْسَانْ الشَّيّءْ الْهُو يِدَوْر يِسَوِّيهْ. وَ هُو بَسْ السَّوَّى النُّورْ ضَلَامْ وَ هُو بَسْ الْيَحْكِمْ فِي كُلَّ الْأَرْض. وَ هُو بَسْ أُسْمَهْ اللّٰهْ الْإِلٰـهْ الْقَادِرْ.

يُوِيل 2:31

وَ الْحَرَّايْ تَبْقَى زَرْقَةْ وَ الْقَمَرْ يَبْقَى أَحْمَرْ مِثِلْ الدَّمّ. وَ دَا قُبَّالْ يَوْم اللّٰهْ مَا يَجِي وَ هُو يَوْم عَظِيمْ وَ مُخِيفْ.

يُوِيل 2:2

دَا يَوْم هَنَا ضَلَامْ أَزْرَقْ كُرُمْ وَ يَوْم هَنَا سَحَابْ أَضْلَمْ مَرَّةْ وَاحِدْ. دَاهُو دَيْش كَبِيرْ وَ قَوِي جَايِ، مِثِلْ نُورْ الصَّبَاحْ الطَّلَعْ فِي الْجِبَالْ. أَبَداً مَا شَافَوْا مِثِلْهُمْ فِي الذُّرِّيَّةْ الْفَاتَتْ وَ لَا فِي الذُّرِّيَّةْ التَّجِي.

تَثْنِية 5:22

وَ الْكَلَامْ دَا، اللّٰهْ قَالَهْ لِكُلَّ الشَّعَبْ فِي الْجَبَلْ، مِنْ أُسْط النَّارْ وَ السَّحَابْ وَ غَمَامْ أَزْرَقْ كُرُمْ. وَ كَلَّمَاهُمْ بِصَوْت عَالِي وَ مَا زَادْ فَوْقَهْ شَيّءْ. وَ الْكَلَامْ دَا، هُو كَتَبَهْ فِي لِيحَانْ إِتْنَيْن هَنَا حَجَرْ وَ أَنْطَاهُمْ لَيِّ أَنَا مُوسَى.

تَثْنِية 4:11

وَ فِي الْيَوْم دَا، قَرَّبْتُوا لَيِّ وَ وَقَفْتُوا فِي قَعَرْ الْجَبَلْ وَ الْجَبَلْ مُقَبَّضْ نَارْ لَحَدِّي نَارَهْ طَالْعَةْ فِي السَّمَاءْ وَ عِنْدَهْ ضَلَامْ وَ سَحَابْ وَ غَمَامْ أَزْرَقْ كُرُمْ.

خُروج 20:21

وَ الشَّعَبْ وَقَفَوْا بَعِيدْ وَ لَاكِنْ مُوسَى قَرَّبْ وَ دَخَلْ فِي الضَّلَامْ الْبَكَانْ الْقَاعِدْ فَوْقَهْ الرَّبّ.

عَمُوس 4:7

«وَ فِي وَكْت الْعِينَةْ بَسْ، أَنَا مَنَعْت مِنْكُو الْمَطَرْ. وَ نَزَّلْت الْمَطَرَةْ فِي حِلَّةْ وَاحِدَةْ وَ فِي حِلَّةْ آخَرَةْ كَمَانْ، أَنَا مَا نَزَّلْتَهَا. وَ نَزَّلْت الْمَطَرَةْ فِي زَرَعْ وَاحِدْ وَ زَرَعْ آخَرْ يِبِسْ.

أيُّوب 5:14

بِنَهَارْ، النَّاسْ دَوْل يَوَاجُهُوا ضَلَامْ وَ بِقَايْلَةْ، يِدَّقَّشَوْا مِثِلْ بِاللَّيْل.

إشَعْيا 8:22

وَ بَعَدْ دَا، يِشِيفُوا الْأَرْض وَ دَاهُو تَعَبْ وَ ضَلَامْ. وَ ضَلَامْ الضِّيقَةْ يِلِزُّهُمْ فِي ضَلَامْ أَزْرَقْ كُرُمْ.

حِزْقِيال 32:7

وَ وَكِتْ نُورَكْ يُمُوتْ، أَنَا نِغَطِّي السَّمَاءْ وَ نِضَلِّمْ النُّجُومْ. نِغَطِّي الْحَرَّايْ بِسَحَابْ وَ الْقَمَرْ مَا يِضَوِّي بَتَّانْ.

حِزْقِيال 32:8

بِسَبَبَكْ إِنْتَ، نِضَلِّمْ كُلَّ أَنْوَارْ السَّمَاءْ وَ نِجِيبْ الضَّلَامْ فِي بَلَدَكْ.» وَ دَا كَلَامْ اللّٰهْ الرَّبّ.