خُروج 1:16 - الكتاب المقدس بالعربي الدارجي هنا تشاد

¹⁶ وَ قَالْ لَيْهِنْ: «أَسْمَعَنْ زَيْن. كَنْ تِوَلِّدَنْ عَوِينْ الْعِبْرَانِيِّينْ، فَكِّرَنْ فِي مَرِقِينْ الصَّغِيرْ. كَنْ وِلَيْد، أَكْتُلَنَهْ. وَ كَنْ بِنَيَّةْ كَمَانْ، خَلَّنْهَا تِعِيشْ.»

خُروج 1:16 Referenca të Kryqëzuara

خُروج 1:22

وَ خَلَاصْ، الْمَلِكْ قَمَّ أَنْطَى أَمُرْ لِشَعَبَهْ وَ قَالْ لَيْهُمْ: «أَزْقُلُوا فِي الْبَحَرْ أَيِّ وِلَيْد عِبْرَانِي الدَّهَابَهْ وِلْدَوْه. إِلَّا الْبَنَاتْ بَسْ خَلُّوهِنْ.»

مَتَّى 21:38

وَ لَاكِنْ الْحَرَّاتِينْ شَافَوْا وِلَيْد سَيِّدْهُمْ وَ قَالَوْا أَمْبَيْنَاتْهُمْ: ‹دَا بَسْ الْوَرِيثْ. خَلِّي نَكْتُلُوهْ وَ نِشِيلُوا وَرَثَتَهْ.›

رُؤية 12:4

وَ هُو قَشَّ تِلْت النُّجُومْ مِنْ السَّمَاءْ بِدَنَبَهْ وَ رَمَاهُمْ فِي الْأَرْض. وَ الْغُولْ دَا وَقَفْ قِدَّامْ الْمَرَةْ التِّدَوْر تَلْدَ وَ قَاعِدْ يَرْجَى أَشَانْ مِنْ وِلْدَتْ بَسْ يَاكُلْ صَغِيرْهَا.

أعمال الرُسُل 7:19

وَ غَشَّاهُمْ لِقَبِيلِتْنَا وَ ظَلَمَاهُمْ لِجُدُودْنَا وَ جَبَرَاهُمْ أَشَانْ يِخَلُّوا أَطْفَالْهُمْ بَرَّا لِيُمُوتُوا.

عِبْرَانِيِّين 11:23

وَ بِالْإِيمَانْ، وَالْدَيْن مُوسَى بَعَدْ وِلْدَوْه، لَبَّدَوْه مُدَّةْ تَلَاتَةْ شَهَرْ. شَافَوْا كَدَرْ وِلَيْدهُمْ جَمِيلْ مَرَّةْ وَاحِدْ وَ هُمَّنْ مَا خَايْفِينْ مِنْ الْمَلِكْ فِرْعَوْن وَ مَا تَابَعَوْا أَمْرَهْ.

خُروج 1:15

فِيَّهْ عَوِينْ وَلَّادَاتْ إِتْنَيْن هَنَا الْعِبْرَانِيِّينْ. الْوَاحِدَةْ أُسُمْهَا شِفْرَةْ وَ الْآخَرَةْ أُسُمْهَا فُوعَةْ. وَ مَلِكْ مَصِرْ نَادَاهِنْ

زَبُور 105:25

هُو غَيَّرْ قُلُوبْ خُصْمَانْهُمْ لِيَكْرَهَوْا شَعَبَهْ وَ يِلآمَرَوْا ضِدّ عَبِيدَهْ.